نانا حبيبتى
بعد ان تحمدى الله تعالى عز وجل
لعله خير يارب ايه الخير فى الى انا فيه لاء منقولش كده
عجبا لامر المؤمن كل امره خير
اكيد الى انتى فيه دا خيرررر كبير ممكن متعرفيش حكمته دلوقتى بس والله خير
ودايما لازم ننظر الى من اقل منا حتى نستشعر نعمه الله عز وجل ونقول الحمد لله
لازم تكونى قويه جدا حتى وانتى فى اضعف لحظاتكعلشان ابنك بيستمد منك قوه شخصيته
اقراءى كتير علشان تعرفى تفديه
وعليكى بالدعاء
لا يرد قدر الله الا الدعاء
شوفتو اهميه الدعاء
وطبعا الامثله حوالينا كتييييره
واحده صاحبتى بنتها مولوده ايديها الاتنين لحد كوعها او اقل
اهل جوزها قالولها ارميها
بكت وقالت بنتى ازاى ارميها تكفلت بيها خلفت دلوقتى معاها 3 بنات قالت علشان ياخدو بالهم منها
اشترت لها حته ارض
بتدور فى اى مكان على عمليه لبنتها ومبتياءس
وبتدور على مراكز علميه للتعامل الصح مع بنتها



الحمد لله انا مريت بتجربه بسيطه هحكيها لكم
من فضل الله عليا ان ابنى عنده انيميا الفول
لم نكتشف الموضوع الا قدرا
البول بقا كله مدمم
الولد لونه اصفررررررررر
الدكتور شخص حالته خطاء انه صفرا
وقالنا استنو ليوم السبت نعمل تحليل لان المعامل قافلهعلشان نحدد العلاج الصح
حالته من الخميس للسبت
نايم بيقول اه
سخن مافيش اكل وترجيع
المهم انا مش عاوزه افتكر الباقى
جلسنا نبكى انا وزوجى لماالدكتور ساءلنا هو خد دم طب راح لدكتور سنان
يوم السبت طلعت النتيجه الهيموجلوبين 4
اللهم لك الحمد والله ربنا وقف جمبنا جرينا على المستشفى
اخد دم طبعا وكان سخن الكتور قالى نزلى ىالحراره بسرعه علشان ياخد الدم
قلعته هدومه وحطيت كمدات ايده ورجله وفخده مع الكحول علشان الحراره تنزل بعد ما اخد شويه صغيرين من
الدم ابنى قام قعد واتكلم وبداء ياكل
شوفتى ربنا والله ربنا كريم بس احنا الى مقصرين فى حقهبعد ما حالته استقرت بعد كيسين دم و
ادويه لالتها الوز الى كان موجود عنده وقتها وفيه حاجات تانيه مش عاوزه افتكرها
ابنى الان ممنوع طول حياته ياكل فول فول صويا طعميه لانشون سوسيس همبرجر هوت دج والبقوليات بحذر

انا عرفت ابنى 5 سنين الان انه ممنوع ياكل كل الحاجات السابقه وكل اقاربه عرفتهم برده وفى الحضانه
لانه لو اكل فوله صويا واحده بس تكسرله الدم ويبقى لازم يتنقله دم والحمد لله قوى احنا فى نعمه بس احنا مش حاسين بيها
وياريت تحاولى تتصاحبى على مدرسته فى الحضانه تعرفى كل تصرفاته من غير ما يحس انك بتراقبيه

اسفه على الاطاله
بس والله يا نانا انا كتبت دا لانى حاسه بيكى
اللهم اشفى اولادنا شفاء لا يغادر سقما
وربنا يطمنك عليه ويبقى احسن واحد فى الدنيا
سلام الله عليكم

اللهم فك كربك يا شيماء انتى ونيرفانا وكل المسلمين جميعا

مادو افكارك التنظيميه جميله

والله يا بنات ماعارفه اقولكم ايه .. حسستونى ان انا مش لوحدى .. واصلا انا بمجرد ما فضفضت معاكم بجد ارتحت .. ربنا يخليكم لي وماتحرمش منكم ابدا .. والله يا بنات انا الحمد لله قوية وراضيه بس فعلا ساعات الشيطان بيلعب بينا .. تخيلو بنت اخو جوزى عندها 7 سنين باحبها قوى اصلها مولوده على ايدى وهى ومامتها حته من قلبي .. لما تلاقينى كده بتقولى قومى يا تانت خدى دش واشربي ميه كتير اصل الشيطان ده مخلوق من نار والميه بتطفيه وتموته علطول تخلينى اضحك واستغفر ربنا .. الحمد لله بس ساعات بيصعب على احمد ونفسي كمان لان زى ما قلتلكم باشتريله حاجات الحضانه لاول مرة وجوايا بدل الفرحه قلق .. الف حمد لله .. بجد اللي ليها اصحاب واخوات زيكم حرام عليها لما تقعد تعيط لوحدها .. ربنا يحفظ لكم اولادكم ..
نيرفانا .. ربنا يفك كربك وكرب كل مسلم مكروب يا رب
بي هابي .. انا مبسوطه انك رجعتى تنورينا تانى .. كنت فين ؟
زوجه مطحونه .. اهلا بيكي يا حبيتى ومنورانا .. بس ليه النيك نيم ده ؟

السلام عليكم ورحمة الله وبركاته
نانا
انا سعيده جدا انك الحمد لله نفسيتك هديت وربنا يديكى القوه
والطاقه النفسيه انك تكونى قويه وبعدين الحمد لله الطب بيتقدم جدا
عيشى بالامل ان ممكن ان شاء الله المشكله تتحل
انا قريبتى ال حكيت لك عنها كل الاطباء قالو لها ما تحاوليش
تصرفى عليه حرام جهدك وفلوسك وفى مركز فى القاهره
عايزينه نعمل عليه تجارب تخيلى لما ام تسمع كده
ومع ذلك كلها اصرار انها تعالجه ومتابعه جدا وتقول لى
لو فى سفر للخارج حا اعالجه فلازم نعيش بالامل
لانه حا يديكى دفعه قويه وعليكى بالدعاء وكثرة الصدقه
وان شاء الله ربنا يفك كربك
مادو
انا اتاخرت لان النت كان فاصل اتعديت من شيماء
بجد حسيت انى منعزله ومش عارفه اعمل اى حاجه فى البيت
افكارك روعه ما شاء الله انا عجبتنى جدا فكرة الشماعه
ممتازه وممكن كمان نطبقها فى صوانى التقديم
نيرفانا
ربنا يفك كرب والديكى وكرب كل مسلم
حبيبه
ربنا يبارك فى ابنك ويشفيه ويكون قرة عين لك ولوالده ويكون من الصالحين ان شاء الله
زوجه مطحونه
اسمك عايز موضوع كبير فى التجمع احنا ممكن تكتب صفحات عن الزوجه المطحونه
بنرحب بيكى وتنورينا
بى هابى
انت اكيد كنتى موجوده قبل ما انضم للتجمع لان باقى المجموعه
عارفينك وانا برحب بيكى ومنوره
كوكى
الحمد لله ان المقال عجبك
وكل ما حا الاقى حاجه للمرحله دى حا اقولك
وربنا يهدى ابنائنا جميعا

السلام عليكم

اذيكم يا بنات

وحشتونى جداااااا


بس بجد عايزة اقولكم انى دايما دايما معاكم بأقرأ الملف كل يوم قبل ما انام الفجر

بس بكون فصلت ومش باعرف اكتب رد على الكل والله

بس بجد بحس انى فى وسط بيتى ومع اخواتى

وفعلا باستنى لما اكون عند ماما واعطى بودى لاخواتى واكتب لكم


المهم النهاردة كنت ناوية اتكلم فى كذا موضوع والله

بس بجد حصلت حاجة امبارح باليل هذتنى اوى حاولت اتجاهلها بس برضو

مقدرتش متكلمش معاكم

مش هاقول مقدمات بس زوج بيت خالى عندة 35 سنة لا يزيد

اتوفى امبارح فجاة فى حادثة والله

بنت خالى 32 سنة وعندها ولدين الكبير 4 سنين والتانى 3 والبنت سنتين

تخيلوا

ربنا يصبرها يارب

بجد الحمل بقى كبير عليها اوى

هى متدينة اوى اوى وجوزها كمان الله يرحمة كان متدين جداااااااااااااا ولا اذكى

على الله احد

بس تعرفوا عمالة افكر فى النعم اللى احنا فيها والله كثير اوى اوى ومش بنشكر

ربنا عليها كلها سبحان الله

ان كان نعمة الزوج او الولاد او حتى الحياة نفسها

واللى بافكر فية اكثر

فى خلال 3 شهور توفى من عيلتى 4 افراد
وكلهم والله العظيم

حوداث او فجأة

كل دول كانوا معانا فى رمضان اللى فات وخلاص مش معانا فى رمضان دة

يعنى رمضان اللى فات كان آخر رمضان ليهم فى الدنيا

تخيلوا اول حاجة افتكرتها مقالة كنت قرأتها السنة اللى فاتت اسمها

لعله اخر رمضان

بس محستهاش اوى

لكن بكل اللى بحصل بادعى فى كل صلاة ان ربنا يبلغنا رمضان ويعننا علية يارب

مش عارفه اقول اية


بس بصوا هارجع تانى واكتب لكم كل اللى كنت ناوية اكتبة برضو

بس ادعوا لبنت خالى بالصبر
وادعوا لولدها ربنا يرحم يتمهم يارب

ويارب متحرمش حد ابدا من باباه ومامته يارب