عيوني الاطباء واخصائي التغذية يحذرون من تناول اي شي ع الريق
حتى العصير والحليب لهم مضاعفات لان المعدة بعد سبات الليل ما تحتاج غير الماء لغسلها وياليت لو ماء مع عسل
اقتداء بسنة المصطفى عليه الصلاة والسلام
اليوم اللي اخذ فيه حليب ونسكافيه ع الفطور احس بالشبع
واليوم مثلا نسيت اجيب وجبة السناك معي للمكتب، جهزتها ونسيتها في المطبخ (العقل شكله ودع)
بس الحمد لله اخذت الحليب والنسكافيه وبدون سكر
يمكن اشتري لي علبة لبن زبادي لو حسيت بالجوع لاني اليوم ناوية يكون بدون نشويات
احاول اتخلص من الزيادة اللي جتني الاسبوعين اللي فاتوا بسبب المرض والادوية
عيوني الاطباء واخصائي التغذية يحذرون من تناول اي شي ع الريق
حتى العصير والحليب لهم مضاعفات لان...
طبعا انا غبت عنكم مده كنا رايحين دراسه ووقتنا غير وقتكم يفرق بالساعات ..
والدول الي برا كله عندهم حركه في حركه واخدم نفسك بنفسك تعبنا واجد والحمدلله على كل حال..
رجعت ووزني ثابت تقريبااستغربت لانه كانت الدورة وقتها وقست وزني هو نفسه قبل مااسافر ..
ونزلت لكم ردي انه وزني ثابت ..لكن بعد الدورة باسبوع برجع اقيسه
يعني احس انينقصت دهون لانه ملابسي واسعه والبس قياس اصغر وابي احافظ ومن اليوم ان شاءالله ببدأ اروح الجيم لانه ماشاءالله شهر كامل كان حركه في حركه واكلنا مرات خفيف ونتعشى من بدري وانام ماكلين قبلها باربع ساعات ونصحى بدري وغيييييييييييييره ..
من الاسبوع الجاي بحط وزني ..
وماعندي نظام اكلي خفييييييييييف بالاضافه من رجعت وهناك لما سافرت قللت دهون الحمدلله الشوكليت ما يستهويني وابتعدت عن الخبز والمعجنات الي هي سبب انتفاخ جسمي يمكن عشان هالشي احس ملابسي واسعه لانه ماشي انتفاخ ..الحمدلله
اشوفكم بعدين ..
وللحين مافطرت بس كوب حليب للحين ما تعودت على النظام ماعرف شو اكل واحاول اخفف اكل مثل ماكنا نسوي ..
حتى الغدا ما افكر فيه ولا العشا ..ماعرف شو صاير لي..
وجاتني الدورة زادتني ..