السلام عليكم

اذيكم يا بنات

وحشتونى جداااااا


بس بجد عايزة اقولكم انى دايما دايما معاكم بأقرأ الملف كل يوم قبل ما انام الفجر

بس بكون فصلت ومش باعرف اكتب رد على الكل والله

بس بجد بحس انى فى وسط بيتى ومع اخواتى

وفعلا باستنى لما اكون عند ماما واعطى بودى لاخواتى واكتب لكم


المهم النهاردة كنت ناوية اتكلم فى كذا موضوع والله

بس بجد حصلت حاجة امبارح باليل هذتنى اوى حاولت اتجاهلها بس برضو

مقدرتش متكلمش معاكم

مش هاقول مقدمات بس زوج بيت خالى عندة 35 سنة لا يزيد

اتوفى امبارح فجاة فى حادثة والله

بنت خالى 32 سنة وعندها ولدين الكبير 4 سنين والتانى 3 والبنت سنتين

تخيلوا

ربنا يصبرها يارب

بجد الحمل بقى كبير عليها اوى

هى متدينة اوى اوى وجوزها كمان الله يرحمة كان متدين جداااااااااااااا ولا اذكى

على الله احد

بس تعرفوا عمالة افكر فى النعم اللى احنا فيها والله كثير اوى اوى ومش بنشكر

ربنا عليها كلها سبحان الله

ان كان نعمة الزوج او الولاد او حتى الحياة نفسها

واللى بافكر فية اكثر

فى خلال 3 شهور توفى من عيلتى 4 افراد
وكلهم والله العظيم

حوداث او فجأة

كل دول كانوا معانا فى رمضان اللى فات وخلاص مش معانا فى رمضان دة

يعنى رمضان اللى فات كان آخر رمضان ليهم فى الدنيا

تخيلوا اول حاجة افتكرتها مقالة كنت قرأتها السنة اللى فاتت اسمها

لعله اخر رمضان

بس محستهاش اوى

لكن بكل اللى بحصل بادعى فى كل صلاة ان ربنا يبلغنا رمضان ويعننا علية يارب

مش عارفه اقول اية


بس بصوا هارجع تانى واكتب لكم كل اللى كنت ناوية اكتبة برضو

بس ادعوا لبنت خالى بالصبر
وادعوا لولدها ربنا يرحم يتمهم يارب

ويارب متحرمش حد ابدا من باباه ومامته يارب


********


مش عارفه اتلكم فى اية ولا اية؟؟

نبدأ بنانا

عايزة اقولك حاجة مهمه اوى اوى

اوعى بجد تحسسى أحمد بأى حاجة مهما كانت لان انتى اللى ممكن من غير مكا تقصدى تسببى جواه احساس بالنقص

اعرف واحدة والله اكنت سليمة جداا من فيها حاجة

واهلها من كثر ما بيحبوها كانوا دايما يقولوها لازم تعملى ريجيم لازم تخسى من وهى صغيرة جدااا يمكن 8 سنين

والبنت كانت فعلا بتحاول وعمرها ما نجحت ابدا

واتعذبت كثير

وكانوا بيحاولوا من وجهه نظرهم يشجعوها انها تقلل اكلها علشان متتخنش مع انها كانت عادية فى الاكل لكن غعلا كانت تخينة

ومرة وهى صغيرة باباه قالها ان عمك فلان دا رفض فلانة ومرضاش يتجوزها علشانها برضو تخينة

بس طبعا كان قصدة انه يشجعها

والارجل الحق صرف مصاريف غير عادية على الموضوع ده لو قلت لك يمكن 100 او 200 الف جنية وسفر للبنت وعمليات وحاجات كثيرر

بس انت تريد وانا اريد والله يفعل ما يريد

المشكلة ان البنت دى بقى جواها عقدة كبيرة كبيرة اوى مش هاوقولك عليها

ولما حتى اتجدوزت وعاجبة جوزها كدا برضو جوهاا نقص شديد اوى

وكأن العالم كلة شايفها فيل صغير

وجوزها معجب جداا بشكلها وبيرفض اصلا انها تخس

بس الموضوع بقى جواها خلالالالالالالالالالالالالالالالاص موضوع اكبر من كل حاجة من شهاداتها وجوازها

وكل حاجة

ففكرى كويس اوى اوى

قبل ما تنزل من مجرد دمعة علشان ابنك صعبان عليكى او خايفة عليه

عارفه حسسية انه اصلا عادى جدااااااا

ومعندوش حاجة بلاش تركزى على النقطة دى

خلية يعيش طبيعى

وبجد انا حاسة بيكى اوى


وبأذن الله خير

طيب كمان كنت عايزة اكلمكم فى موضوع

الحفظ

انا كنت باحفظ كل شوية واقف بس دلوقتى نفسى اوى اختم القرآن محدش ضامن عمره بس بادعى ربنا بالاخلاص والله كل سوية ربننا يارب يهدينا جميعا

الطريقة

انى باقسم الصفحة ل3 اقسام واقرأ كل قسم لوحدة 5 مرات من المصحف بعدها 5 غيبا وبعدين اسمع 5 كمان
وهكذا ابدأ الجزء اللى بعده وفى الاخر اربط الصفحة كلها 5 مرات تسميع

على فكرة مش بتاخذ وقت يعنى كل يوم صفحة بس ممكن نخلص القرآن فى سنيتن

ومش بتأخذ وقت يدوب نصف ساعه واحياينا 20 ساعة

بس بدأت اكثر شوية فى الحفظ دلوقتى عن صفحة نفسى الحق اخلص


الله المستعان

يابنات بجد ياريت نبدأ كلنا

وربنا اللى بيعين

وانا طبعا قرات مشاركتك يا مادو وعروس ورانيا وكلكلم

يالا مستنية ردودكم

السلام عليكم يا بنات
نانا حبيبتي
ربنا يديكي القوة و الصبر و مش ح ينفع اقول حاجة بعد البنات
ماشاء الله ردوا باللي كان نفسي اقولله و اكتر
بس ح نعمل ايه في الشيطان
نيرفانا
اللهم فرج كرب والديك و ارزقهما الخير يا رحمن
عروس النيل
مادو
ميمسي
كوكي
و كل البنات مش عايزة انسى حد الغايبين و الحاضرين
اخباركوا ايه

مدام وائل

ربنا يصبر بنت خالتك يا حبيبتي و يقويها ع الحمل الكبيراوي اللي ح تشيله
و يصبرها على فراق جوزها يارب
و يبارك لها في اولادها و يهديهم لها ان شاء الله
و يكونوا من الصالحين
و بجد كتر موت الفجاة و الحمد لله على كل حال
طريقتك في الحفظ حلوة اوي
ربنا ييسر لك حفظ القران ان شاء الله
و يجعل كل حد يستفيد من طريقتك في ميزان حسناتك ان شاء الله


احنا بقالنا كام يوم كده بجد حالة البيت عند ماما فظيعة بسبب
نتيجة اخويا زي ما انتوا عارفين في البكالوريوس
و الحمد لله هو دايما من المتفوقين
بس للاسف السنة دي جايب جيد جدا بس و فيه درجات في مواد
مقبول و هو بيبكي و منهار و بيقول انا مظلوم
و ماشيين في اجراءات قضايا و كلام كتير بقى
يجي لنا ان علشان الفرقة بتاعتة فيها اولاد دكاترة كتير
بيدوله الدرجات دي علشان
ما يطلعش من الاوائل و يطيروة من التعيين
طيب ليه الظلم
يعني حد يذاكر و اهله يتعبوا معاه و علشان ولاد الدكاترة يتظلم
طب والله ما حدش متخيل الحالة في البيت عاملة ازاي
امي و ابويا الاثنين ح يموتوا من الزعل
و اكتئاب
و البني ادم اللي عنده احلام و طموحات ده يعمل ايه في حياته بعد كده
حاجة تزهق
ارجع و اقول ههههههه
الحمد لله اللي ما تعبتش نفسي في المذاكرة وقضيتها
بلا قرف
مافيش حاجة مستاهله هههههههههه
مافيش فايدة فيا برضه هههههههههههه
معلش بس برضه حسيتيني عايزة افضفض لاني ح اطق
كل ما اشوفهم قدامي دمي يتحرق و ابقى عايزة اخنق اللي كان السبب
بس الحمد لله الحالة بدات تتحسن شوية
ادعوا لنا

حبيبة وسما وعروس النيل

شكرا على التشجيع
وبجد انا الحمد لله قليل جدا لما برمى اى شىء وبحاول استغل كل حاجة فى البيت
وبفكر الف مرة قبل ما اشترى اى حاجة لاى غرض وادور على البدائل
لان اى حاجة فى البيت مهملة تعتبر نعمة متروكة وربنا اكيد هيحسبنا عليها

ايمااااااااان
حمد لله على السلامة ومنتظرينك كل خميس ولو انى حاسة انك بتدخلى بمعدل اقل من كدة
بصى يا حبيبتى انا هبدا بطريقتك بس انا بخاف جدا من الحفظ والنسيان
لانى ذاكرتى ضعيفة جدا لابعد مما تتخيلى
لكن فى الايام المفترجة دى لو مخدتش ثواب الحفظ اخد ثواب القراءة وربنا يعينك ويتقبل منا جميعا ان شاء الله

نيرفانا وشيماء وحبيبة
بدعى لكم والله وربنا يصبرنا جميعا على ابتلائات الدنيا
ويعوض صبرنا خير يارب ويفك كربنا جميها
يا حى يا قيوم بنرحمتك نستغيث

بمناسبةالكرب اللى الى احنا فيةو ان بكرة الجمعة وثواب الصلاة على نبينا علية الصلاة والسلام
انا قرات مرة صيغتين للصلاه على الرسول الكريم
الاولى
اللهم صلى على سيدنا محمد الحبيب الشفيع الرؤوف الرحيم
الذى اخبر عن ربة الكريم
قرات اها تفك الكرب باذن الله
والثانية حلم بيهاشيخ صالح ومكتوبة فى الكتاب بردة
اللهم صلى وسلم وبارك على سيدناومولانا محمدعبدك
عدد خلقك ورضا نفسك وزنة عرشك ومداد كلماتك