عروس النيل
اية حكاية الغدا هو انت مكنتيش صايمة ولا اية؟

ويا ريت يا ستات يا شاطرين اللى يعمل حاجة فى بيتة اليوميات يعنى يحكلنا عليها
عشان نشجع بعض اليومين الحر دول لحسان الواحدحاسس بالكسل من الحر الشنيع دة

عطر
طمنينا عليكى ولو بكلمة

شيماء
عايزة اسالك عن طريقة المكرونة بالصلصة العادية بتعمليها بتوم ولا بصل
اصل احنا بردة بنعملها بطريق غير كل المنتدى يعنى من غير توم ولا بصل
ممكن بس نضيف فلفل او زيتون عشان نضيف نكهة ولا انتو بتعملوها ازاى
والصلصة بتاعتك بتعملى بيها المحشى بردة ؟طب بتحطى اد اية بالنسبة للرز تقريبا؟

ازيكم يا بنات واحشنييييييييييييي

بقى لي ساعتين بحاول اقرا اللي فات بس مش قدرت اكمل من التعب

مش قادره اقولكوا تعبانه اد ايه

اولا بشكر جداااااااااااااااااااااااا كل اللي سال عني و اهتم بغيابي و ده طبعا عشمي فيكوا ربنا يخليكوا ليا

ثانيا احكيلكوا بقى يوميات المصيف الفاشل بتاعي


احنا كنا مسافرين يوم الخميس الصبح بدري
صحيت اول واحده وضبت البيت ولميت الغسيل و طبقته و نظفت الحمامات و المطبخ على اساس لما ارجع الاقي البيت جميل و رايق
صحيت زوجي
وبعدين صحيت الكابتن يويو و بسسسسسسسسسسس


اول صدمه ---------لقيت عنيه مقفوله و كلها صديد و عماص
اهئ اهئ
كلمت ماما قالتلي مبروك رمد ربيعي
بس كلمت الدكتور و اخدت قطره معايا و سلمت قمري لله

بس يا بنات قلبي مكانش مطمن

المهم وصلنا عالظهر و يادوب حطينا الحاجه و لبسنا المايوهات(الشرعيه--عشان التصورات)و جرينا عالبحر

و الصدمه يوسف فضل يصوت و يعيط و اتشنج و قرفان من الرمله
شلناه و جري عالمياه !!!!!!!
قام نايم!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا اتحرق دمي انا و جوزي و طلعنا قفانا يقمر عيش و رحنا عالشاليه

المهم نيمت البيه و قلت اصحيه بقى كفايه

تخيلوا الاقي ايه؟؟؟؟؟؟؟؟؟؟؟؟؟؟؟؟؟

مناخيره سايحه و عمال يكح


و كل ده و اول يوم طبعا كنت هعيط من النكد الفظيييييييييييييييع

قلت معلش كل العيال كده بكره يبقى كويس

جينا باليل خرجنا رحنا سوق ليبيا و يويو مقفل شويه و بيزن بس قلت عاديييييييي

المهمروحنا و نمنا و صحينا الصبح فرحانين و كلنا امل في الانبساط المفقود

لبسنا المايوهات و يويو تقبل الفكره شويه و نزلنا البحر

هما ربع ساعه و ابتدا يعيط ويترعش و بحر نوووووووووووووووووو بحر نووووووووو عايز اوضه عايز بيت
وانا الجنونه مسكتني و قلت له على جثتي ما انت طالع
قمنا جبنا له قاب صغير و لبسناه برنيطه و تيشيرت و نزلنا بيه كده

قام نايممممممممممممممممم و العيال كلها عماله تتنطط و تتشقلب و مبسوطه و ده ناااااااااااااااايم لمده ساعتين


زهقنا منه و من الملل الرهيب اللي محسسني اني بشد بابا جدو مش ابني

طلعنا اتغدينا و لبسنا و نزلنا البلد بقى نقضي اليوم ماهو مادام مفيش بحر قلنا نقضيها بر المهم اننا نتبسط

و طبعا في هذه الاثناء البرد عمال يزيد على يويو و انا عماله اضحك على نفسي

روحنا و نمنا و في نص اليل بدات نغمه العياط المعروفه !!!!!!!!!!!!!!!؟؟؟؟؟؟؟؟؟


اتاري الحروس سخن نااااااااااااااااااااااااااااااااااااااار نااااااااااااااااااااااااااار


و طبعا انا عامله حسابي وواخده لبوس سخونيه

و فضلنا على هذا الحال طوال اليومالثالث للرحله و فضلنا طول اليومفي الاوضه عشان يويو نايم من السخونيه و اللبوس و اللذي منه


طبعا كنت همووووووووووت من الزهق قمت نظفت الشاليه كله و مسحته بالديتول و نظفت الحمام و الطرابيزات و خليته فله
هههههههههههههههههههههههههههههههههههه

طبعا جوزي مسخسخ من الضحك و عمال ياكل لب

المهم كل ده و لم افقد الامل في اخر يوم اللي هو رابع يوم و قلت عشمي في ربنا كبيييييير


المهم يويو بقى احسن و بدا يفوق و الحمد لله

نمنا بقى باليل و الامل مقطعنا


قمت الفجر على صوت جوزي
انجي انجي

فيه ايه يويو سخن ولا ايه؟؟؟؟؟؟قاللي لا انا اللي سخن ومش قادر

هههههههههههههههههههههههههههههههههه


كنت هجيب الشبشب و اضرب نفسي بيه

قمت اديتله بنادول و فضلت جنبه لحد ما نام

قمنا الصبح قلنا رغم كل شئ هنروح البحر

روحنا بس الاتنين ناموا بره على الكراسي و انا عماله اعوملواحدي زي القرده

فضلت ساعتين و طلعت ووضبت الشنط وخلااااااااااااااااص


صحينا تاني يوم بدري و مشينا


على بال ما وصلنا اسكندريه كان زوري بدا يوجعني

اول ما وصلنا اتغدينا مع ماما و بعدين خدت يويو بسرعه للدكتور

و قاللي عنده كل اعراض البرد من زور لودان لمناخير لارتيكريا لعيون


روحت نمت وقمت انا بقى الفجر عماله اعيط من السخونيه والله العظيم كنت حاسه ان دماغي هتنفجر

و تبادلنا الادوار و جوزي فضل يمرضني و طبعا فشل في تنزيل السخونيه
قام كلم ماما قاللها طنط الحقينييييييييييييييييييييي



و دي كانت يوميات مصيف فاااااااااااااااااااااااااااااااااااااشل

على فكره يا بنات انا دخلت عالجروب هالفيس بووك و عملت بروفايل جديد لاني عامله واحد تاني لقرايبي المقربين

المهم انا مش عارفه اسمائكم الحقيقيه فياريت بقى تبعتولي و تقولولي انتوا مين و كده


انا انجي محمد سمير

عطر

المهم حمد لله على سلامتك والكمد لله على كل حال
بس مصيف ولا الخيال ههههههههههههههههههههههه
لو رجعتى للصفحات الاخيرة هتلقينى بقول لك حاسة ان يوسف مغلبك فى المصيف
كنت حاسة بيك والله المهم الحمد لله انها جت على اد كدة
بس لازم تعوضو المصيف دة ومتبقيش تقولى لينا قبلها ههههههههههههه

مدام وائل

ماشاء الله عليك كل مرة بستفيد منك بجد
عطر الشموع
معلش يا حبيبتى تتعوض في مصيف تانى المهم تبقوا بخير

انا لسة منضمة لكم جديد اسمي مي وعندى عبدالعزيز

وحكايتك فكرتنى بابنى زيزو لما رحنا الغردقة الاجازة اللى فاتت لانه برضه تعب وزوره وكحة وقعدنا ندور على دكتور هناك وكتبله مضاد حيوي ودواء رشح وبقيت ماشية بكيس الدواء بتاعه حتى في البحر واخداه معايا

هم الولاد كدة تقريبا من تغيير الجو بيعيوا بسرعة

المهم خلى بالك منه وربنا يشفيكم يارب