سمسمة إهدى واتصرفى بهدوء أولا
فكرة ان باباكى يرجعك هناك وحماكى مشاكى الساعة 10 بالليل
مش فاهماها باباكى لو وافق أوك هو شايف الموقف أكتر مننا لكن لو اعترض
أنا شايفة انه عنده حق

عايزة أسألك سؤال وجاوبينى قبل أى حاجة
انتى ليه ماسفرتيش لجوزك خلال السنة اللى فاتت؟

عشان السكن هناك غالي جدا ودخله ميكفيش انه يجيب سكن واعيش معاه بابا موافقش ولا انا اوافق لاني المشكله دي سببها اني مراضاش اني ابيت في شقتي يعني سبب هايف كان قدر وعمل خاطر لابنه ومنكدش علينا انا كرهتهم خلاص ومش قادره اني اروح واسمع كلام جوزي صعب عليا اوي والله المهم اروح انظف شقتي ولا اخليني عند اهلي لحد ماهو يجي اعمل ايه

كلمي جوزك وقوليلة هو يراضى أبوة ويقولة انه أما يجى هايتصرف معااكى
يعنى لو هو مقتنع انك مش غلطانة وباباة اللى غلطان
يعمل نفسة زعلان منك وأما يجى هيوريكى وكلام يراضى بيه أبوه
بالأتفاق معاكى طبعا و أما يجى يحلها ربنا
بس هو ممكن يراضية من غير ما يضغط عيكى يعنى أبوة زعلان منك
مش منه جوزك لازم يفهم كده

هو لو مزعل باباه كان حس انه عايز يصالحة بس هو مش مزعلة

ردى عليا أنا معاكى

السلام عليكم جميعايا قمرات


رانيا
شكرا على طريقة المكرونة بس انا جربتها بالبصل او التوم محبتهاش
لكن هجرب طريقتككلها يمكن تكون احلى بالاضافات التانية
وانت كمان جربيها بالصلصلة بس

ومحشى الورق فكرتة انة بيستوى على البخار فبيبقى طعمة خفيف جدا وجميل وبناتك هيحبوة جربية
بس انا نفس اجرب محشى البصل بس معرفش طريقتة بصراحة
وشكرا على كل اضافاتك فى التجمع فى الدة الصغيرة دى

ماما زوزو

صباح الجمال
اخيرا اكلمتى معانا شوية
يا رب كل مشاركة لك تبقى اطول من اللى قبلها
ومن غير اسئلة مننا يا ريت تضيفى لمعلوماتنا علطول .حد يكره؟
هو شغلك بيطلب منك ابحاث مكتوبة؟ ولا اشياء منفذة بالفعل؟

ام مريوم

وانا اللى بقول عليك عاقلة .شكلك زهقانة قوى
اكيد طبعا كل الستات بيحكو الوحش قبل الحلو
لكن ميغركيش المظاهر خالص انا اعرف ستات رجالته بيسعدوهم فى كل حاجة
اكتر من اللى قلتية
وزوجتهم مش سعداء لان فى مشاكل فى كل بيت لكن مستخبية متعرفيهاش الا اذا عاشرتيهم
وفى ناس تشوفيهم تحسى ان حياتهم كلها خناقات ومشاكل ولو كلمتيهم تعرفى عنهم حاجات تحسديهم عليها
والعياذ بالله من الحسد
المهم نكون راضيين بحالنا وخلاص

ميمسى ونانا وفطوم
منورين

مادو - عندك حق وهو ده اللى أنا بقولة ان كل واحد عنده صفات بتضايقة بس مش
بيقعد يشتكى ويحكى عليها -أنا بس بقول ان فى ناس مش بتقول غير السلبيات
وممكن زى مابتقولى يكون عندهم حاجات تانية خايفين يتحسدو عليها
يكونش رأيك ان اللى بيشتكو كتير بيبقو خايفين
من الحسد
ايه رأيك فى موضوع سمسمة