وحشتوووونى مووووت .. الاسبوعين اللى فاتو كانو مشحونين جدا .. على فكرة انا ماكنتش بادخل خالص بس انا مش باعمل ساين اوت وانا خارجه من المنتدى .. يعنى اللى افتكرونى كنت بادخل من غير ماسلم عليهم فاهمين غلط .. الحكاية ان دور البرد قلب مع هشام بحمى جامده جدا وكان فعلا بيغيب عن الوعى من الحرارة الزايده وقضيت اسبوع بجد الحمد لله .. سهر وقلق وادويه وحقن كتييير بجد كنت باعيط ليل نهار .. ويا دوب ابتدى يشد حيله جانى خبر زعلنى قوى .. مرات عمي باحبها جدا لانها هى وماما لخوات بجد مش سلايف وطول عمر عمى ساكن تحت بيتنا علطول يعنى بيتنا و بيته واحد .. والدها توفى .. انا كنت باحبه جدا وكنت باقوله يا جدو .. الراجل ده يا بنات كان من الصابرين والله .. بقاله 16 سنه بيعانى من السرطان ومتحمل الام رهيييييبه فوق قدرة البشر .. وكنت كل ما اسالها عليه تقولى ادعيله ربنا يريحه .. ما تتصوروش قلبي بيوجعنى عليه قد ايه ربنا يرحمه ويرحم اموات المسلمين جميعا .. وكل مافتكر انه ماكانش بيقول ير الحمد لله دموعى تنزل .. معلش ضايقتكم بس بجد وحشتوووووونى قوى قوى والف مبروك التجمع التالت ويا ريت حد يبعتلي دعوة للجروب عالفيس بوك وممكن اكتبلكم الايميل بتاعى لو حبيتو .

كلكم وحشتونى جدا مشمش وايمان وانجى وعروس النيل ومادو وسمسمه .. وعايزة اقول لحبيبه مادو البقاء لله وربنا يرحم حماتك ويصبر قلوبكم يا رب .. وماما زوزو وحشتنى وسمسمه وفطوم وارحب بام حلا وداليا سعيد وان شاء الله مع بعض علطول .. وسما وسبانيش فلاور اللى عاجبنى اسمها جدا وخايفه انسى حد يزعل .. والله بامووووت فيكم واكتشفت من غيركم انى ناقصنى حاجه كبييييييييييييره .
كل سنه وانتم طيبين .. رجب هل هلاله وروايح رمضان هلت معاه .. مين فيكم شاطرة وهاتبتدي تصوم معايا .. عايزين نزود صيامنا عن كل سنه .. انا الحمد لله الايام اللى فاتت من رمضان قضيتها مع السته البيض يعنى باصوم دلوقت تطوع وربنا يعين المسلمين جميعا يا رب .

نانا

شكلك زعلتى منى
انا بهزر معاك مكنتش اعرف انك بتزعلى بسرعة كدة
حتى لو كنت بتدخلى ومش بتلحقى تدخلى التجمع اكيد عزرك معاك
وربنا يشفى هشام وبلاش تكييف خالص وحاولو تستحملو الحر لحد ما تطمنى علية خالص
هو هشام جوزك ولا ابنك ؟ اصلى بتلخبط

السلام عليكم ورحمة الله وبركاته

مادو
بصى انا لما بقعد طومى امام الكمبيوتر ببعد الكرسى عن الشاشه
وبعدين انا عالطول معاها بنهزر ونلعب
ولما ببقى فى المطبخ بحطها معايا هى طبعا بتقعد تنخرب فى كل حاجة
بس انا بعدة اى حاجة تاذيها عنها
بتقعد معايا تنقى الرز قصدى ترمى الرز
وتلعب فى ادراج المطبخ وانتى عارفة الاطفال بقى وعمايلهم
بس لما اخرج من المطبخ لو هكوى تفتح اللعب وتلعب
لو هطبق الغسيل تقعد تنعكشهولى
بس انا بسبها كتير ومش بزعق لها علشان عارفة انها طاقة ولا زم تخرجها
وبعدين انا ابتديت من امبارح اخدها ونروح حديقه فعلا انبسطت جدا ولعبت كتير
ودة هعملو ان شاء الله مرتين فى الاسبوع
بس ادعيلى اقدر انزل لحسن بقى اصعب شى عندى دلوقتى النزول
كمان دلوقتى علشان الحر بسيبها تلعب فى البانيو كتتير ممكن بالساعه والساعة والنص
مرة الصبح ومرة بالليل
وبحطلها لعبها تلعب بيها
ومن كتر ما بتلعب بتطلع مش قادرة عايزة تنام وكمان الميه بتخليها تحس بالجوع
بس
وبس
حكتليك يومنا بالتفصيل
تتوقعى بقى بعد كدة انى محتاجة تليفزيون

الرمال الناعمة
جزاكى الله خيرا على دعوتك
انا شاء الله هولد فى رمضان

نانا
الف سلامه على زوجك شفاه الله وعفاه


روشانا

جزاكى الله خيرا حبيبتى

سبانش

ازيك يا قمر الله يعينك على بناتك ويهديهملك

جميله وصفاتك هحفظهم علشان اجربهم