الحذر من الرجيم الكيميائي مهما اختلفت مسمياته

انا من تجربتي الشخصيه فيه مميزات و سلبيات مميزاته:

1-الوزن ينزل بسرعه كبيره مما يعطيك حافز للأستمرار و تقوي أرادتك
2-لأأنه كيميائي و من شروطه انك لازم ما تاكلين الا اللي بالرجيم و اذا غلطتي لازم اتعيدينه من اول هذا يخليك تتحسفين اتخربطين عشان طبعا ما اتعيدينه من اول و تتعبين زياده هذا الشرط يلزمك تتقيدين بالرجيم و هذا الشي وايد مهم غير عن الرجيمات الأخرى عادي تتهيونين و اتخربطين و هذا سر فشلي انا باذات في تطبيق الرجيمات الأخرى
3-يعودك على الصمد جدام الأكل حتى لو كان شنو يعني يقوي من ارادتك حيل كانه تحدي امام ما لذ وطاب هالشي وايد فادني كنت اعتبره تحدي لما انعزم في مطعم و ما اكل
4- يعطيك طاقه وخفه بالحركه
5-ينحف الجسم ابتناسق اخلي الجسم حلو يعني ما تضعفين مكان و مكان لا ولأنه فيه بروتين وايد ف ما يترهل الجسم وايد لان النزول يكون من الدهن اللي في الجسم مو من العضلات يعني نزول فعلي لا نزول بالسوائل او اشياء ثانيه
أما سلبياته فهي كثيره وتعتبر اكثر من مميزاته
1-شحوب في الوجه اصير ويهج اصفر حيل و يأثر عالبشره
2- دوخه هاذي صارت فيني وايد حتى لو تعودتي عليه و كررتيه وايد و أول لأيام يسبب صداع بس يروح بعد رابع أو خامي يوم يعني بس أول ما اتسوينه بعدين يروح
3-يخلي جسمك يتعود على هالنظام يعني بعده ما راح يفيد معاك اي رجيم الا هذا فتضطرين ترجعينله يعني جسمك يتعود عليه
4-لازم تاخذين معاه حبة فيتامينات لانه يسبب فقر دم و نقص في الفيتامينات و هذا يسبب دوخه واحساس بالوهن
5-بعده راح تكرهين اللحم والبيض و اشياء وايد :11: يعني ممل حيل من كثر ما تاكلين فيه هالأشياء يسبب لك ردت فعل0
ما فيه خبز و هالشي جنني عاد انا اموت عالخبز اجن من غيره و ما فيه حلو ولا حليب :06:
6 الأسبوع الثالث متعب جدا حيث ان فيه يومين كاملين بس تاكلين نوع واحد فاكهه انا كنت اكل تفاح كنت اشتهي شي مالح يعني باختصار متعب جدا
7- يسببب في بعض الأحيان خلل في الهرمونات و خربطه في الدوره الشهريه
8- عند تكراره فترات طويله بدون اخذ فترت راحه يسبب خلل في انزيمات المعده مما يؤثر على عمليه الهضم يعني لما تتركينه وتاكلين شي دسم او اتخربطين بالأكل معدتك راح تتعبك و اتصير فيك غازات و بلاوي اببطنك:55: لول تفاعلات عجيبه0
عشان جذي انا ما ودي اكرره الحين خصوصا ان صارلي الحين سنتين ما سويته يعني نظمت انزيماتي و هرموناتي و كلشي حسافه اردله الحين لو اسمي رجيم غيره راح يأثر فيني لأني صارلي وايد تاركته اما لو كنت توني تاركته ما راح يأثر فيني اي رجيم مهما كان قاسي :27:
ادري طولت عليكم و يارب اشوفكم كلكم رشيقات وانا أولكم:23:بدون كيميائي ودمتم سالمين

اهلين بنات

والله عن نفسي لا اتعبت نفسيتي ولا شي بالعكس انا فرحانه بجسمي ...بس احس عين صابتني كل ما احاول اكرره ما اقدر و اضعف جدام الاكل
بس هالمره انا معزمه انشالله واليوم ثاني يوم .. والله يسهل
بصراحه الريجيم الكيميائي كنز ثمين و جزا الله خير اللي اكتشفه:27:

الدكتور الفاضل جزاك الله خير الجزاء على هذه الافاده و صح انا استمريت على رجيم كميائي فتره وشعر كان يتساقط مرررررره بس يا دكتور كيف نتخلص من سمنتنا؟:06: انا درت على كل النوادي اللي في المدينه بس شايفه حالتي اسوأ وانت قلت لي على مركز النخبه اللي بالرياض بس انا ما زرت الرياض من عشر سنين ياليت من غير امر عليك لو تعرف حل لحالتي او مركز أو دكتور زين بالمدينه تدلني
ودمت لكل خير

انا لاحظت انه يتعب لانه لازم تتقيدين بالظبط

وايضا سبب لي تساقط في الشعر

ولكن ممتاز يضعف بسرعه ويحافظ على الوزن مده طويله

حياالله جميع من تكرمت وردت وحده وحده، أجل الحين ياأم جانا عرفت السبب في الالام النفسيه اللي قلتلكم
عليها أثاريه يسوي كل هالبلاوي أما من ناحية يحافظ على الوزن فتره طويله فعلاً صار لي سته سنين والله
ياجماعه بشره معدومه وشحوب وضعف كنت اتمنى آكل شي من نفس بعد البشره اللي كانت زي الورد
صحيح مافيه أحلى من الطبيعه ومن بعدها حرمت أسويه مع العلم إن وزني كان 164 بس وطولي 154
بس الارداف كانت مشكلتي . وداعاااااااا للرجيم.