عزيزتي شاطئ الامواج كيف حالك اتمني ان تكوني باحسن حال وشكرا مرة تانية علي هذا المجهود الرائع ولكن عندي استفسار بسيط لكي وهو اني قرات في كتيب السعرات الي عندي ان 12 حبة لوز تحتوي علي 620 سعر حراري في حين ان انتي ذاكرة في سعراتك ان كل 6 حبات من اللوز بهما 45 سعر فايهما اصح وادق مع العلم ان كتيب سعراتي انا من دكتور معالج للسمنة وجزاك الله خيرا

والله يالغاليات العفو وما سوينا شئ تستاهلووون اكثر وبالنسبة لسؤالك اختي baty مستحيل 12 حبة لوز فيها كل هالكم الهائل من السعرات ما ادري بالنسبة لي احسها كثير بالمرة وانا بالنسبة لي شفت كذا سعرات اول من كثير اماكن واغلبها كانت 45 سعر ما ادري بالنسبة لي انا لي سنة ونص على هالسعرات والحمد لله وزني ماشي معاها وبانزل ولله الفضل فاعتقد ان 6 حبات لوز ما راح تكون اكثر من 45 سعر

شكرا على هذا النظام الجميل والصحي وان شاء الله نتبعه..
عندي كم سؤال..
مقادير الأطعمة المحددة في كل نظام هي مقاديرها قبل الطبخ أو بعده، يعني مثلا 3 ملاعق أرز مسلوقة أو مقدار 3 ملاعق أرز قبل السلق؟

والسؤال الثاني هو هل ممكن استخدام المحليات الصناعية أو سكر الفواكه مع القهوة أو الشاي؟

هلا عزيزتي مقادير الاكلات في الانظمة الغذائية بعد الطبخ يالغالية واكيد فيكي تستعملي المحليات الصناعية والمحليات الصناعية مكتوب عليها كم سعر حراري واحسبيها مع السعرات

عزيزتي اوبال الله يعافيكي يالغالية مشكورة

ياااااااااااااااشاطئ الامواج .. :)

عسى الله يوفقج وييسر لج امورج .. حددددددددي تعبت مع هالكالوري وطالعة عيوني منه احس بملل لأن محد بالبيت يشجع كل من يعيب علي ليش احسب ..

مليت بس شسوي انسب شي واحسن شي .. بس مشكلته ان الكتيب دايماً معاج مع الكالكوليتر مالت موبايلج :D والله وصلت إلى مرحلة إني حتى بالاحلام احسب جم آكل--->حالتي يرثى لها

ومااتصورين اشكثر استانست يوم شفت ان المفروض حصتي اليومية 1200 مو 1000 :D ال200 تفرق بالنسبة لي :)

حلو الجدول اللي حطيتيه وودي اجربه طبعاً مع استبدال بعض الاشيا

عندي اقتراحات للي يسوون معانا نظام الكالوري .. الا وهو
1. لاتحرمين نفسج من الاشياء اللي ابخاطرج ((بشرط)) التقليل منها .. يعني الحلو ليش نحرم روحنا منه ؟ بس ناكل بحد معقول .. أصلا إذا رحتي وحسبتي جم الكالوري اللي فيه بتحسين بالذنب إذا كليتي كمية كبيرة فراح تضطرين انج اتصغرينها عشان يكون فيه مجال تاكلين شي ثاني :)
2. لازم يكون عندج اقتناع تام إن اللي قاعد اتسوينه مجرد تنظيم للأكل ليس إلا :) ومع الوقت راح تتعودين عليه .. خصوصاً ان مافيه حرمان مثل باجي الرجيمات
3. لو انج قمتي تخورينه لا تخربين اليوم كله ! يعني مثلا حضرتي امس ماشيه مضبوط لدرجة إني ماكليت شي دسم كللللللللللش .. وعلى المغربيه كليت سينمون مع قهوه عربية --->ياسلام عليج .. :) مع هذا صكيت هالحلج وماتعشيت واكتفيت بالماي لأني خلصت حصتي اليوميه ويمكن كليت أكثر أهم شي لاتيئسين
4. إذا رحتي الجمعيه لاتمرين صوب الكاكاو والحلاو قد ماتقدرين وإذا كان فيه خاطرج أخذي منه الحجم الصغير ويفضل الكاكاو يكون معاه بسكوت عشان تكون كمية الكاكاو اقل:) وإذا بعد شريتي بسكوت فيه كاكاو يكون أحسن :D لأن صدقيني آنه مدمنة كاكاو يعني لو يوم يمر وماكليت أحس بضيقة خلق والله العظيم .. فمضطرة إني اعوضه ببسكوت مثلا دايجتسف بو كاكاو أو مثلا أوريو .. بس طبعاً مو رايحة وراده عليه :) يعني قطعتين دايجستف أو الجيس اللي فيه 3 قطع اوريو .. وكاتبين عليه الاوريو ان فيه 155 كالوري حق ال3 بسكوتات

فيه نقطة المشروبات راح اتكلم عنها باجر احس صدعت راسكم بمعلوماتي القيمه --->ياشين الثقة :p