شوفى حبيبت قلبى اذا ماتضبطين العيش عيل اشخليه احسن يعنى صفيه شوفى
نقعى العيش ساعه
حطى ماى ومكعب ماجى الرز الابيض واحد وملح وزيت
خليه يغلى الماى حتى يذوب الماجى
ثم حطى العيش وخليه يغلى وبين فتره وفتره جربى حبه لين تحسين الحبه صارت يدوب لينه
وبنفس الوقت صلبه يعنى فيها شوية عضه مو لينه حيل
وصفيها بسرعه بمشخال ورشى على العيش شوية ماى بارد
بعدين حطى نفس الجدر على النار وصبي فيه شوية زيت ويبى خبز وفتحيه
وبليله بالماى عدل ورشى عليه رشه خفيفه ملح
ثم حطى الخبز الوجه الداخلى مالته على قاع الجدر ثم صبى العيش فوقه
ولمى حوالين العيش ان يصير كانه جبل ورشى اشوية ماى حار عليه وشوية زبده سايحه
وسكرى راس الجدر عدل وخلى النار متوسط لين تحسين يطلع بخار من حواف راس الجدر
وبعدها خففى على النار بس مو حيل حيل , لازم تشوفين يطلع بخار خفيف وبطئ من حواف راس الجدر باستمرار
والا رح يعجن معاج, يعنى اذا وقف البخار اعرفى ان النار خفيف زياده فلازم اتطولين عليه شوى فهمى هالنقطه
عدل وخليه نص ساعه الى 45 دقيقه فقط ثم طفى النار وشيلى راس الجدر عشان يطلع البخار
وحطى الجدر على سيراميك المطبخ عشان بس يبرد القاع شوى
عشان لمن تقلبين الجدر يطلع مثل الكيكه وتشوفين الحكوكه ذهبيه هشه مقرمشه ولذيذه
بس بقولج شى مهم :confused-
العيش محد يقدر يعلمج عدل اشلون تسوينه, العيش تتعلمينه بنفسج بالمزاوله باستمرار
صدقينى حاولى سويه جم مره ورح تصيرين استاذه:cook:, اذكر نفسى ماكنت اعرف واحيانا كنت
اييب العيش بس من بيت اهلى عشان بس لا اسويه لانى ادرى رح اخربه, ولمن تتعلمين العيش
المشخول بعدها تدريجيا رح اتعرفين حق العيش المجبوس
ادرى طولت عليكم مايخالف:kiss:
الصفحة الأخيرة
مافيه احلى من باب الهند