ازيكوا يا بنات
اخيييييييييييييييييييييرا النت فتح معايا
ايه الاخبار ؟؟؟؟؟؟؟؟؟؟؟؟
واحشيننني مووووووووووووووووووووووووووووت
على ما باقرى اللي فات باحس اني مرهقه و مش قادره اكتب
بس تقريبا روشانا اشتكت من الكيك
هو حاجة من اثنين
- ظبطي مقاس الصينيه و لا تبقى كبيرة اوي و لا تبقى صغيرة اوي
يعني لما تحطي السائل يكون تقريبا في منتصفها او اقل
-الفرن اوعي تفتحي الفرن قبل 10 دقايق على الاقل لان ده بيهبط الكيك
و خليه الاول على حراره عاليه لمدة العشر دقايق
و بعدين هدي خليها حرارة متوسطة
و طبعا لازم تسخني الفرن قبلها بفترة حلوة علشان الكيك يعلىى و ينفش
على فكرة انتي قلتي ان البيض بتاعك كان كبير فده المفروض يخليها تنفش اكتر
و بالتجربة كل حاجة بتنجح
بوظي و لا يهمك

مادو معلوزماتك حلوة اوي
عروس النيل دايما تجيبي حاجات حلوة اوي

كل البنات وحشتوني و باحبكوااوي

رانيا
انا بحبك اكتر انت شخصيه متميزة ما شاء الله عليك ربنا يحفظك ويكثر من امثالك عشان الدنيا تبقى حلوة
ربنا يعينك على مسئولياتك وبدعيلك دائما

نيرفانا
ياريت كلنا والله نحاول نعمل اكل صحى
بس جوزك اكيد بيحب السمك ومفيش اجمل من اكل البحر
سمك جمبرى سبيط استاكوزا ...................يااااااااا دا عالم تانى وكلة مفيد وطعمة حلو بكل الطرق وسهل
وحاولى تقللى النشويات زى الرز والمكرونة اعملى بكميات صغيرة وكترى من السلطات والمقليات
وفعلا المصريين اكتر ناس عندهم كروش حتى لو رفيعين
كان قبل كدة
اخت اسمها سلسبيل عملت ملف للاكلات الصحية
الملفات كتير بس المهم نشجع بعض اننا ننفذ وخصوصا الصلطات
بتبقى حلوة بس عمييلها تقيلة
يا ريت نشجع بعض ونعملها كل يوم

حبيبة
الروابط فعلا حلوة بس اللهجة تقيلة شوية يبقى كتر خيرك لو كل يوم تقولى لينا فكرة منة

عروس
هتسهرى النهار دة؟

يا بنات انا معاكو فى موضوع الاكل الصحى ده وفعلا انا من الاول بحاول اطبخ بطريقة صحية بس برضه رمضان فرصه ان الواحد يقللفى كميات الاكل اللى بيطبخه لان الواحد بيطبخ بيبقى متخيل انه هياكل الدنيا وفى الاخر ممكن يشبع على طبق شوربة وسلطة
ممكن نتبتدى كل واحد\ه تقول فكرة لاكله هى شايفة ناها بتعملها بطريقة صحية ونتعلم منبعض ونخلى كل اكلنا صحى وممكن مرة فى الاسبوع لخبطة محمر او مسبك عشان منحسش اننا محرومين

حبيبة
اضيف على كلام عروس النيل
لازم الاحترام المتبادل بينك بين زوجك بشدة قدامة يعنى جوزك لازم يراعى احترامك الشديد امام ابنك
وميلمكيش على عصبيتة او نكدية والكلام دة ادامة
وحتى الكلام على تربية ابنك يكون ما بينكم فقط هو ميسمعوش
وتشكروا فى بعض قدام ابنك محسسوة انكم قدوة واحسن من الناس كلها
عشان يحس بالاطمئنان ويتعلم الاحترام

ازيكوا يا بنات
ايه الاخبار
الحمد لله الننت اشتغل تاني فجاة
شفتوا اسعار الفاكهه ارتفعت بشكل رهيب اصلنا لسه شاريين فاكهه
و طالع السعر من عيني ايه ده
بقت حاجة تجيب ضغط المانجة بعشرة جنية و التين بثمانيه و الموز بسته
ايه القرف ده يعني اسرة متوسطة تجيب فاكهه بكام في الشهر و هما اساسا مرتباتهم كام
اكيد الناس ح تبطل تاكل فاكهه
حاجة غريبة اوي يعني المفروض اننا نعمل ايه؟؟؟؟
قالوا المانجو و الموز علشان الساقعة بوظتهم طب باقي الفواكة زايدة ليه ؟؟؟؟؟؟؟
عندكوا انتوا كمان الاسعار كده و لا الراجل خمنا