وكل سنه وانتم بخير
انا مررررررره سويت حنيني على هذا الرابط
الحنيني وبالصور
وهالمره عجينه مختلفه وحسيتها اطعم شوي من اللي قبل قلت لازم احطها لكم
هالطريقه ماخذتها من منتدى بس والله ماادري اي منتدى لانها قبل سنه تقريبا
وهذا نفس كلام الاخت صاحبه الموضوع الله يجزاها بالخير
المقادير
مقادير الخبز
2 ونص كاس دقيق بر
½ كاس زيت
1 م ص خميرة سريعة
1 م ص باكنج بودر
2 فنجان قهوة سكر
رشة ملح
تفرك مع بعض جيدا ثم تعجن بكاس وربع ماء
العجينة تكون طرية جدا وتترك لتخمر نص ساعة
ثم تفرد في صينية صغيرة ويفضل الصواني القديمة
بلاش التيفال (صواني بيضاء احنا نقول لها توتواه (هنا عملتها بالتيفال لاني ماعندي التوتواه)وتترك تخمر نص ساعة ثانية ثم توضع في الفرن لمدة نص ساعة
ويحمر الوجة من اعلى ( تطلع لك مثل الكيكة طرية وتتفتفت
ثم تقلب في صحن وتفرك جيدا مع اضافة 4م ك سمن الشوكة والملعقة افضل سمن جربته معها (انا السمن عادي اللي يتسوى بالزبده او سمن بري)
ويضاف لها كوب تمر معبوط و1م ص فلفل اسود (هنا ماحطيت فلفل) (والباقي ماسويته سويت نفس طريقتي بالاول )وتفرك باليد جيداً ثم تجمع باليد وتعبط ايضاً
( عارفين ايش يعني تعبط ؟؟ ... يعني تعجن مع بعض ومانقول عليه عجن .. نسميه عبط
ثم يوضع في صينية ويعاد للفرن لمدة ربع ساعة ثم يوضع في صحن التقديم مع تمليس الوجة واضافة قليل من السمن
وهذي الصور
1
2
3
4
شهيتيني فيه ..
يامال العافية ...