هلااا وغلااا بنااات وش اخباركم ؟؟:)
انا انشغلت هاليومين معليش سامحوني.
اول شي الى الان انا ماشية على نظام اتكنز .
وبديت انسجم معه وانتظم اكثر.
اذا صحيت الفجر اشرب نص لتر ما دافي
وبعدين وقت الفطور اكل مارتديلا سمك وجبن موزارولا وكرفس وفجل :)
واقيس الكيون في هالوقت .
الظهر اشرب نصف لتر ماء.
الغداء سلطة ولحم من اي نوع اما لحم مسلوق ولا مشوي ولا اي نوع من اللحم.
العصر احيانا اخذ جيلي دايت ولا تشيز كيك :)(يعني جبن كيري وسكر سبليندا) ولا شوكلاته قليله الكربوهيدرات .
مع العلم ان طعمها مو قد كذااا للاسف بس افضل من لاشي .
واحيانا مااحلي ابد العصر.والعصر اشرب نصف لتر ماء.
والى العشا يكون لحم وجبن غالبا لاني مااحب البيض .
وكمان نصف لتر ماء.
ولا اخاااالف ابداااا الا اني احيانا احس اني اكثر الكميات من السلطة او اللحم .
بس هذي مخالفاتي الوحيدة.
مع اني اقاوم اغراءات هاليومين ماتصدقون :(
وزني الى الان 68 بس لاحظت انه بدا يتحرك شوووي بس ابنتظر اذا نقصت كيلو ابشركم :)
المفروض اليوم يوم الوزن بشششرو يابنات:)؟؟

ولا يهمك :)
انا بديت من اكثر من شهر وكان وزني 72كيلو.
بعدين اول اسبوع نقصت تقريبا اربعة كيلو :)
مرره كان شي يرفع المعنويات وحسيت اني خفيفة واستانست واتشجعت اكثر.:42:
بس بعدها وقف وزني :09:
اتمنى اوصل لـ60 او 62 كيلو .
بس انا كنت اقنع نفسي ان النظام دائم وليس مؤقت لانه فعلا تلاحظين ان نشاطك يزيد وتقل رغبتك في الحلا ومافيه جوع ابد .
عاد مشكلتي مااسوي رياضة الا قليييل مررة وغير كذا يمكن مااتحكم في كمية السلطة .
وان شالله ناوية استمر الى ان اصل لقريب من وزني المرغوب بعدين ابقرأ عن المرحلة الثانية من نظام اتكنز واحاول اطبقها ان شالله .
يااارب تسهل وتقوي ارادتي لين اوصل :)

مياسه
والله انا احب اتكنز كثير و احترمه هالريجيم

انا اعلى وزن وصلت له 97
و كنت خلاص بوصل للثلاث خانات و احس اني بنفقع
بديت اتكنز و بالبدايه بدون رياضه او اي شي
يمكن جسمي كان لسه مو مستوعب و نقصت 6 كيلو باسبوعين و نص تقريبا
طبعا تشققت
بس بعدها وزني علق على ال90 الي يحبها كثييير
و سويت رياضه و نقصت الى 86
بعدين خربت الريجيم على اني برجع له و قعدت شهووووور و مارجعت له و وزني وصل 93 او 94 تقريبا

و الحين بديت مره ثانيه نقصت الى ال90 و علق مره ثانيه
و قاعده اسوي ريجيم سعرات الحين عشان اكسره شوي و يمكن ارجع لاتكنز قريب انشالله اذا نقصت شوي لاني ارتاح عليه كثير
بدون حسابات و تعب
:42:

ماشالله عليك يافرشة لك تاريخ مشرف مع اتكنز !!! :)
لا انا اول مره استخدمه من شهر واسبوع تقريبا ولاعرفته الا من ذيك الفترة قريت عنه بالصدفة.

والحمدلله والشكر له .
اليوم وزني 67 كيلو :)
والله مررره انبسطت عقبالكم يابنات .
اخيرا تحرك وزني انا من شهر تقريبا ماتحرك معلق !!!
نظام اتكنز يبيله طولة بااااال مثل اي رجيم.
وبما انه مافيه جوع خلاص نصيحة يااخواتي ارجعوا له وطولوا بالكم.
ومثل ماقال دكتور اتكنز اذا لاحظتي وزنك علق سوي رياضة وقللي السلطة والخضار ورايح ينزل وزنك ان شالله.

السلام عليكم عدت والعود احمد انشاء الله . بنات ممكن اسأل اذا وحدها من الاردن ودلني وين ممكن الاقي سكر سلبلندا والكريمة الحامضة او قشدة الخفق الله ينحفكم اجمعين