ماشاء الله عليكوا كفيتوا ووفيتوا
بجد كلامكم اكثر من رائع

عروس النيل---رانيا------نيرفانا-----مادو-----كوكي

بجد ميرسي جداااااا بس طبعا عشمي فيكوا ربنا يخلينا لبعض


و كلامكوا مقنع جداااا بس يارب اتشجع كده و ابقى شاطره لاني نفسي اوي انا و ابني نرتبط ببعض جدااا

ازيكوا يا وحشين ايه الاخبار
النت عندي سئ للغاية
و الله حاولت اكتب كام رد و بعد ما اكتبهم يتمسحوا
وبقالي يومين ما دخلتش لظروف عائلية ادعوا لي ربنا يفرج كربنا
بس ماشاء الله راجعه لاقيت ماشاء الله مواضيع مهمه و كلكوا ماشاء الله الكلام و الردود
تعمل مراجع في التربية
ربنا يزيد التجمع بركة ان شاء الله
كلكوا واحشينني جداااااااااااا
و ايمان ما تطوليش الغيبة بلييييييييييييييييز مش عارفه بتروحي انتي فين
ولا مشغوله في فرح اخوكي

كنزى
جزاك الله خيرا ملومات رائعه ومفيده
الحمد لله التجمع بقى شامل لكل المعلومات
وجزاها الله خيرا مدام وائل لان كل خير بيقدم من خلال
التجمع فى ميزان حسناتها ان شاء الله لانها اها الفضل
فى لمتنا الجميله
وعندى عتاب لمدام وائل ياريت ما تتاخريش علينا
لانك بتعملى جو جميل وروح جديده ومحتاجين تشجعينا على الحفظ
عطر
لازم تكونى شجاعه وتدربى انك تكونى صديقه لابنك لان موضوع الصداقه
مع الابناء مش سهلانه ييجى يكى بسهوله اى حاجه بتقابلها
ففرصه ابنك صغير ربى فيه انك اهم صديقه فى حياته
وربنا يجعله من الصالحين ان شاء الله
شيماء
بتدى روح جديده وجو جميل للتجمع ربنا يهدى حال النت
ربنا يفك كربك ويرزقك الهدوء والاستقرار النفسى
ويحقق لك كل ما تتمنى
ما تنسوش يا جماعه تتصحروا عشان صيام يوم الخميس
وربنا يتقبل منا جميعا صالح الاعمال

السلام عليكم .. وحشتونى
بقالي كام يوم كده مش مظبوطه .. كل ما يقرب معاد دخول احمد للحضانه باترعب .. انتو عارفين ظروفه بقى .. خايفه عليه جدا وخايفه الاولاد فى الحضانه يستغربو انه مش بيستعمل ايديه الاتنين زيهم وانتو عارفين الاطفال فى السن ده مابيبقوش فاهمين .. خايفه يعايروه ولا يعقدوه .. حاسه انه ماعندوش خبرة زى باقي الاطفال اللي فى نفس سنه وموضوع ايده ده ماثر عليه جدا .. بجد باكتبلكم ودموعى على خدي .. بدل مابقى فرحانه زى اى ام ابنه بيدخل الحضانه لاول مرة انا خايفه وقلقانه
اللهم لا اعتراض .. استغفر الله العظيم .. حاسه ان ممكن الاولاد يبعدو عنه و مايلعبوش معاه .. وحاسه انه مش هايقدر يعمل حاجه من غيري
والله مش لاقيه غيركم اشكيله من القلق اللي انا فيه .. طبعا هشام زيي ومش عاوزة ازود قلقه .. وماما بتبسطلى الامور جدا عشان تطمنى .. وماحدش ممكن يحس بالقلق اللي انا فيه .. ساعات امسك ايده وابقى هاين عليه اقول يا رب بدل ايده بايدى الاتنين المهم هو يبقى زى باقى الاطفال .. ادعولى يا جماعه انا حاسه انى مخنوقة .. مش عارفه طول عمري باشجع نفسى واتغاضى عن نظرات الناس ايه وسؤ الهم عليه بس دلوقت خلاص مش قادرة .

نانا حبيبة قلبي استغفري ربنا وما تخليش الشيطان يسيطر على افكارك ويضيع فرحتك وربنا يحفظه وافتكري دايما اللي حالتهم اسوا

واكيد ربنا هيكرمك فيه وان شاء الله تشوفيه حاجه كبيره وتفتخري بيه ادام الدنيا كلها