العنـــود :

CryEyes هلا اختي .. اشحالج .. :) انا الصراحه مثلج ماحب الخضار المسلوقه .. واول مره سويت الخضار المسلوقه في البيت الصراحه لاعت جبدي الله يكرم النعمه .. بس والله العظيم كرهت يوم الخضار المسلوقه :icon33: ومره سرت الجمعيه لقيت نوع من الخضار المسلوقه بس الصراحه والله واايد حلو وماتحسين بطعم الخضار جنج تاكلين هالذره الجاهزه اللي يسوونها في المراكز مادري اذا عرفتيه ولالا ؟ اتكون مثل عربه واتكون يالسه حرمه اتبيع ذره واتسويه حسب ماتبين اتحط لج لومي او ملح او فلفل اسود او كله مكس .. اتوقع عرفتيه :) المهم طعمه يكون جيه واايد لذيذ الصراحه .. هو كيسه لونه ازرق وعود شوي امممم ماذكر شو شركته بجوفه لج اليوم وبرد لج الخبر :) و سعره 9 وشي .. بس حده 10 دراهم اسلقيه في الماي واشخليه عقب حطي فوقه ملح وفلفل اسود ولومي .. ع فكره الحلو فيه ان هالخضار مافيها سكر مثل انواع الثانيه .. اتمنى افدتج اختي :)

CryEyes هلا اختي .. اشحالج .. :) انا الصراحه مثلج ماحب الخضار المسلوقه .. واول مره...

الكيكة :

السلام عليكم اختي العنود ... اي طريقه للدجاج مسموح فيها بس بشرط بدون اضافه زيت ولا مكعبات ماجي اختي ازمان .. لا تاخذين فيتامينات مع الريجيم علشان ما تخرب الدنيا .. النظام متكامل متروس خضار و فواكه و بروتينات . كراي ايز انا يوم الخضار المسلوقه بالنسبه لي يوم مأساوي حتى يوم البيض ارحم منه لكن عندي اقتراحات يمكن تحبينها ممكن تسوين شوربه ملوخيه بدون زيت ولا ماجي ولا شي بس ثوم و بصل و ملوخيه و ممكن تقطعين المشروم الطازج الى انصاف و تلفينه بقصدير و تحطينه بالفرن ربع ساعه و بعدين اطلعينه و ترشينه ملح و تاكلينه بالعافيه و ممكن تشوين باذنجانه بقشرتها عالنار مباشرة ( انا اشويها على عين الغاز ) و لما تنشوي زين اقشرها واقصها نصفين و ارشها ملح و فلفل اسود و ليمون و ممكن شويه بقدونس و بالعافيه اذا ماتحبين ولا شي اكلي بس خيار او جزر او خس او طماط :(

السلام عليكم اختي العنود ... اي طريقه للدجاج مسموح فيها بس بشرط بدون اضافه زيت ولا مكعبات...