حبيبتي في الحمل عادة الوحده تزود 300 سعره حراريه عن السعرات الحراريه المعتاده فاذا جسمك في العاده يكفيه 1500 سعره .. زودي عليها 300 و يصير المجموع 1800 ..

هذا في الحمل الفردي .. اما اذا توأم تزود 600 يعني لكل طفل 300 .. بس الافضل تسالي دكتورة تغذيه عن الموضوع ... بس هذا الكلام يلي قريته في النت ... و كل وحده و جسمها .. يعني يختلف الموضوع عند الحامل يلي عندها مشاكل صحيه و فقر دم بسم الله عليكي ...

و انا دكتورتي قالي لي اهم شي تاكل اكلات صحيه .. يعني ابتعدي عن المقالي و الشبسات و الحلويات .. بدال بطاطا مقليه خليها مشويه .. هذي الاشياء يلي تسمن و من غير فايده .. كثري سلطات و فواكه طبعا بعد ما تتاكدين انها تعمقت و انغسلت كويس ... اكلات مشويه .. سوايل .. بس بلاش العصيرات المعلبه مليانه سكر .. و حتى الغازي يقولوا مو كويس في فترة الحمل ... كثري من المويه و عصيرات طازجه بس انتبهي من عصير الاناناس لانه الاناناس سواء الطازج او العصير ينزل البيبي بسم الله علينا ...

صدقيني خليكي على الاكل الصحي .. الوحده ما راح تزيد باذن الله و بستفيد جنينها من الاكل ... يعني مثلا في رمضان بدل السمبوسه المقليه خليها مشويه و كدا :)

و حتى انا زيك مآكله هم اني ازيد .. و لازم الوحده تعتدل في اكلها لا افراط و لا تفريط ....

الله يستر :(

انا الحمدلله والشكر وزني نط 8 كيلو من قبل لا اعرف اني حامل ههههههه مقاس الملابس كبر بنمرة وحدة حتى الداخلي ..
دحينة انا اسبوع واخش السادس ولسه وزني زايد ال8 كيلو نفسها ما نقص او زاد اكتر عن قبل ثبت على الوزن ويارب ما يزيد الا بزيادة وزن النونو في بطني مرة مني ناااقصة تخن زايد :)))
اكلي طبيعي ما باكتر بس باخد فيتامينات لانو عارفة انو نظامي مضروووب وبشرب الياف بودرة مع الشاهي عشان ينظفلي بطني كل يوم بيومه ..
امي الله يسعدها تقولي هدي مويات لانو سار معاها ومع اخواتها وحيروح بعد الولادة بشهر او شهرين .. والرضاعة والشاهي حق نفاس والمشد حق البطن والحاجات هدي حتساعد الرحم يتقلص ويرجع الوزن طبيعي , لانو منجد في فرق بين اللي تتخن وبين اللي فجاءة خشمها وخدودها والزنود والسيقان تسير منفوووخة .. يارب يطلع توقعها صح ههههههههههههه

الله يعين والله شهيتي انفتحت كثير بعد الشهور الاولى وراح الوحم واحاول اكل اكل صحي ومفيد على قد ماقدر وفوق دا الشهيه مفتوحه

ياقلبي مع الوحم تكرهين كل شي .. بينزل وزنك بس اذا عديتي 4 شهور بيكون وضعك طبيعي يروح الوحم اكلي ع خفيف .. لاتكثرين مرة ولاتنزلين مرةة الرجيم مو بصالح صحتك .. وصحة الجنين بعدين يجي صغيرون وتعبان

انا تخيلي فحملي فبنتي زاد وزني حوالي 20 كيلو
وصلت 85 كيلو بعد ما ولدت تعبنت عشان انزل وزني

لكن في حملي دا حنتبه مافيه لوجع الدماغ حق الرجيم