ختامها مسك دائما
عروس النيل رايك مسكالعصايه من النص

سمسمه___

اول حاجه راي روشانا ----كلميه اعتذري له

تاني حاجه وضبي بيتك و نفسك و اشحني نفسيتك بالايجابيات و التصورات الحلوه المريحه

تالت حاجه لازم لازم تكوني معاه ايا كانت المشكلات و الصعاب

السلام عليكم ورحمة الله وبركاته
عطر وحشتينى بجد الف سلامه عليكى
معلش مصيف يتعوض ولعل كده خير من ربنا
ممسى- جزاك الله خيرا على الموضوع معلومات كلها مفيده
وفى اضافه بسيطه فى دكتور حذر من الماده السوده ال بتكون بعد تقشير البصل
لابد من اغسل اليد جيدا جدا منها وغسل البصل جيدا
لانها ماده مسرطنه
مادو - جميله معلومات السمسم استمرى لانى بكتب الفوائد ومتابع معاكى
شيماء - مسك الختام جزاك الله خيرا على المعلومه تبت الى الله لن استعمل الخل
لكن انا بستعمل ملح الليمون لكن مش فى المرحاض ياترى تنطبق عليه الفتوى
لانى فى حيره فى اشياء زى الملح مثلا بيستخدم فى الصناعه واكيد الخل
هل يعتبر هذا اهانه للنعمه اكيد فى فرق انى استخدمه فى تنظيف المرحاض
لكن هل يجوز استخدامه لغسل الشعر مع تنظيف البقع
اتمنى يكون فى حد ثقه يفتى لنا هل يجوز استخدامه
فى اى خلطه لكن لايجوز غسل المرحاض به
نعمل استفتاء مين بتقول لحماتها ماما
انا بقول ماما اكيد ما فيش حد زى ماما
لكن كلمة ماما للحماه بتسعدها وبتكون فيها الفه اكثر
ده مجرد راى واكيد الخلاف فى الراى
لايفسد للود قضيه

كالعادة كنت باببص وخارجة بس قلت ارد على سمسمة

مشكلتلك اثارتنى بجد وزعلانة علشانك جداااا

ومش عارفة حاسة انى حاسة بيكى مع ان محصليش كدا بس دايما حاسة انه

هيحصل

مش هارغى دلوقتى عن نفسى

بس انا مش رأى شيماء مترجعيش الا لما جوزك يجى يأخذك كرامة لآهلك مهما

مربوناش علشان نرجعلهم ابدا من بيوت اجوازنا مطرودين

هما ليهم حق الاحترام من الكل حتى قبلك

ودا رأييى

وبعدين لما يرجع جوزك بعد الاستبقال وشهر العسل طبعا

تقوليلة مش هاعيش معاهم تانى ابدا لان محدش بيتطرد من بيته يبقى دا مش

بيتى

لكن رجوع دلوقتى لاء

علشان اهلك قبل نفسك

طيب بالنسبة للاستفتاء بتاع يا ماما ده

جيتوا على الجرح

باقول لحماتى يا ماما وطبعا مبحسهاش اصلالالالالالالالالالالالا

افتكر انى قلتها غصب عنى علشان ارضى وائل بس بس طبعا كثي باتلخبط

واقولها يا طنط
اصلها مش كلمة دى احساس وهو مش موجود

اختى متجوزة وسألت جوزها علشان ميزعلش اقول لمامتك ماما قالها لاء

كمان اخويا خاطب وخطيبتة جت تقول ماما قالها لاء هى مش مامتك وانا محبش

حد يقول لمامتى يا ماما

بس لما باجى اتكلم عن حماى وحماتى حتى لو هما قاعدين اسحالة اقول ماما

فلانة اقول طنط

من الاخر هى فاهمه انى مغصوبة على الكلمة ومش حاساها بس عادى

انا قلت لكم قب لكدا هى مش بتحبنى وانا عارفه وسلفتى عارفة وجوزى وكل

عيلتها مع ان تعرفوا اخواتها سواء البنات او الرجالة بيحبونى جداا وبيستقبلونى

فى بيتوتهم بترحاب رهيب وبيحبوا اهلى جدااا وانا باجاملهم فى كل المناسبات

وبحب شديد يعلم ربنا مبخدهمش بذنب اختهم طالما بيعملونى كويس

وعايزة اوقلكم انا بتتضايق جداا من معاملتهم دى معايا بس خلالالالالالالالالالاص

بطلت ازعل اصلى زعلت كثير اوى وفى الاخر محصلة بعضها


شيمو انتى قلتى انك مرات اخ وحيد

وانا من يوم قرأت كلامك اقول هاكتب لك وانسى اتكلم فى الموضوع داا

الاخ الوحيد دا تحديدا اللى هتتجوزوا تعرف تماما انها هتتجوزوا هو واخواته

واهلة عموما

هاقولك لية لانى فى موقع اخت الزوج فى الموضوع دة

الاخ الوحيد دا بيكون الدنيا كلها بالنسبة لاخواتة البنات مبيتحكوش من غيرة كل

اعتمادهم علية مامتة هو سندها حاجات كدا كثير او تتحس

بس انا فى كل جملة باقولها فى اليوم باقول احمد يعمل كذا هاقول لأحمد كذا

يا أحمد هاتلى كذا ومش بس انا دى ماما واخواتى الاتنين وبابا كمان

مرات الاخ أحمد دى ذنبها اية؟؟

هاتكلم عموما وبعدين هاتكلم عن حالتى

عموما لو هى ذكية تكسب الكل وتحطهم فى جيبها حتى لو هتتعب شوية لية

لانها هتكون مرات الكينج ذى ما بيقولوا عليها مسؤليات كثير بس ليها واجبات

اكثر بكثير واهمية يعنى مفيش واحدة هتتحرك من غيرها وهتأخذ وضعها فى

البيت

وعلى الناحية التانية هتخسر الكل بما فيهم جوزها لو معجبهاش الوضع

انا معاكى انها حاجة صعبة بس ذى ما قلت لك بيكون لها حقوق عليهم اكثر

والكل بيبقى عايز يرضيها اكثر

بالنسبة لينا

اخويا صيدلى ومرفه جدا ماشى جت كذا صيدلانية اوشتغلت عنده وبعدين بابا

كان كل يوم بيختار لة مية عروسة وهو اللى طلب علشان اختيار صح ومبنى

على اسس معقولة

ووقع اختيار بابا فعلا على كذا واحدة وركز على واحدة وقالة عليها فى البداية

رفض وفكر وبعدين قال ماشى اخطوبهالى

لاحطى اخطبوهالى يعنى هى كانت بتشتغل فى صيدليتة ومكلماش هو فى خطوبة

بابا هو اللى اتكلم معاها الاول وبعدية اختى وأخذ منها ميعاد من باباها

كل دا الدكتور فين ولا الهوا ولا كأنه عارف

هى وافقت يبقى فهمت المقصود من الموضوع

المهم خطبها واول كلمة قالها اخواتى وماما وبابا رقم واحد وعليتى الكبيرة شوية

اللى هى اعمامى اوخوالى رقم اتنين بعد كدا بيتى بس اخوواتى اهم

وفعلا بدأنا نتقرب منها انا واخواتى البنات بكثافة وبهدايا يمكن كل اسبوع واحدة

فينا تهاديها بهداليا قيمة وهداياه هو بنساعده فيها فى الاختيار

وزيارات وتلفونات ومحاولات مستميتة طبعا بمنتهى الامانة لارضاء اخونا

اما ماما فمش حماه خالص والله العظيم
يعنى مثلا هما فرحهم الشهر الجاى ماما عاملة حسابها فى كل حاجة بنخزنها

فى الفريزر ذى بالضبط وفى كل حاجة فى البيت ومامتى هى اللى بتتصل بيها

عمال على بطال كداا
ولما تشترى لاخواتى لبس لازم ليها
دهب هى قبلنا
حتى لو جهاز جديد للبيت

طيب احنا عندنا انا واخواتى براون سلكابيل الجديدة احدث واحدة ماما اصرت

واشترت لها هدية الاسبوع اللى فات
اختى جابت نظارة شمس موديل جديد قال لأحمد هات واحدة لخطيبتك
بابيع مابيلى الاسبوع دا وهاجيب واحد جديد قالت له بيع بتاع خطيبتك وهات لها

واحد جديد مع انه اصلا لسة جايبه ليها من سنة يمكن

ولو رحنا مناسبة لازم نكبر اخونا ونأخذها معانا ونعرفها للناس ذى الدكتورة

فلانة خطيبة اخونا برستيج يعنى
فهمتونى

مش هاقولكم هى وحشة بس هى مديانا الطرشة باااااااااااااااااااارد بزيادة

يعنى مبتتصلش خالص ولا فى اى مناسبة عندنا مهما كانت اهمية المناسة ان

شاء الله مثلا عيد الام
ههههههههههههه

ولحد ما كان اخويا فعلا هيفسخ الخطوبة من حوالى شهر بس تعرفوا بابا اللى

راح لباباها ورجع الموضوع مع ان البنت كانت غلطانة جدااا

ومازلنا عايزين نكسبها لاننا معرفش نعيش من غير اخونا هانفضل مصريين لان

لازم نفضل مترابطين

عرفتى بقا يا شيمو هو ذى ما فية حقوق صعبة اوى فى موضوع الولد الوحيد

فية كمان واجبات كثير اوى

بس كدااا

ويارب تفرج هم سمسمة

وعايزة اقول لنانا وعطر ومادو ورانيا وممسى وعروس النيل وماما زوزو

كلكم وحشتونى وانا برد اهه وموجودة

بكرة باذن الله نكمل كلام

مدام وائل
احترم رايك جدا لكن انا وجهة نظرى اننا لو عاملنا البشر فعلا بصدق ما فيش حد يستاهل مجرد السلام
لكن لو عاملنا ربنا حا نرتاح تماما وتقريبا مش حا نعيش فى مشاكل لكن كلنا بشر اكيد ما فيش زى الام
والاهل بنكون مع اهلنا فى قمة الحريه وبنحس بصدق مشاعرهم لكن اهل الزوج محتاجين ذكاء فى التعامل
وبرود اعصاب لان لو ما عملناش كده حياتنا حا تكون كلها مشاكل
عندى جاره
حماتها مقيمه معها بالرغم اننا فى غربه وعمرها الحمى 90 سنه وعنده بنات وبنين كتير لكن مقيمه
مع ابنها فى الغربه لا تتصورى جارتى ما شاء الله ربنا يجزيها خير بتخدمها وبترعيها ممكن اكتب صفحات
لدرجة انها ممكن تتحجز بيها فى المستشفى شهر كامل بعيد عن بيتها وكل الناس تتفاجا انها حماتها
مش امها وبتعمل كل ده بحب وبتقول لى انا بعمل كل ده لوجه الله فقط
لان حماتها كانت من اشد المعارضين من زواج ابنها منها لانها مش عجباها شكلا
وبتقولى اول اربع سنين عملت المستحيل ان زوجى يطلقنى لحد ما ياست ان ابنها يطلقها
بتقول كانت قاسيه وشديده معايا جدا لكن فى الوقت الحالى الام بترتاح معاها اكتر من بناتها
كانت جارتى مسافره لظروف لان اختها مريض والام حا تقيم عند بنتها الام كانت بتبكى
انا مش حا ارتاح عند بنتى لانها مش حا ترعينى بحب زيك تخيلى وبتقول لى جارتى انا
ببكى من دعاها ليه لانه خارج من قلبها جدا
والقصه دى ممكن نطلع منها معانى كتيره
اكيد كلنا حا نكون حموات ما فيش احسن من الكلمه الطيبه
واكيد كلنا عندنا حموات لكن والله الكلمه الطيبه بتاثر جدا
فى فرق بين الحب ده فطرى للاهل لكن مع اهل الزوج
الكلمه الطيبه لوجه الله وبس وحا نحس بثمرتها فى الدنيا والاخره
وانا قلت القصه دى ممكن تهون على ناس كتير
وتكون دافع لفعل الخير لناس كتير
لانها مش حا ترتاح عند بنتها

السلام عليكم .انا متبعاكم من زمن بس فى صمت .من ايام مطبخ دينا وتلخيص مدام وائل اللى منزلاه عندى .انا كنت ادخل على النت كل اسبوع مرة او اتنين بالكتبر بس بقالنا شهر جايبين dsl و ان شاء الله هتلقونى كتير لاننى بصراحة بابقى مبسوطة من الصحبة والروح الحلوة اللى هنا ده بعد اذنكم طبعا.
بالنسبة لموضوع الحماة انا بقول لها يا طنط.اذا كنت بقول لخالتى اللى فعلا زى ماما وعارفاها من اول ما اتولدت طنط يبقى مامة زوجى اللى باحترمها طبعا لكن اكيد مش باحبها قد ماما ولا حتى قد خالتى اكيد هابقى حاسة ان فية حاجة غلط لو قلت لها ماما
المهم.انا كنت عايزة اعمل ا و اشترى 2 سرير لاولادى (هما سنهم 6 و2)فيا ريت اللى تعرف مكان كويس تفيدنى و شكرا مقدما