مشمشه ____بتنورينا و تمتعينا بوجودك


عروس النيل___بجد ادعيلي اكون اد المسئوليه لان فعلا التربيه مش سهله ابداااااااااااا و امانه كبيره اوي ربنا يعينا عليها


سما_سهاب____انت فين يا بنتي بتختفي مره واحده

نانا_____حبيبتي صدمتيني والله و خضيتيني عليكي

يا بنتي كل شئ نصيب و ربنا اعلم بيه منك و احن عليه منك

و ان شاء الله هييسر له اموره و يوقف له ولاد الحلال و هتلاقي بدل الواحد الف يقفوا جانبوا و يساعدوه


دا غير انه لما هيبعد عنك هيبقى هيحاول يعتمد على نفسه و هتلاقيه اتغير تماما و للاحسن ان شاء الله


دا غير انك لازم تتواصلي مع المديره و مع مدرسات الكلاس بتاعه و مع داده معينه و تشرحيلهم حالته عشان يقدروا يساعدوه و لان اهتمامهم بيكون اكتر و عينهم عليه اكتر


و صدقيني انا اعرف قريب ولاد خالي و كان عنده تاخر عقلي و حركته ثقيله جداااا و مش بيعرف يتكلم

و لكن مامته واجهت الموقف و قررت تدخله مدرسه عاديه والله يا دينا صحابه كانوا احن عليه من مامته نفسها وماشاء الله كمل لثانويه عامه

و دخل كليه الاداب و احنا كلنا بنتعامل معاه عادي جدااا وهو متعايش اوي مع حالته

بس بصراحه امه كانت قويه جدااااااا جدااا و كانت معاه خطوه بخطوه و هي اللي بتذاكرله وهي اللي كانت بتوصي اصحابه عليه


شفتي بقى احمدي ربنا جدااااا على ان ابنك معندوش حاجه

و قومي كده فوقي و نفضي دماغك من الافكار دي و اجمدي كده و سيبيها على ربنا بس انت ادعي يله دايما


ويابنتي دا احساس اي ام ابنها هيبعد عنها لاول مره

نانا
انت احساسك طبيعى اى طفل بيبعد عن امه خصوصا الطفل الاول بيكون ده احساس
الام وبعدين لازم تكونى شجاعه وواثقه من نفسك وتستعينى بالله ويكون هدفك
انك حا تحققى من ابنك ده حاجه كبيره وانه حا يتغلب على الاعاقه بمنتهى القوه
والنجاح لو ده احساسك حا تدى لابنك ثقه فى نفسه غير عاديه واكيد ممكن يقابل
حد يضايقه وحد يتعاطف معاه فلازم انتى تدلى ثقه فى نفسه انت عند ربنا احسن منهم
واقوى منهم خليه حاسس دايما بثقه مهما قابل تعليقات مش حا تاثر فيه
وانا عارفه انك مؤمنه بقضاء الله وقدره لكننا بشر فلازم تستعينى بالله
وما تسيبيش الشيطان يسيطر عليكىلانك اجربك عظيم عند الله على صبرك
ولازم الواحد يبص لل اقل منه عشان يحمد ربنا
عندى قريبه لى ابنها نتيجة خطا دكتور بعد الولاده هون الامر والصفره عليت جدا
وبقى عباره عن جثه تتنفس فقط جميه اجهزة جسمه فيها خلل يعنى حالته ماساه
امه بتقول لى انا لما بروح اعمل جلسات برجع معنوياتى مرتفعه جدا ان حالة ابنى احسن من غيره
فلازم تنظرى للحالات دى حا تحسى ان معنوياتك مرتفعه وان امر ابنك بسيط جدا
واعملى براى عطر انك تشرحى حالته فى المدرسه وحا يهتمو بيه وعليكى بالدعاء
وما يدريكى مش ممكن يلاقى صحبه احن عليه منك لان ربنا معاه خلى يقينك بالله قوى
وان شاء الله حا تشوفيه احسن الناس وربنا حا يعوضه بعقلية فذه وتكونى فخوره بيه
بس لازم تكونى قويه لانه حا يستمد قوته من خلالك وكلنا معاكى وعليكى بالدعاء

نانا
انا تذكرت حاجه وحبيت اطمنك بيها
ابنى معاه ولد فى المدرسه نفس حالة ابنك
بيقولى كلنا بنحبه جدا وما حدش فينا بيقدر
يعمل له حاجه تزعله لاننا مراعيين ظروفه ولو هو ما جاش يلعب
لازم ننادى عليه ويلعب معانا حتى ابنى الصغير بيقولى انا بحب العب
معاه جدا فممكن اول اسبوع ممكن يكون مش متعود على الجو
ده وضع طبيعى وحا يعيط مش بيحب يروح عادى جدا لان كل الاطفال
وضعها كده وانتى ممكن كل فتره تعملى مثلا اى صنف حلو
ويكون فى علبه جميله ويتجمع مع اصحابه كل الفصل ياكلو سوا
ده حا يعمل الفه
ممكن تجيبى هدايا بسيطه هو يوزعها على اصحابه بمساعة المدرسه
الحاجات البسيطه دى حا تعمل الفه مع اصحابه وانتى لازم تحسسيه
انه مميز عن الباقى باهتمامك بيه وحبك وان شاء الله
انا واثقه اننك حا تتغلبى على المشاعر السلبيه وحا تبتكرى
افكار جميله لابنك انه يكون مميز فى كل شىء

السلام عليكم
نانا حبيبتي انا لسه قاريه كلامك دلوءتي
انا مش هاقول اكتر من اللي البنات قالوه لاني عارفه انك مؤمنه و صابره و محتسبه يا حبيبتي بس الشيطان هو اللي بيلعب بعقل المؤمن اكتر من اللاهي
انا حبيت ازكرلك مثال علشان تعرفي ان مش انتي الوحيده لان ده هيهون عليكي ان شاء الله
انا بناتي معاهم في الحضانه هنا بنت يابانيه مش بتمشي خالص يعني عندها ضمور في العضلات و شويه في المخ و علي كرسي متحرك
اول حاجه كل البنات و الاولاد بيحبوها جدااااا و بناتي بيموتوا فيها و دايما يلعبوا معاها و يكلموها
الاهم من دا كله طريقه باباها و مامتها و الله العظيم بيتعاملوا ان الموضوغ عادي جدااا من اول انهم مزوقيين الكرسي بتاعها باللون البينك و عليها حركات تحفه و بيخلوا اصخابها يزقوها بالكرسي عادي جدااا
ثانيا بتنزل معاهم في البسيين عادي جداااا بس طبعا مع المدرسه ماسكاها
كل الانشطه اللي تقدر تعملها مشتركيين فيها و ساعات حتي ينزلوها من الكرسي و هي بتزحف يا حبيبتي مع ان سنها 5 سنين و تلاقي بناتي يقعدوا علي الارض جتبها و بلعبوا معاها و حتي لما بتغييب علشان في المستشفي المدرسه بتطلب من الاولاد يدعولها علشان تعبانه
ما بالك احنا بقي اللي مسلميين
انتي يا حبيبتي اتكلمي مع المديره و المدرسات مش انهم يتعاملوا معاه بتسيب علشان مش يحس انه مختلف لاؤ بتعاملوا معاه بفهم لحالته و انتي ادعي كتيييير ان ربن يقويكي و يهله الامور لان دعوه الام مستجابه يا قلبي و الله ان شاء الله
ان شاء الله هتيجي تقوليلنا انه زي الفل و القمر و بقي عنده اصحاب
بس علي فكره مش اي حاجه تحصله في المدرسه ترجعيها علشان حالته لاء في كتير اطفال تانيين مش بيعرفوا يعملوا اصحاب من الاول او يندمجوا في محموعات او حتي بيعيطوا دا عاااادي جداااا بالنسبه للسن ده علشان متخدييش كل حاجه علي اعصابك
ربنا معاكي يا حبيبتي ادخلي طمنينا عليكي علشان انتي عملتيلي فزع و الله قلقانه عليكي جداا
استهدي بالله و ربنا كريم اوي صدقيني احن عليه منك
بالا سلام