صباح الخير على الجميع
عطر الشموع - معلش يا إنجى الحمد لله على كل حال
المهم صحتكو تكون كويسة دلوقتى - فكرتينى بعيد ميلاد مريم
أما نامت واحنا بنطفى شمعة عيد ميلادها حاجة تحرق الدم -المصيف يتعوض
لسه الصيف طويل - المشكلة ان الواحد أثناء التحضير لحاجة زى كده بيبقى كله عشم
انها نكون حلوة بس ولا يهمك سلامتكو بالدنيا

ماما زوزو - صباح الخير عليكى يا أحلى ماما كل ما أتجول فى المنتدى
واشوف مشاركاتك أقول انى نفسى أكون زيك حقيقى
حضرتك مبدعة

عروس النيل - شكرا على انك بتفكرينا بصالح الأعمال جعلة الله فى
ميزان حسناتك

mado - أنا ساعات بعمل صلصة المكرونة زي اللى بتعمليها بس بحط الزيتون بعد السوا
عشان بيدبل وطعمة بيغير أما يغلى مع الصلصة كتير- طريقة رانيا شكلها كده حلوة هاجربها
بس غالبا بعمل الصلصة باللحمة المفرومة - بعمل بصل باللحمة المفرومة زى العصاج وبعدين أحط
الصلصة واسيبهم يستووا واحط ملح وفلفل بس وبتبقى حلوة جدا مجربتش أحط عليها
إضافات تانية وممكن بدل اللحمة المفرومة سجق مقطع صغير بيكون
طعم المكرونة حلو بالسجق

نانا - صحيح يا بنتى اللى عنده أطفال الخروج بيبقى مشكلة والمفاجآت مابتخلصش
وانتى بتقولى كده وابنك 5 سنين ما شاء الله ربنا يطمنك يعنى لسة بدرى
ميكونش عندى أمل فى التغيير قريب

شيمو - ماقولتيلناش ايه أخبار صاحبتك قولتيلها رأينا ولا أيه؟
تعرفى ان أنا عندى نفس موضوع كرسى التسريحة زيك بالظبط
وشيلت الكرسى زيك وحطيتة جنب الشماعة من زمان يمكن يشوفها
ولا فى فايدة -لأ وأية لو الهدوم اتكسرت يزعقلى أنى أتأخرت وماشلتهاش
ده بالنسبة للهدوم وطبعا مش بيعمل حاجة خااااااااالص فى البيت ومش بيعرف
عشان أقول انه مش بيساعدنى لأ ده هو ماعندوش فكرة عن أى حاجة -تفتكرى صاحبتك
لو جوزها بيساعدها فى البيت هاتقول ولا فى ناس مش بتحكى غير عن الحاجات السلبية بس
رانيا كانت بتقول ان فى واحدة صاحبتها جوزها بيساعدها فى البيت وبيحمى العيال طبعا ده بالنسبة
لكتير مننا حلم نحلم بيه ونصحى نقول خير اللهم اجعله خير
أنا رغيت كتير - صحيح عجبتنى اوى حكاية أصحابك اللى بينقطو عليكى الحكم والخبرات

صباح الخير يابنات

قلت اصبح عليكم قبل ما اشتغل الاشغال الشاقة في البيت

عروس النيل ورانيا

موضوع الترويق دة انا بعمل زيكم كدة بس اوقات الواحد بيحس انه ما بيعملش حاجة في حياته غير انه يلم اللعب والاكل والمواعين والترتيب بس لازم اول باول عشان ماحدش بيساعد فاحسن الواحد يشتغل ويخلص اللى عليه


وصاحبتك يا رانيا اللى جوزها بيساعدها في البيت

انا عندى واحدة صاحبتى كدة برضه بس لبنانية مش مصرية جوزها ما شاء الله بيساعدها في كل حاجة

هي بتطبخ للاسبوع كله لانها بتشتغل وجوزها بيجيب الولاد من المدرسة ويغديهم ويرجع يجيبها وبعدين يرجع شغله

وبيشيلها طبق الغسيل على البلكونة عشان تنشر

وبيكنس لها السجاد بالمكنسة

وبينضف معاها الجمبري والسمك

اقولكم كمان ولا كفاية

بس قولوا ما شاء الله

مادو

انا قريت فوائد الخيار وهو حلو اوى للعينين كمان ومنعش

مامازوزو

الحمدلله انه عجبتك المعلومات صحيح ان كل حاجة خلقها ربنا ليها فوائد كبيرة بس احنا بنكون مش عارفين قيمتها

صباااااااح الفل وجمعه مباركة على المسلمين كافة .. وحشتوووووونى جدا جدا .. وماما زوزو منورة وواحشانى مووووت وباقولها تدعى لينا النهارده حاكم والله يا بنات انا مجربة دعاها يوم مادعتلى ربنا يوفقنى فى الوظيفة ماهى دايما دعوة الام مستجابة .
انجى .. ان شاء الله تكونى بقيتى احسن
ممس .. حببتينى فى العدس اكتر واكتر .. ميرسي عالمعاومات القيمه يا قمر
سبانيش فلاور .. امممم شكل المكرونه جامده

بصي يا فطوم ابعتيلي الايميل بتاعك عالخاص .

السلام عليكم ورحمة الله وبركاته
ماما زوزو - سعدنا بوجودك وتعليقك المختصر لكنه مفيد وشامل
واتمنى تفيدينا بتجاربك
ممس وام مريوم صباحكم فل
ممس - تعب كلها الحياه نمل شويه ونتنشط شويه
ام مريوم - شيماء شكلها قلبت المواجع يبدو ان الكرسى فى كل بيت
الكارسه لو فى مره يتيمه تم تعليق اللبس يعتبرها قاعده
انا على طول بعلق لبسى وياويلك لو اللبس اتكسر
معلش يبدو انه فيرس منتشر
سبانش- صباحك فل بالنسبه للهمبرجر هو لازم يكش
لكن هى قالت السر عشان ما يفكش من بعضه
انك تعجنيه جيدا مثل العجينه بايدك اكثر من مره
ومقاديره زى ما قالت
كيلو لحمه عليه بيضه ورشة بقسماط ناعم وتوابل
ولو حبيتى تضيفى بصل يكون معصور ومصفى يعنى ماء البصل
وركزى على عجنه احتمال ده سبب اختلافه عن الجاهز
سلام