عدنااااااااا

اولا انا لما جيت هنا اتعرفت علي واحده سوريه و فلسطينيه و هما علموني اني استخدم البرغل و الفريك و الحمص و كل البقوليات دي عندهم شء اساسي في الاكل
الطعميه مثلا انا بقيت اعملها بالحمص و بتطلع احلي 100 مره من اللي بالفول و مش بتتعب المعده
متبل الحمص او فته الحمص و قته الفراخ بالحمص هتلاقي نفسك عندك 30 حاجه كطبق جانبي و مفيد جدااا
المتبل يعني حمص مسلوق ز مضروب في الكيتشن ماشيين مع كجينه و زبادي و ملح و عصير ليمون و حل و زعتر و كمون
فته الفراخ بتسلقي الفراخ عادي و تنتفيها مش تقطعيها و دي اول طبقه في الطبق و عليها عيش شامي متحمص في الفرن و رشي عليهم شويه من مرقه الفراخ المسلوقه و الطبقه الاخيره عباره عن زبادي و عليه طحينه و ملخ و فلفل و كمون و زعتر و عصير ليمون
الفريك الشوربه انا باحمر الفريك شويه بعد ما يتغسل و يتنقه شويه و احمره و بعد كده ازود عليه شوربه و اسيبه لحد ما يستوي و باقطع معاهام فراح مكعبات و ممكن تحكي اي خضار يعني حمص او بسله او مكعبات بطاطس
الفريك المفلفل بتحمري بصله مقطعه في سمنه او زبده و بعد ما لونها يبيقي اصفر تحطي الفريك يتحمر شويه و بعد كده زودي الشوربه و البهارات بس الشوربه زي ما بنطبخ الارز يعني يا دوب تغطيه و بعد ما يغلي وطي النار خالص انا كمان باعمله في الرايس كوكر
صينيه البطاطي بالبرغل دي تحفه من المنتدي هنا
بطاطس مسلوقه و مهروسه
حضار (طرنب و فلفل و جزر و بصل ) شوحسهم علي النار بدون زيت زي الاطل الصيني كده و بعد كده خطي عليهم فراخ مسلوقه مقطعه و حطيهم علي البطاطس و اصربيهم كلهم في الكيتشن ماشيين و بعد كده زودي معلقه سمنه او زبده و البهارات و حطيها في صينيه بايركس و هلي الفرن نص ساعه كده
السلطات
الفاصوليا البيضا بتسلقيها و عليها طماطم و فلفل و بصل متثطعين صغير و الدريسنج عادي فرنساوي اللي هو ملح و ليمون و حل و زيت
الفاصوليا الحضرا بتسلقيها في مايه و سكر و صفيها و قطعي معها بصل جواتح و الدريسنح برده فرنش
السبانج انا بادخلها في كل حاجه يعني باخطها علي اللحمه المفرومه في خلطه اللازانيا او المكرونه او في اي باي مملح بالجبنه او بالبيض
سلطه السبانح بتقطعي السبانح كبير و معاها طماطم شيري او عاديه مقطعه كبير و معها دره و فلفل احمر رومي و الردسنح برضه فرنش
الباي المملح دا سهل اوي علي العشا بيبقي كوةب دقيق و عليه 4 معالق زبده جامده و تفركيهم و نزودي مايه بالراحه حالص حوالي كام معلقه بس و سيبيها في التلاجه شويه يعد كده افرديها في قالب التارت و انا باخط البيض قيها صاحي و ادخله الفرن 40 دقيقه و دمتم
اه ياااااااانيييييييييييييي تعبت
علي فكره هتلاقوا نص الحروف في الباي باي لاني باكتب علي كي بورد انجلش فعلي الساده القارءيين مراعاه الظروف
سلاااااااااااااااام

رانيا

عقدتينى
بجد
حاسة انى متاخرة جدافى المطبخ
بس ربنا يجازيكى خير بردة

السلام عليكم مبروك علي الجزء الجديد بجد مشاء الله عليكم انا اتعلمت منكم كتير بس انا جوزي مسافر بقاله 9شهور وانا سايبه شقتي وهو جي كمان اسبوعين ***** الله يعني الشقه فظيعه تراب كتير 9شهور متنضفتش انا كنت ناويه اجيب حد ينظفها لي بس معاكم قررت اني اعملها لوحدي مع مساعدتكم يعني قوليلي ابدء بايه والحمام عايزاه ينور وابلاط الشقه كمان ونصايحكم عشان اخلي الشقه حلوة اصل ماما مش مصدقه اني اعرف اعمل كل ده لوحدي معلشي هتعبكم معايا بس هحتاجكم شويه اليومين دول وشكرا ياحلي اخوات بحبكم في الله

اخواتى السلام عليكم ورحمة الله وبركاته
مبروك التجمع الجديد وان شاء الله تكون بدايه
جديده بروح جديده كلها حب وموده ونشاط وافكار جديده
سبانش - افكارك ما شاء الله جميله ومفيده ونحن فى انتظار الباقى
مادو- صباح الفل منوره
سمسمه المصريه - ابداى وكلنا معاكى بافكارنا
اهم شىء قسمى السغل حتى يكون متقن وبمجهود اقل
ابداىء بالبلكونات نظفيها جيدا حتى تستطيعى وضع السجاد وتهوية الفرش
جهزى المنظفات حضرى بخاخ من اى صابون سائل مع خل وملح ليمون
وسوف يكون لجميع الستخدامات
ثم كل يوم غرفه تنظيف شامل جدران مسح التراب بقماشه ناشفه ولفيها على
مكنسه او مساحه حتى تصلى لجميع الجهات
ثم بقماشه مبلوله من الخلطه السابقه ولا تخافى منها على الوان الجدران مش مضره
ثم تنظيف الابواب والشبابيك وتلميع الاساس
جربى بخاخ به سبرتو لتنظيف الاساس
وفى خلطه لكن انا شخصيا لم اجربها
وهى خل وليمون وقليل من الزيت وماء لتنظيف الاساس
مع مسح الارضيات نكتفى بهذا القدر حتى لا اطيل عليكى
ولو تحبى نتابع يوم بيوم انا معاكى ولا تنسى الاستعانه بالله قبل بداية العمل وستجدى ان شاء الله
سهوله ويسر فى العمل

السلام عليكم
مبروك علينا الملف الجديد وعقبال رقم 100
شيماء
تعيشى وتاخدى غيرها وان شاء الله تكونى لقيتى فى افكار ماما زوزو الجميلة حاجة تساعدك لحل مشكلة البلوزة
ماما زوزو
انا بس اشوف اسمك ادخل على طول ما شاء الله مواضيعك كلها رائعة
وانا مع عروس النيل عايزين طريقة غطاء الغسالة كامل لو سمحتى ومعلش احنا دايما بنتعبك معانا وممكن لو سمحتى تقوليلنا مجال شغلك ايه
اصل بصراحة الفضول هيموتنى شكلى كده اتعديت من مادو
هههههه

مادو الجميلة
يا مادو يا قمر انتى متجيبيش حاجة وحشة ابدا فعلا الرابط جميل وبالنسبة للكفتة انا بحطها على الخلطة على طول والمية بتكون حبة صغيرة وبالنسبة لبرامج التلفزيون انا سجلت عندى البرامج اللى انتو شكرتوا فيها وان شاء الله اللى مش عندى هنزلها
سما سحاب
انا كنت قلت طريقة لتفريز الملوخية فى الفصل الاول وما شاء الله جميلة وهاقولها تانى علشان خاطر عيونك

قطفى الملوخية واغسليها وسيبيها بس تصفى ميتها وبعد كدا قسميها فى اكياس وعلى الفريزر
لحد كدا تمام
وبعدين اما تحتاجى تعملى ملوخية تطلعى كيس وهو جامد لسه وتكسريه بايدك بس وتحطيه فى الكبة بس لازم تكونى لسه مطلعاها ن الفريزر وبعد ما تضربيها فى الكبة حطيها فى طبق غويط شوية ومعاها شوية كربوناته بسيطة خالص يادوب بطرف المعلقة واعمليها بقى بعد كدا عادى خالص وان شاء الله تحسى انك بتاكلى ملوخية خضراء وان شاء الله طعمها يعجبك

ام حلا
اهلا بيكى معانا ومنورانا

حبيبة اوسو

الله يرزقك الصبر على فقدها
اللهم اجعل قبرها روضة من رياض الجنة ولا تجعله بؤررة من بور النار
اللهم ارزقها دارا خيرا من دارها واهلا خيرا من اهلها

اللهم ارحمها وارحم موتى المسلمين اجمعين
اللهم ارزقنا جميعا حسن الخاتمة وادخلنا الجنة بغير حساب
امين يارب العالمين

مدام وائل
ان شاء الله ابنك يكون كويس دلوقتى وفعلا لازم تخرجيه وتخليه يلعب مع اطفال فى سنه وياريت تبقى هادية معاه لانى لاحظت مع بنتى ان العصبية بتجيب عصبية والهدوء بيجيب هدوء هى صعبة شوية بس ربنا يعينا على تربية اولادنا يارب

فطوم
الف سلامة عليكى يارب وان شاء الله تقومى بالسلامة
صحيح انتى ان شاء الله ولادتك امتى

ارحموا حالى
انتى فين

رانيا
بجد ما شاء الله على افكار الرائعة
سمسمة المصرية
ربنا يعينك يارب واحنا زى ما عروس النيل قالتلك معاكى خطوة بخطوة ان شاء الله بس انتى اشركينا معاكى