الحريم السنعات يدخلو بدعي لكم يابنات تكفوون

طريقة منال العالم بالرز تهبببل واعتمدتها
الرز إما تسوينه بالمويه والبهارات الصحيحه أو بمرقه اللحم أو الدجاج اللي أصلا قد حطيتي فيها بهارات صحيحه..
البهارات الصحيحه اللي استخدمها (هيل/ قرنفل/ قرفه/ ورق غار) وأكيد ملح
حطي الرز بالقدر وحطي عليه البهارات الصحيحه وشوية زيت علشان يكون مفلفل وعليه مويه مغليه الين ١ انش فوق الرز
خليه على نار عاليه مع التقليب مره أو مرتين الين تبدا تطلع ثقوب على وجه الرز وقتها قفلي الغطا وخلي النار على أوووطى شي واتركيه الين يستوي..
استخدمي قدر تيفال أو سيراميك أو جرانيت علشان ماتحرق لك الرز.. وموفقه ياقلبي 😙

أرز البسمتي الأبيض المكونات كوب أرز بسمتي . كوبان من الماء. خمس ملاعق كبير من زيت الذرة. رشة ملح. نصف ملعقة صغيرة من الهيل المطحون. طريقة التحضير ننقع الأرز جيداً بالماء الدافئ مدة نصف ساعة، وبعد ذلك نغسله عدة مرات حتى نتخلص من النشا لأنها تعمل على إخفاء طعم الأزر الحقيقي. نضع زيت الذرة، في الوعاء ونضيف أرز البسمتي إليه و نتركه مدة دقيقتين ونقلبه. نضيف الماء بحيث يكون كافياً لتغطية الأرز، حيث يرتفع سطح الماء عن الأرز بمقدار واحد سنتيمتر. نضيف الملح و الهيل المطحون أو حب الهيل للأرز، و نتركه مدة سبع دقائق حتى يغلي جيداً. بعد انخفاض نسبة المياه نخفض النار، حيث ينضج الأزر على حرارة هادئة مدة ربع ساعة. نرفع الوعاء عن الغاز، و نتركه مدة خمس دقائق جانباً حتى تمتص حبات الأرز البخار، و هكذا يصبح الأرز جاهزاً للتقديم.

شكل توك عروس او توك تتعلمين الطبخ
الطبخ ياقلبي اذا ماحبيتي المطبخ والطبخ مراح تبدعين فيه
اذا ماكنتي ولهانه ع طبخه معينه مثل نفسك تسوي كيكه او كبسه وماتحمستي من داخل مراح تضبط معك
نصيحتي عشان تبدعين بالطبخ ادخلي ع مواقع الطبخ باليوتيوب والافضل منال العالم ابداع وطبخ ع اصوله
تدرين انا ماعرف اسوي الكبسه ولاتضبط معي بس من اشتهيت اتعلمها دخلت ع منال العالم وبديت اخذ من طريقتها ونصايحها والكميات الي تحطهم من بهارات وبصل وومقياس المويه صرت الحين ولله الحمد اتفنن بالكبسات حتى صرت اشطر من امي بالطبخ برمضان تمدح طبخي وفطوري والشوربه الي اسويها عاد اقولها انتي الحين المنافس لي 😂
حبه حبه وراح تتعلمين كل شي بس نصيحه اتركي كتب الطبخ اخر شي لين تكونين مبدعه خليك عالمرأي يعني ( تلفزيون او يوتيرب ) لانها تمشي معك خطوه بخطوه
قبل شهر تحديت نفسي اسوي رز الصياديه بالدجاج المره الاولى والثانيه ماعليها كويسه بس ماخذت اللون البني الي بخاطري
سويتها مره للمره الرابعه والحمدلله يارررربي طلعت تجنن نفس الي ابييييها
حبي الشغل الي بتسوينه وراح تبدعين فيه واهم شي تحدي نفسك مثلاً بكبسة البرياني وحطي هالشي براسك ابحثي وحربي واسئلي لييين تجيبنها صح
موووووفقه ياقلبي 😘

وش مشكلة رزك ؟؟؟ يجي ناشف ؟ او مهروس بزيادة ؟ او ماصخ ماله طعم ؟؟
اعوفي المشكله اول عشان تعرفين الحل ،،،
ااهم شي يظبط الرز انك تحطين كنية زيت او زبدة كافية يجي نثري ،، والماء اللي تحطينه ع الرز يغطي الرز وزيادة شوية .. بحيث اذا وقفتي الملعقة توقف ما تطيح
البهارات حسب نوع الرز ،،، اذا كبسة حطي ملح وفلفل اسود اهم شي وممكن حسب الرغبة كمون وكزبرة وكم حبة قرنفل بكبرها وحبتين لومي ناشف بكبره ،، وقرنين فلفل حار بكبرها تعطي نكهة
اذا رز برياني او كابلي فيه بهارات خاصة لها معلبة جاهزة اسهل لك

الرز نوعين نوع يتنقع ونوع لا
والطبخ بعد نوعين شي بقدر الضغط وشي بالعادي
وكلها نتيجتها واحده
انا اسوي بقدر الضغط الوليمه انقعه بمويه دافيه اقل شي ساعه وبعد م اخرج اللهم او الدجاج من المرق اصفي المرقه بالملعقه المشخل واحط الرز شوفي ضرووووووري المرق تكون زايده عنه بس بشوي 3 او4 سم وتبشري معاه فص ثوم وتقطعي فلفل رومي او حار ورشه فلفل اسود وتزبطي الملحي وتضغطيه 10 دقايق