صباح الخير بنات ...
اشلونكم بعد وليمة امس ....
ما قلت لكم ... هرسوا الافوكادو ... انا هرسته وخلطت معاه كريما حامضة وثوم وبصل مفروم وشطة
عملته مثل الكريم ودهنت فيه الساندويتش وحطيت خس وطماطم وخيار وكان طيب والله ...
معلش سويت ... ادري انها متأخرة ... بس بالنسبة للباييلا ... حمري بصل مع ثوم وزنجبيل ... حطي خضار مشكلة مجمدة ( جزر وفاصوليا وبازيلا ) وقلبيهم مع البهارات واذا تحبي حطي شوية معجون طماطم قلبيهم وبعدين ضيفي ماء وخليه يغلي شوي ... والماء لازم يكون مناسب لكمية الارز لانه راح نكبس الارز معاه ... ضيفي الارز عليه وخليه ينكبس مع الخضار ... لما ينشف الماء ويستوي الرز كليه مع دقوس طماط ( صلصة الطماطم الحارة ) ... :)
كركر والبنات .... هذا النظام ماله شغل من فصيلة الدم ... ليش تخلطون كل شئ مع بعض ... التزمي بنظام واحد ... والصراحة انا ما عندي اعتقاد بسالفة فصائل الدم والغذاء ... :eek:
على فكرة .. انا جربت المشمش التركي .. يلوع الجبد وينفخ البطن بشغل غريب ... اخذت ذاك اليوم مشمش من مطحنة الرفاعي واكلته وما سبب لي مشاكل ... :)
اليوووووووووووووووم
عندنا عنب ... وموزتااااااااااااان فقط
باحاول اكل عنب للعصر .... وبعدها بساعة اكل حبة موز ....... واخللي الثانية للمساء ... يعني عشا ...
وان شاء الله ما اجوع ....
سي يو
صباح الخير بنات ...
اشلونكم بعد وليمة امس ....
ما قلت لكم ... هرسوا الافوكادو ... انا هرسته...
اشلونكم ....
شنو اخباركم ....
للاسف ... وزننت اليوم وما كنت نازلة شئ ... يمكن لانه الدرو راح تجيني بعد كم يوم ...
ما عليه ... استني للايام الجاية ...
اليوم عندنا اناناس وفراولة والعشاء مفتوع ...
الللللللللللللله .... ودي اكل سندويتش فلافل وبطاطا او باذنجان وبطاط ... احس ان جوعانه من الحييين ..
يلا ... قولوا لنا يومياتكم يا بنات ...
shiama
الف مبروك على الكيلوات اللي تخلصتي منها ... وعقبال الدفعة الثانية ..
الربيع الصامت ..
مالج شغل من العوازل .. اهم شئ انتي ...
ودي اصير مانيكان ... علشان اذا لبست ما اشوف مطبات في كل مكان ...
الرشاقة راحت من بعد الزواج والولادتين ... والصراحة حتى زوجي ما فادني لما سمنت ...
بس اسمع هتافات عل الفاضي ... عشمتني بالحلق .. خرمت وداني .. لا الحلق جااني ولا كلام الناس كفاني ...
اخليكم الحين باروح اتجهز للصلاة ...
تقبل الله منكم مقدما ..