الحمسة .........وماأدراك مالحمسة

السلام عليكن ورحمة الله وبركاته
:26:
يابنات ايش رايكم عن الحمسة او الكشنة
ماأحد يقدر يستبعدها عن الاكلات الشعبية خاصة الخليجية من كبسات وغيرها !!!!!صح

لانها تعطي طعم ولون والمنظر المشهي يمي يمي

ولهذا السبب حبيت ان نتشارك ونستفيد من بعضنا وكل وحدة تخبرنا وتعلمنا
طريقة حمستها وماتتميز فيها وايش الاضافات المستعملة

اما عن نفسي فطريقتي مع كبسة الدجاج او اللحم وكمان للعازيم الكبيرة
الحمسة : (للعائلة الصغيرة)
1-بصلة كبيرة مقطعة شرائح
2-ملعقة صغيرة هيل -
3-زعفران منقوع ماء بفنجان قهوة
4-نص ملعقة صغيرة بهار مشكل _ وكمون_كركم ناعم_وشوية من صبغة الزعفران
5- نص ملعقة صغيرة ملح
6- ملعقة كبيرة زبيب _ وصنوبر مقلي
الطريقة:
ضعي ملعقة كبيرة زيت في المقلاةعلى النار ثم البصلة وحركيها حتىتبدا بالذوبان وخففي النار خليها
معتدلة لاتحرقيها بس حركي فيها حتى يصفر بعد كذا اضيفي الهيل واقلبي شوي حتى يتغير لون البصلة الى اغمق شوي ثم اضيفي الزعفران المنقوع مع الماء مو بس الزعفران حتى الماء حقه
خففي النار واضيفي الكركم والكمون والبهاروالملح ولون الزعفران وشوية ماء واقلبي الحمسة
حتى تشوفي الموية بدأت تقل
اول ماطفي عن النار اضيفي الزبيب والصنوبرواقلبي فيهم
خلاص تاخذي الرز المكبوس (لازم يكون ابيض شوي عشان اللون وكمان متصلح هاذي الحمسة مع
الكبسة اللي فيها صلصة او الرز البخاري او طماطم )
بمغرفة يعني شوية من الكبسة وتضيفيه مع الحمسة اخلطيها حتى تطلع اللون الاصفر على الرز
وتاخذي الحمسة واضيفيها مع القدر اللي فيه الكبسة (نفس الوقت الكبسة تكون على نار هادية)
واطبقيها حتى تعطي طعم الكبسة ياسلاااااااام لذيذة وصحة وعافية


ملاحظة :
اول ماتبغي تغرفين شيلي الحمسة كلها اللي فوق الكبسة واغرفي الكبسة وحطي الحمسة


هااااااااا يابنات يلاااا نبي حمساتكم اللذيذة لا تنسون :30: