memsi :

يا بنات انا عايزة اسال سؤال وكل واحدة تقول رايها انتوا بتقولى لحماتك يا ماما؟ انا بصراحة من اول ما اتخطبت لغاية دلوقتى بقولها طنط ومش بحس انى اقدر اقولها ماما يعني ماما دى لماما وبس بس بقى خطيبة اخو جوزى اللى هتبقى المفروض سلفتى من اول يوم بتقول لحماتى يا ماما انا استغربت بصراحة انتوا رايكم ايه عادى ولا فيها تملق شوية؟

يا بنات انا عايزة اسال سؤال وكل واحدة تقول رايها انتوا بتقولى لحماتك يا ماما؟ انا...

3aroos elneel :

مدام وائل احترم رايك جدا لكن انا وجهة نظرى اننا لو عاملنا البشر فعلا بصدق ما فيش حد يستاهل مجرد السلام لكن لو عاملنا ربنا حا نرتاح تماما وتقريبا مش حا نعيش فى مشاكل لكن كلنا بشر اكيد ما فيش زى الام والاهل بنكون مع اهلنا فى قمة الحريه وبنحس بصدق مشاعرهم لكن اهل الزوج محتاجين ذكاء فى التعامل وبرود اعصاب لان لو ما عملناش كده حياتنا حا تكون كلها مشاكل عندى جاره حماتها مقيمه معها بالرغم اننا فى غربه وعمرها الحمى 90 سنه وعنده بنات وبنين كتير لكن مقيمه مع ابنها فى الغربه لا تتصورى جارتى ما شاء الله ربنا يجزيها خير بتخدمها وبترعيها ممكن اكتب صفحات لدرجة انها ممكن تتحجز بيها فى المستشفى شهر كامل بعيد عن بيتها وكل الناس تتفاجا انها حماتها مش امها وبتعمل كل ده بحب وبتقول لى انا بعمل كل ده لوجه الله فقط لان حماتها كانت من اشد المعارضين من زواج ابنها منها لانها مش عجباها شكلا وبتقولى اول اربع سنين عملت المستحيل ان زوجى يطلقنى لحد ما ياست ان ابنها يطلقها بتقول كانت قاسيه وشديده معايا جدا لكن فى الوقت الحالى الام بترتاح معاها اكتر من بناتها كانت جارتى مسافره لظروف لان اختها مريض والام حا تقيم عند بنتها الام كانت بتبكى انا مش حا ارتاح عند بنتى لانها مش حا ترعينى بحب زيك تخيلى وبتقول لى جارتى انا ببكى من دعاها ليه لانه خارج من قلبها جدا والقصه دى ممكن نطلع منها معانى كتيره اكيد كلنا حا نكون حموات ما فيش احسن من الكلمه الطيبه واكيد كلنا عندنا حموات لكن والله الكلمه الطيبه بتاثر جدا فى فرق بين الحب ده فطرى للاهل لكن مع اهل الزوج الكلمه الطيبه لوجه الله وبس وحا نحس بثمرتها فى الدنيا والاخره وانا قلت القصه دى ممكن تهون على ناس كتير وتكون دافع لفعل الخير لناس كتير لانها مش حا ترتاح عند بنتها

مدام وائل احترم رايك جدا لكن انا وجهة نظرى اننا لو عاملنا البشر فعلا بصدق ما فيش حد يستاهل مجرد...