صباح الخير


قلت اصبح وارجع بالليل

بأذن الله

بس المشاركات تحفة


كلها احلى من بعض

السلام عليكم
ازيك جميعا يا بنات
ميرسي يا عروس علي البرجر ما هو دا اللي انا باعمله هو فعلا طعمه حلو بس مشكلته انه بيكش
نانا و مي صباح الفل عليكم
ماما زوزو ازي خضرتك ميرسي علي تعليقك الجميل بس انا مش فاهمه تنزلي الخزاطر فين علي الكمبيوتر عند حضرتك في البيت؟ مش عارفه فين المشكله بس علي اي حال حضرتك تعملي اللي انتي عايزاه او اي حد من البنات كمان لانه مكتوب لغرض الافاده و لوجه الله تعالي
النهارده عملت محشي كرنب و اللي فاض من الارز عملته محشي بصل و طماطم
كان في خد من الابنات قالت انها بتحط الباقي من الارز بتاع المحشي في ورقه بيضا طيب جربي انك تحشي بصل او طماطم بيبقوا حلوين جداااااااااااا و افيد كمان

في خاجه كمان عرفتها من واخده صاحبتي للمحشي قالتلي انها مش بتحط عليه شوربه لاء الاول بتغلي مايه و فيها بصله و طماطم و فلفل اخضر مفرومين ناعم جدااااااااااا و عليهم ملح و فلفل و معلقه سمنه علي النار و لما يغلوا جامد تسقي بيهم المحشي و فعلا من وقتها و انا مش باعمل المحشي غير كده طعمه جنااااان بس طبعا مش لورق العنب

السلام عليكم جميعا

والله يا بنات بتوحشونى جدا رغم انى لسه فاتحة النت الصبح واطمنت عليكم

ربنا لا يحرمنى منكم ومن معلوماتكم الجميله

متباعكم عالطول

اتنا طبعا كالعادة مش عملت حاجة فى البيت
يعنى الترويق العادى نزلت اشتريت شويه خضار اصل البيت كان فاضى خالص
جيت احضر الفطار وكان فى طمطمايه معتمدة عليها لاقيتها بايظة
محدش يضحك عليا
والله كنت مفيش انشط منى وكنت بنزل فى اليوم مرتين وتلاته

بس اهو حكمة ربنا
الله يعديها على خير الايام ديه

سلامى للجمييييييييييييييييييييييييييييع

السلام عليكم انا محتاجكم كلكم اوي انا عندي مشكله كبيره وبكتب ودموعي علي خدي ياريت تساعدوني بسرعه بالرد عشان انا اقربت اجنن او انتحر والله وربنا يسامحني انا كنت قولتلك انا جوزي جي من السفر كمان 3 ايام بعد غياب سنه اجوزنا قعد معايا شهرين وبسبب شغله سافر وعدينا الايام انا وهو عشان يعرف ينزل وخصوصا انه محصلش حمل المهم قبل مايسافر مرضيش يسبني قعد في شقتي ولا عند ماما قالي اقعد عند اهله بصراحه مكنتش موافقه بس وافقت عشان خاطره المهم امبارح قولت لحمايا انا هخد بنته اللي هي اخت جوزي ونروح نبات في الشقه هبدء اروق لانها مهجوره سنه قالي ماشي طلعت لبست وجيت امشي قالي روحي بس مفيش بيات هناك قولتله ليه قالي كده قولتله انت نسيت ان شقتي وانا هفضل راحه جايه انا هجي وارجع اروح بكره الصبح تاني قالي لاء برده قولتله خلاص مش رايحه خالص وطلعت فوق قوضتي بعد ساعه لقيت بنته جايه لي بتقولي يالا نروح قولتلها انا مش لعبه في ايديكم روحي لاء متتروحيش لاء بقا انا مش راحه انا بتستكترو الفرحه علينا قالتلي هو انتي اللي زعلانه ده بابا اللي زعلان منك عشان بتقولي له انت نسيت ان دي شقتي ابات فيها عادي قولت ياسبحان الله وايه اللي يزعل في كده انا مش راحه قامت نزلت قالتله كلام انا مقولتوش يؤسفني انقالكم انها كذابه وبتنق4ل كل الكلام لاي حد ومحدش بيقولها عيب المهم لقيت ابوها طالع لي يقولي باسلوب وحش اوي قومي روحي عند امك كنا الساعه 10 بالليل حست احساس عمري محسيته اني بطرد بقيت اهبل كنت بصرخ واقوله بطردني من بيتي او ده بيت جوزي وانت ختوه وقعتو فيه عقبال اما بناتكم يجيولك مطرودين من بيتهم انا انهرت انا قبل كده مكنتش غلطانه بس المفروض مكنتش اجيب سيره ولادهم صح ولا ايه ومشيت روحت عند ماما قولت جوزي بلاش اقوله عشان مزعلوش وهو في غربه قامو هما كلموه وقالو له اكلم وقالي حرام عليكم انا جي وفرحان تعملو كده الحل انتي تروحي انتي البيت عندنا خلي باباكي يوديكي قولتله ايه ده انتي ناسي اني بنت ناس وابوك محترمش راجل البيت وجه رد عليه لاء اسفه قالي ان خايف علي زعل ابوة المهم تحولت الفرحه الي مصيبه اعمل ايه حد يقولي

سمسه المصريه
ربنا يفك كربك لكن نصيحه منى ما تسيبيش نفسك للشيطان
والمشكله تكبر انتىاسمعى كلام زوجك ونفذى كلامه
واحتسبى النيه لاوجه الله لان خيركم من بدا بالسلام
وموضوع مش كرامه لانه ارضاء لابو زوجك واحترام لرغبة زوجك
وبعد وصول زوجك وياخد وقت كبير والامور تستقر افتحى الموضوع مع زوجك بهدوء وحب انك بتحبى اهله
وبتحترميهم لكن ممكن وجودك عندهم يكون مدخل لمشاكل وكلنا بشر وكلنا فينا عيوب
بفضل انى اكون فى بيتى او عند اهلى تجنبا لتكرار هذه المشكله وتروحى زيارات
بكده العلاقه حا تكون حميمه وبدون مشاكل لان الاحتكاك مع اختلاف الطباع لابد يكون منه مشاكل
وما تفسديش على نفسك فرحتك بعودة زوجك لانه غايب سنه ومحتاج حنانك لانى فى غربه
ومقدره تعبه والغربه قاسيه جدا فرجاء من اخت لو سمعتى كلام زوجك مش حا ينزل من قدرك
بالعكس حا يشعر بحبك له واحترامك لاهله حتى لو كنتى مش بتحبيهم لان فى فرق بين الحب
والاحترام لو مش عارفه تحبيهم ممكن تعامليهم باحترام لوجه الله وتجنبا للمشاكل
وربنا يصلح لك الحال