دعاء ملك
•
انا هنااا لم هديل .. انا الان 87 ولكن وزني صار له اسبوع على هادا الوزن ما يريد يتحرك والله فشلت مع اني متبعة نظام غلا الاشواق و حذقت وجبتين .. راني ناكل غير الدجاج مشوي او تونة بدون زيت نحيت البيض كامل خاطر كرهت منو و راني نلعب رياضة ساعة يوميا .. اين المشكل يا ترى !!!! :( .. حبيت نستفسر منك على ريجيم تاع البنان و البرتقال والزبادي .. لوكان نتبعو بعد ما نكمل ريجيم غلا تتوقعي كم ينحفني في ثلاث اسابيع ؟!!! والله راني محروقة على وزن 65 كيلو :'( .. انا ريجيم غلا الاشواق نكملوا يوم حداش ديسمبر وناخد يوم مفتوح بصح ما حبيتش نكملوا خاطر البيض خلاص وليت ما نحملوش .. حبيت نبدا ريجيمك تعيشي قوليلي شحال ينحفني لمدة تلات اسابيع بالظبط ؟!!!!! في انتظار ردك حبيبتي
omrachad
•
مرحبا بيكم بنات بلادي ملاك وام هديل وفضل راهي زاهيا سبحان اول ممره نعرف بلي ام هديل جزايره نعرف رجيمك ب رتقاله و موزه وزبادي طول اليومالله
دعاء ملك
•
omrachad :
مرحبا بيكم بنات بلادي ملاك وام هديل وفضل راهي زاهيا سبحان اول ممره نعرف بلي ام هديل جزايره نعرف رجيمك ب رتقاله و موزه وزبادي طول اليوماللهمرحبا بيكم بنات بلادي ملاك وام هديل وفضل راهي زاهيا سبحان اول ممره نعرف بلي ام هديل...
اهلا بنت بلادي .. انا شفتها المرة الاولى فالكومنتيرات فقتلها بلي جزائرية. خاطر مرة تحكي مصري و مرة تحكي سوري و مرة خليجي ههه و زدت تاكدت من موضوعها تاع الحلفاء قالت بلي احنا فالجزائر اسمها الحلفاء ماشي برسيم ههههه .. جربتيه يا ام رشاد هاد الريجيم ؟
om_hadil
•
سمحيلي طولت عليك... راكي تشوفي من نهار اتقطع الكابل و النت كااااارثة... شوفي راكي جايبتها مليح في ريجيم غلا الأشواق ... ما تخليش الإحباط يأثر عليك ... انا صاحبتي جارباتو في شهر نقصت اكثر من 20 كيلو ... لكن !!! كانت تأكل البيض فقط 9 حبات تغليهم الصباح و كل مرك تأكل حبة ... يعني كانت تأكل بروتين البيض فقط ... و ادير زوج سوايع سبور ... و خصوصا نط الحبل ... و تشرب قهوة كحلة مُرررررة ... باه تقطعلها الشهية ... كان عندها مناسبة و كانت حابة تشيان باي طريقة ... اه نسيت كانت تشرب ڤيتاميات juvamine ... و اوميڤا 3 ...
om_hadil
•
كي تكملي ريجيم غلا الاسواق ادخلي طووول في ريجيم الموز و البرتقال و الياوورت... و اتمنى ان تتبعيه و لا تخبصي ... تعرفي قريبتي جرباتو و أسبوع عيطتلي و قاتلي راني درت ريجيم الموز و وزني زاد ما انقصش !!! انا اتخلعت ؟؟؟ قلتها تبعتيه نيشان ... قاتلي ايه ... ؟؟؟ قلتها شوفي عاودي الأسبوع الجاي و على ضمانتي رايحة تنقصي . لكن بشرط ... خذي كناش و اكتبي اي شيئ تاكليه خلال ايام الريجيم .. حتى و لو كانت حبة زيتون ... فات الأسبوع و عيطتلي و قاتلي و الله ما نقصت... قلتلها افتحي الكناش و قوليلي و آش كتبتي .... تبعي معايا يا ملاك ... نص حبة مقروط خلاها وليدها !!! شوية كوكا قعدت في القرعة !!! نص حبة محاجب خلاها وليدها !!! 4 مغارف كسكس خلاهم زوجها !!! شوية طمينة بعثتها جارتها !!!! و و و و و ... و كي احسبت اشحال من كالوري لقيتها تأكل 2000 كالوري في اليوم ؟؟؟؟؟؟ و هي كانت عندبالها الوجبة نتاع الموز و الياوورت و البرتقال تْنحفها خخخخخخ .... و لما فهمتها و جربت الريجيم نقصت 3 كيلو في أسبوع . ....
حبيبتي انت تاني ديري كناش و اكتبي اي حاجة تاكليها ... باه تعرفي وين راه المشكل ....
اذا غبت اعرفي انها النت .... و اتصالات الجزائر و الكل يتألم ......
حبيبتي انت تاني ديري كناش و اكتبي اي حاجة تاكليها ... باه تعرفي وين راه المشكل ....
اذا غبت اعرفي انها النت .... و اتصالات الجزائر و الكل يتألم ......
الصفحة الأخيرة