عروس النيل
صباح الفل

ام مريوم
من حق شكرا على طريقة المكرونة

سمسم

متزعليش منى الله يخليكى انت زى اختى
انا استغربت اوى من طريقة كلامك مع حماك حديقول لحماه انت ناسى...؟
انا مش مع اللى بيقول اننا نعامل حمواتنا زى ماما وبابا لا طبع هما ميستحملوناش زيهم
للاسف لازم نعاملهم بطريقة احسن كمان
المهم اللى حصل حصل
زوجك شكلة انسان محترم والمهم لن مش زعلان منك
عديها المرة دى عشان خاطرة وكان شى لم يكن وحاولى تفهمى بعدين عشان متعديش عند اهلة تانى لانة مينفعش خالص

عايزة أقولك يا سمسمة انك تحاولى تبقى هادية ومتتصرفيش بعصبية
وانفعال لأن ممكن يكون الموقف لصالحك وانتى تقلبية ضدك بكلمتين مالهمش
لازمة لو كنتى ماقلتيهمش ماكنش حد يقدر يلومك على حاجة

أعتقد ان أحسن حاجة انك تسافرى مع جوزك - ممكن يلاقى سكن حتى ولو تحت المتوسط
احسنلك من إن حد يتحكم فيكى - انتى كمان ماتقوليلوش انك خايفة من الغربة
والكلام اللى ميشجعش انه ياخدك معاه

مادو - على فكرة أنا فى العادى بعمل صلصة المكرونة من غير توم ولا بصل زيك
بتبقى أحلى

مادو انا قولت كلمت ناسي دي لانه بيمنعني اني اروح شقتي حسيت اني بطلب منه اني اروح مكان تاني غير شقتي يقولي لاء مفيش بيات في البيت ده قولتله انت نسيت ان ده بيتي انا شايفاها عادي جدا وانا ربنا يعلم كنت بعاملهم ازاي طول السنه بس انا انترفزت وانا عصبيه مووت انا كان معايا الحق بس جبته علي نفسي في الاخر ام مريوم اكيد بعد اللي حصل ده عمري ماهقعد عندهم تاني المشكله دلوقتي اصرف ازاي حلمت كتير برجوع جوزي انا بقول لماما اروح شقتي عادي وانظفها واستني جوزي فيها تقولي لاء لازم هما يجو يخدكوكي ولو مجوش خليكي لحد مجوزك يجي عروس انا شايفه اني حتي لو كنت غلطت فيه مع اني الحمد لله مغلطتش كان المفروض انه يرد علي بابا اويقول لجوزي مش يقولي قومي يالا روحي عند امك وشوفي الشماته في عين اخت جوزي الصغيره 3 ثانوي وانا ماشيه واقفه جمب البوابه واول مامشيت رزعت البوابه وطلعت قالت لهم انا رزعت البوابه وومشيت يارب انا احترت ومش قادره افكر معلشي خليكم معايا واقفوا جمبي

سمسمة
يا رب توصلى لحل يلاضى الجميع والبنات يساعدوكى بجد حاجة تحير
بس عجبنى كلمة ام مريوم
عايزة أقولك يا سمسمة انك تحاولى تبقى هادية ومتتصرفيش بعصبية
وانفعال لأن ممكن يكون الموقف لصالحك وانتى تقلبية ضدك بكلمتين مالهمش
لازمة لو كنتى ماقلتيهمش ماكنش حد يقدر يلومك على حاجة

هو الحل انك تسافرى معاه واضح ان موضوع السفر مش وارد بالنسبة لك ولا ايه
غير حكاية ان السكن غالى

مادو - عروس النيل -بتقولو انها ترجع بس حماها هو اللى قالها روحى بيت باباكى
يعنى يقول كده وهى ترجع أنا مش مستوعبة

يعنى انتى معاهم طول السنة اللى فاتت محصلش مشاكل