داليا-74 :
الحمية الصارمة لمدة شهر كامل ملاحظة هامة : اذا ضعفتي واكلتي خلال الشهر اي شي غير المكتوب بالحمية بتبدئي تاني يوم بالحمية كأول يوم الك بالحمية لانه هدفنا نخلي امعاءنا صحية ونقويها وهاي الحمية الصارمة او حميتنا اسمها باليو Paleo يعني رجل العصور القديمة او رجل الكهف ومبدئها ناكل نفس طريقة اكلهم بمعنى كانو يصيدو اللحوم وياكلوها (وكان اهم شي عندهم الكبدة والقلب والكلاوي والاعضاء بشكل عام متل المعلاق) وكانو يلقطو من الارض الخضراوات ويقطفو الفواكه وياكلوها وعشان هيك كانو صحيين وقوايا ويقدرو يقطعو مسافات ولا كان في امراض ولا كان في عندهم مشاكل في صحتهم بناء على البحوثات العلمية الطبية وضروري خلال هاد الشهر ناخد كبسولات سنامكي (سيدنا محمد عليه الصلاة والسلام حكى عنها قبل الاجانب) او كاسة سنا مكي واحدة بالليل عشان الجلوتين بضل بجسمنا ست شهور من اخر لقمة اكلتيها والوحيد بيقدر يزيله هو سنامكي حميتنا اخدت المركز الاخير من بين الحميات والسبب لانها كتير صعبة صح بيحكو عنها كتير ممتازة وفعلا بتعالج الامراض بس لانه لازم نلغي كتير شغلات من حياتنا وهاي النقطة بيعطو عليها علامات ونظرا لصعوبتها فازت بالمركز الاخير .. تقريبا اللي متبعين حميتنا عددهم عشر ملايين شخص بجميع انحاء العالم والاغلبية الساحقة اجانب ومن العرب يمكن بس انا J بس كل المتبعين الحمية همن مرضى امراض مناعية وما عم يتحسنو سواء بالادوية او بالحمية اللي الدكاترة بتعطيهم اياها والحمية الوحيدة اللي انقذتهم هي هاي الحمية نبدأ بالحمية لمدة شهر : البروتين : المأكولات البحرية : جميع المأكولات البحرية التي يتم اصطيادها الطازجة هي الافضل .. بالنسبة لمزارع الاسماك جيدة لكن الافضل التي يتم اصطيادها (الحمد لله دول الخليج الله منعم ومفضل عليهم بأنه المأكولات البحرية اول بأول طازجة ومو بحاجة ياكلو من الاسماك المحطوطة بمزارع الاسماك) وحتى التونة ممتازة اللحوم المجترة : هاي الحيونات التي تأكل الطعام او بالاحرى الحشيش ولما تجوع بتجتر الاكل من المعدة لتعيد هضمه مرة تانية متل (العجل – الخروف – المعزة – الابل ... وغيرها) افضل نوع وهو الممتاز جدا للصحة هو الحيوانات العضوية واللي بتاكل الحشيش يعني يفضل تسألي وعادة بدول الخليج الاغلبية بأكلو الحيوانات عندهم حشيش بس تاكدو انها تكون عضوية يعني مافي هرمونات بجسمها او معالجينها بالهرمونات.. اما تاني نوع هو : يا اما أ) نوع اللي بياكل حشيش بس مو عضوية او ب)ما بتاكل حشيش (مثلا بتاكل درة) بس عضوية هدول برضه جيدين سواء كانت نوع أ) أو ب) في حال عدم توفر اي شي من اللي ذكرته سواء اللي تغذيتها على الحشيش او كانت عضوية .. وقتها بتاكلي الجزء اللي مافيها دهون (خالية من دهنة) متل فيليه او الكفتة من غير دهنة او لحمة مفرومة من غير دهنة والكمية محدودة الدواجن والارانب : بالنسبة للارانب هو من اللحوم الغير مجترة بس حطيته مع الدواجن لانه نفس طريقة الدواجن : افضل نوع والممتاز للصحة اللي بكون عضوي ومربى بالمزارع الطبيعية (اللي بيرعى لحاله بالمزرعة مو المحطوط متل السجن وحاطين ادامهم درة عشان ياكلو.. الدواجن اكلهم الدود واي شي اخضر والارنب تقريبا نفس الشي من غير الدود وهدول همن الصحيين) اما تاني نوع يا تكون عضوية بس مربية بالمزارع الطبيعية او تكون مربية بالمزارع الطبيعية بس ما تكون عضوية هدول برضه جيدين للاكل في حال عدم توفر هدول النوعين بتنزعي الجلد عنهم وبتاكليهم اما النوعين السابقين عادي تاكلي الجلد لانه مفيد ويفضل الصدر لانه دهنة قليلة فيه اللحوم المصنعة متل نقانق او مرتديلا او بسطرمة او سجق وغيرها : نفس مبدأ اللحوم المجترة (بالنوعين الاول والتاني) بس اذا مو متوفر غير تبعون المصانع لازم وقتها تبعدي عنهم اما اذا انتي بتعرفي تعمليهم او اللحام بيعملك اياهم اشتريه وكلي بس مصنّع من المصانع انسي تماما وما تاكلي ملاحظة مهمة : الجهاز الهضمي عشان يشفى بسرعة لازم يومي تشربو مرقة لحم او دواجن او ارانب (ولازم ينحط العظام بالمي لانه الفوائد موجودة بالعظام وعلاج فعلي للجهاز الهضمي ولكل الامراض وخاصة اللي عندهم هشاشة او اي اوجاع بالعظام حيحسو بالفرق بعد الالتزام) نيجي هلا للخضراوات والفواكه (طبعا هدول اللي فعلا بيعالجو وبزودو جسمكم بالمعادن والفيتامينات صح البروتين بزودكم كمان بس الخضراوات والفواكه بنسبة اكبر وفيهم نسبة كربوهيدرات بس قليلة عشان برضه جسمنا بيحتاج للكربوهيدرات واله فوائد بس كترته هي اللي بتمرض بس اذا اكلناه بنسبة معقولة حناخد الفوائد ونستفيد) الخضراوات: وبتندرج تحت نوعين الممتاز جدا جدا ونوع التاني ممتاز يعني الاتنين بتستفيدو منهم بس في نوع احسن من التاني (ولمعلوماتكم انا اعتمادي كان على النوعين والنوع التاني اكتر لانه بحبه اكتر) النوع الاول : الممتاز جدا جدا جدا وحكتبلكم شو كنت اللي ما اكلت منهم الجرجير الهيليون (ما اكلت منه) بنجر بوك تشوي (بشبه الملفوف وفي ناس بتحكيله ملفوف الخردل بالنسبة الي ما اكلت منه) بروكلي ملفوف بروكسيل (ملفوف كتير صغير وما اكلته) ملفوف العادي اللي بنعرفه كلنا (ما اكلته لانه ما بصير اكله ني عشان مادة جويتروجين اللي حكيتلكم عنها اللي بتوقف عمل الغدة وبنفس الوقت اذا سلقته مو طيب من غير ما يكون محشي رز ولحمة وتتبيلة والرز ممنوع لمدة شهر فما اكلته لمدة شهر مع اني بحبه) الجزر (معلومة صغيرة الجزر بنحف خاصة منطقة الخصر بس كليه فترة الصبح مو المساويات او قبل النوم) الزهرة كرنب (مو نفس الملفوف لانه احنا بنحكي عنه ملفوف واخواتنا المصريين بيحكو عنه كرنب بس هو نوع تاني وبيعتبر نوع من انواع الملفوف بس ورقه شبه السبانخ وما اكلت منه) الثوم كالي (نوع من انواع البروكلي ما اكلت منه) الكراث (ما اكلت منه) الخس بجميع اشكاله (الخس ايسبيرغ هو وقلته واحد لانه مافيه فوائد عكس باقي انواع الخس وبيعتبروه كانك شربتي كاسة مي) البصل والبصل الاخضر اللفت بجميع اشكاله السبــــــــــــــــــــانخ (ملك الاكل كله فوائد وفوائده لا تعد ولا تحصى وكنت اكرهه بس صرت اترجى دايما امي تعملي اياه) بطاطا الحلوة + نوع من انواع البطاطا اسمها يام (انا كنت اكل كل يوم تقريبا بطاطا حلوة حبة صغيرة ) السلق (ما اكلته) البقلة (ما اكلتها) الكوسى (ولي العهد بعد السبانخ J كنت اكله خرط يعني يتقطع قطع صغيرة مع لب الكوسى نفسه واسلقه واحط عليه بصل واكله بالمعلقة هاي الاكلة كان بابا الله يرحمه ياكلها لما انصاب بمرض السكري (النوع التاني المناعي) وخليت امي تصير تعملي اياها) نيجي للنوع التاني الممتاز جذور اليانسون وجذور الشمر (ما اكلتهم) ارضي الشوكي (ممتاز جدا جدا لانه بيعطيكي الحصة اليومية للالياف واحنا كلنا بنعرف قلة الالياف بتسبب امساك وبعدين اخرتها سرطان بعيد الشر عن قلبكم فكل يوم كنت اكل نصين يعني واحدة كاملة وفي ارضي الشوكي مجمد من مصر ماركة مونتانا رائعة بس ضروري تسلقيها كتير منيح عشان فيها الياف لو قعدتي ساعة تمضغي فيها على الفاضي ما رح تتفتت فعشان هيك اسلقيها منيح كرفس (كتير ممتاز كنت قليل جدا لآكله لاني ما بحبه وما قدرت احبه) الخيار (تقريبا شبه يومي كنت اكله) الفاصوليا الخضراء كتير بحبها كنت اكلها بالمعلقة الفطر بجميع اشكاله وانواعه البامية الجزر الابيض قرع فجل رواند (ما عمري اكلته ولا بعرفه) البازلاء نيجي للفواكه ونفس الشي بتنقسم لنوعين : النوع الممتاز جدا جدا جدا : المشمش (ما كان موسمه فما اكلته) توت العليق الاسود blackberries (ما اكلته لقلة توافره) توت البري blueberries (ما اكلته لقلة توافره) الكرز جريب فروت كيوي شمام (ما اكلته) برقوق (ما اكلته) توت العليق الاحمر raspberries (اخدته كمكملات غذائية يعني كبسولات عشان اعوض لانه التوتيات كتير مفيدة وبتعالج) الفراولة اما نوع الممتاز هو : التفاح بجميع الوانه الموز تمر والتين (حتى المجفف) الفواكه الغريبة (طعمها مر اللي عرفته فما اشتريتها ولا دقتها) العنب بجميع الوانه الليمون وليمون الاخضر مانجا (مفيدة بس الكمية تكون قليلة) نكترين او الدراق برتقال بابايا الخوخ انجاص بجميع انواعه اناناس رمان يوسفي بطيخ ملاحظة : الفواكه المجففة بتكون عالية السكريات اذا قررتي تاكليها فبكمية قليلة جدا ومحدودة هلا دور الدهون المسموحة وهمن نوعين نوع الخاص بالطبخ ونوع الخاص بالاكل: نوع الخاص بالطبخ : شحوم الحيوانية (الدهنة) فقط بحالة كانت مرعية بمزارع او 100% تغذيتها اعشاب أو عضوية غير هيك ممنوعة زيت جوز الهند زيت الزيتون نوع الخاص بالاكل (يعني هو اكل بس واقع تحت فئة الدهون لا خضار ولا فواكه) الزيتون بجميع انواعه والوانه افوكادو زبدة جوز الهند حليب جوز الهند الجوز الهند نفسه ملاحظة مهمة : جميع المكسرات حتى المفيدة متل اللوز والجوز وغيرهم ممنوعة اول شهر ، جميع البهارات الحارقة ممنوعة متل الفلفل وبابريكا وبودرة الشطة وفلفل احمر وكاري واي شي حريف ، جميع الادوية من مسكنات او مضادات الالتهابات ممنوعة الا للضرورة القصوى جدا جدا غير هيك لازم يتم توقيفها لانها زي ما قلنا بتؤذي البكتيريا النافعة ويفضل بهاد الشهر تشتري من الصيدلية مكملات بكتيريا نافعة اسمها Probiotics عشان نزيد من عددها وبتاخديها قبل الاكل مباشرة عشان تسهل هضمك للاكل (وانا كنت اخد Amino Acid و Digistive Enzymes لتسهيل الهضم وتكسيرها والاستفادة منها خاصة اول شهر )، تقليل من الكافيين على الرغم مافي دليل علمي واحد بدل على هاد الشي بس اشربو بالكتير فنجانين قهوة والباقي اعشاب (شاي اخضر ، يانسون ، ميرامية ، زعتر ، اكليل الجبل ، الزنجبيل ، القرفة ، اي شي بدك اياه اشربيه بس من غير سكر) ، لازم شرب اقل شي 8 كاسات مي باليوم وعلى فترات والافضل الصبح تشربي كاسة مي مع معلقة خل عشان ينضف الكبد لانه هو الاساس بالتمثيل الغذائي والهضم او اشربي كاسة مي مع عصير ليمونة (العسل مو محطوط ضمن القائمة فاذا ما قدرتي تتحملي المي مع عصير ليمونة لحالهم حطي معلقة واحدة من العسل الطبيعي طبعا بعدين بعد الشهر بنرجع العسل الطبيعي الاصلي بس لانه اول فترة لازم نبعد عن السكر اد ما بنقدر) ، لازم النوم بوقت بكير كحد اقصى ساعة 12 بالليل ولمدة تمان ساعات لتسع ساعات متواصلة عشان هرمون النمو ما بيشتغل الا بالنوم البكير وهاي المدة كفاية ترفعي من نسبته عندك وهاد الهرمون مهم جدا جدا لعلاجك ولعلاج حتى بشرتك وشعرك وكل شي فيكي داخل جسمك من اعضاء انتي مو شايفتيها حتتعالج وحتحسي حالك رجعتي شباب. طبعا ححطلكم كيف كنت اكل وامتى بس اعطوني شي ساعتين وبحط الطريقة كيف لازم تاكلي واللي عنده استفسار يسالني وانا حجاوبه باذن اللهالحمية الصارمة لمدة شهر كامل ملاحظة هامة : اذا ضعفتي واكلتي خلال الشهر اي شي غير المكتوب...
السلام عليكم اختي داليا الله يسعدك نبي الحميه اللي بعد شهر
ماشاء الله تبارك الله أشكرك من قلبي على هذا المجهود الي بذلتيه لكتابة تجربتك بهذا التفصيل .. لي عودة للموضوع جزاك الله خير وأتمم شفائك ياربماشاء الله تبارك الله أشكرك من قلبي على هذا المجهود الي بذلتيه لكتابة تجربتك بهذا التفصيل .. لي...
داليا اللع يعافيك ابي حميه الشهر الثاني لمرضى الغدد
الصفحة الأخيرة
انا جديده هنا 🤦🏻♀️🖐🏻