عروس النيل انتي بصراحه حسه انك اخت وكلكم والله انا طبعا هتابع مع دكتور مش هاخد كده من دماغي طب انتي في اي بلد لو في قطر قوليلي جوزي هناك وممكن اخليه يجيبها وبالنسبه للجنزبيل والقرفه سهله هشتريهم وابقي اجرب بس انتي قولتي متغليهمش مع الماء طب اعملهم ازاي كنزي وروشانا شكرا علي وصفات البسله .............. مادو وصفه العجه انا كتبتها وربنا يسهل ولما جوزي يجي واروح شقتي اعملها اصلي بصراحه بخاف اعمل اي حاجه هنا اول مبروح عند ماما بعمل حقل تجاااارب انا بقي هقولكم علي صنف حلو جربته وطلع روعه تشيز كيك بالجيلي ...........الطبقة الاولى

علبة بسكوت ماري مطحون او اي بسكويت
( 130 جم) زبدة مذابة او زيت صني او اي سمنه .............................الطبقة (الثانية)

2علبة زبادي
2 كيس لبن بودره نيدو
8 حبات جبنه كيري اوي بريزدنت بالقشطه بس احلي كيري

كوب سكر...........................................الطبقة الثالثة

_2 باكيت جلي ليمون او اي نكهه تحبوها
2كوب ماء الطريقة..

*يطحن البسكويت جيدا ثم يضاف الزبدة ويخلط الجميع مع بعض
- ضعي الخليط في القالب ثم يضع القالب في الثلاجة..
بس اضغطي اوي علي البسكويت بايدك ساويهاوي خليه يمسك في بعضه وبعدين مقادير الطبقه التانيه اضربيها في الخلاط وضعيها فو قطبقه البسكويت وضعيهم في الفرن 4 دقايق كده يدوب تحسي ان الطبقه البيضا دي مسكت وبعدين جهزي الجيلي زي مابنعمله بس خليه يبرد وبالمعلقه رشي علي الوش ضروري بالمعلقهمش تحطيها كده لانك لو حطيته علي طبقه الكريمه كده هتسح وتكسر رشي بشواش خالص بالمعلقه علي الوش ودخليه التلاجه ساعتين لحد مالجيلي يمسك وقطعيها هتلاقي طبقه بسكويت تحت والنص كريمه وفوق جيلي بصراحه حلوة اوي يارب تعجبكم انا نقس افيدكم زي مابتفيدوني انا حطيت لكم صورته وهو فعلا طلع نفس اللي في الصوره روووووعه والله

السلام عليكم و رحمة الله و بركاته

ازيكوا يا قمرات

ماما زوزو
جزاكِ الله خيرا على المعلومات
ما شاء الله ربنا يكرمك يا رب
و يجعل كل معلومة في ميزان حسناتك

عروس النيل
مش عارفه اقولك ايه
جزاكِ الله خير الجزاء

مادو
تسلم ايديكي على العجة
ماما بتعملها بردو بس من غير بطاطس تقريبا
هيا مشهورة عندنا في بلدنا
انتي من الغربية بردو ولا ايه ؟؟
ممكن نطلع بلديات :)

سمسمة
ربنا يرزقك الذرية الصالحة عاجلا غير آجل
بصي يا جميل
فيه حاجات كتيييير قوي منشطة طبيعية
زي الجرجير و القرفة و الزنجبيل و السي فود
اغلي مية و حطي في كوباية معلقة قرفة و معلقة زنجبيل و معلقة حبة البركة
و عسل نحل و صبي المية عليهم و غطي الكوباية شوية
و ممكن تعمليها بحليب بدل المية افيد كمان
و فيه خلطة بتتعمل بعسل النحل و حبوب اللقاح و غذاء الملكات و طلع النخيل و حبة البركة
بس مش اي حد بيعملها لازم حد متخصص لانها بمقادير معينة
واحدة صاحبتي بفضل الله اولا ثم الخلطة دي حملت الحمدلله

السلام عليكم ورحمة الله وبركاته سمسمه
تسلم ايدك على تشز كيك ان شاء الله اجربه
واقول لك النتيجه
والميراميه هاتيها من قطر لانها اكيد متوفره فى جميع السوبر ماركت
اهنا هنا بنسميها جمعيه لو نفس الاسم فى قطر قولى له حا تلاقيها مع التوابل
او من اى عطار متوفره بكثره
وممكن محلات بيع العسل بس يمون محل ثقه جربى وصفة الاخت بلو روز
وممكن زوجك يشترى المكونات من قطر وصاحب محل العسل يخلطها
عشان تضمنى ان المكونات تكون مش مغشوشه
واكثرى من الدعاء وربنا يرزقك الذريه ان شاء الله وكل مشتاق
بلو روز - نورتى تجمعنا وانا سعيده جدا بمشاركتك
مادو - تصورى كلنا نفس المشكله انا لما بكون عند ماما بقول لها انا عايزه اجازه
لكن بتصعب عليه ولازم اساعدها ربنا يعطى امهاتنا جميعا الصحه
ربنا يعنا جميعا على بر والدينا
وما ننساش حمواتنا كمان فكرى زوجك انه يسال عنها ويبرها
احنا اتكلمنا قبل كده عن الحموات بس انا بتكلم كمن ناحية البر
انا عارفه ان قلوبنا مش ملكنا ممكن ناس كتير ما بتحبش حمواتها
وممكن تكون معذوره فى كرهها بسبب افعال حماتها
بس انا رايى لو مش عارفين نتعامل بحب نتعامل باحترام
نحترمها ونسال عنها ونهاديها وتحسى زوجك انه يوميا يسال عنها
وخليه يزورها لوجه الله اولا ثم اكراما لزوجك ثم كل فعل خير سوف تقدميه لحماتك
مردود لك لانك حا تكونى حمى معلش يامادو
انا خرجت عن بر الام لبر الحماه لان كلنا مش محتاجين توصيه لبر امهاتنا
لانه حب فطرى لكن لو كل وحده مش عارفه تحب حماتها تجرب النصائح
واجرها عند الله عظيم

عروس النيل
فعلا كلنا بنحب امهاتنا
لكن للاسف بندلع عليهم وبس
معظمنا
لازم نترجم حبهم لافعال وكلام كمان
ومسالة الحما دى انا الحمد للة معنديش مشاكل والبركة فيها بجد بتشغل وقتها بطريقة كبيرة
وخصوصا بالعلاقات الاجتماعية
اما جوزى مش محتاج خالص افكرة بواجباتة نحية امة
هو بيموت فيها ما شاء الله
واتمنى انها تحبة زى مابيحبها
حب الام اكيد هيجلب كل خير
وربنا يهدى الجميع

بلو روز شكرا لنصايحك الحلوة ممكن حد يقولي طريقه الكاتشب والشاورما