براءة طفولة 22
•
قصة رائعة
حلم 25
•
شـــــــــــــــــمـــــــس لـــــــــــــن تـــــــــــــــغــــــــيـــــــــب
يألله نسيت موعدي مع مروان اكيد الحين راح يعصب اتصل علي امس يأكد الموعد الي حددناه من اسبوع
وانا راحت علي نومه
ويسرعه ارتديت ملابسي وذهبت للمقهي الي مواعدني فيه دخلت اخذت ادور عليه بين الوجوه وانا جالس اسرح بنظري هنا وهناك
_ احم .. احم بدري كان جيت بكره احسن
التفت لمصدر الصوت كان هو والشرار يتطاير من عيونه
_ انا اسف مانمت بدري نمت الساعه 1 الظهر امس مجاني نوم
_وليش مجاك نوم؟
(( الي عرفته من بعد معاشرتي لمروان انه انسان ملقووووووووووف لأبعد الحدود ويحب يدخل بالتفاصيل ويحلل الأمور يعني اذا اعطيته هرجه لأزم تفسرها له مايفهم عالطاير لا لأزم تقوله ادق التفاصيل وادق التقاصيل يعني ادق التفاصيل
_ والله كنت افكر بموضوع وسرقني الوقت
_ كنت تفكر ايش الموضوع الي خلاك تسهر لين الصبح وتنسي موعدنا الي محددينه من اسبوع
(( وكمان يكره احد يسحب عليه بمعني وعدته بشي لازم تنفذه)
_ خلاص يامروان هدئ ايش فيك هذاني جيت حتي طاير
_ ايه طاير باين... وقولي بأيش كنت تفكر
_ زي ماقلت لك موضوع .... وغيرت الهرجه بسرعه لأنه راح يقعد وراي لحد ما اقوله
.. وانت ايش كنت تبغي تقولي ايش الموضوع الي تبغاني فيه **** الله خير
_ خير ...واخذ يقلب بالكأس الي كان قدامه
جلست انتظره ان يكمل لكنه لم يقل شئيا
_ ايش فيك يامروان تكلم
_ تدري ولا شي بس كنت حاب اشوفك وحشتني
_ انا عارف ان الموضوع غير كده تكلم
نظر الي مباشره كانت عيناه ممتلئه بالدموع لأول مره اراه هكذا
_ ايش فيك مروان خوفتني
_ انا من فتره متهاوش مع ابوي وهو طردني من بيتنا,,وابغاك تحاول تخليه يرضي علي
_ طيب ليش ايش صار
_ مدري مصار يتحملني
_ كيف فهمني السالفه زين عشان اعرف اتفاهم مع ابوك
لم يتكلم واخذ ينظر الي الكاس بصمت
كانت حالته غريبه جدا
لأول مره اري مروان بهذه الحاله لمست يداه محاوله مني لأشعره بألأمان ليتكلم
_ مروان حبيبي تكلم وش صار بينك وبين ابوك
_ هو يبغي يتزوج وانا ما ابغاه يدخل وحده غير امي علي البيت
_ ههههههههههههه من جدك انت
_ ايه من جدي ما ابيه يتزوج وهو عجوز منتهي
_ مروان هذا ابوك وهذا من حقه
_ لا مو من حقه (( واخذ يبكي
_ مروان وش فيك (( قمت من مكاني اخذت اهدئه الناس بالمقهي اخذو ينظرون الينا
همست بأذنه _ مروان الناس تطالع فينا ياالله قوم نروح سيارتي وهناك نتفاهم
قام معي ونحن بطريق الخروج من المقهي
_ الظاهر الحبايب متزاعلين
ورد عليه الثاني _ ايه الله يعينهم ويهديهم
_ والثالث اكتفي بالضحك
انا لم اهتم لكن مروان لأاعرف لماذا غضب من كلامهم
وسحب نفسه من بين يدي واتجه ناحيتهم وامسك الي كان يضحك من ياقته وصرخ بوجهه بكلام لم افهمه
الباقين كانو سيضربون مروان لكني امسكتهم
واتتني ضربه قويه علي انفي من واحد منهم
تألمت كان مروان حاكر الولد بين الكرسي والطاوله وهات يضرب وانا حاولت افكه والشباب الباقين الي معه كانو يحاولون فكه وضربي بنفس الوقت
انا ماكنت حاسس ايش يصير كل شي صار بسرعه وانا نفسي كنت اتألم واحاول فك الولد من بين يدين مروان الي كان معصب وواصل حده
_ مروان ايش فيك هدئ راح تذبح الولد
_ خليه يتأدب واخذ يصرخ بوجهه ( انتم ماتخلون الواحد بحاله خلاص الواحد تعب حرام عليكم
وكلام فهمت من خلاله انه يعرفهم وبينهم تاريخ
_ خلاص يأخي فكه وخذ صاحبك وتقلع
هنا جا مدير المحل
_ يا اخوان انتم كده شوهتو صوره المحل ههههههه
( هذا الي قدر عليه
هدئ مروان لكن بعد ايش كان عادم وجهه الرجال ومنتهي
سحبت مروان واخذته للخارج بس قبل مانروح قال واحد منهم
_ لا تحسب انا راح نسكت ياولد أمك والله راح ناخذ حقنا منك يا.... ولا خلاص انت ماتستاهل الواحد يوسخ لسانه عشانك
طالعت فيه احاول افهم السالفه هز مروان كتفي بمعني يالله نروح
وخرجنا من المقهي اراد الذهاب لكني طلبت منه ان يذهب معي بسيارتي ليخبرني مابه
_ مهند خلاص مو وقته راح اقولك وقت ثاني
_ لا انت جايبني من بيتي علي ملا وجهي والحين تقولي مو وقته لا والله مراح اخليك غير لما تقولي
طالع فيني نظرات مافهمتها ابد
وتركني وطلع سيارته ومشي من دون اي كلمه وقفت بمكاني احاول استوعب الي صار
لكن سمعت صوت وراي يقول_ ابعرف واحد زيك وبمكانتك يمشي مع الأشكال هذي كيف التفت لمصدر الصوت كان واحد من الشباب الي تهاوشنا معاهم قبل شوي
كنت بتركه لكنه استوقفني وقال _ لمصلحتك ابعد عنه تري ماوراه الا المشاكل
طالعت فيه نظرات احتقار وتركته وطلعت سيارتي ومشيت ماحبيت اروح البيت اتصلت بخالد
_ هلا خلود ابي امرك الحين ممكن
_ عادي حبيبي مهند مايحتاج استئذان انا انتظرك
ورحت لخالد كنت بكلمه بموضوع مروان الي شغل بالي رحنا لمقهي قريب من البحر وهناك حكيت له وش صار
بالتفصيل كنت خايف لا يكون مروان متورط بحاجه كبيره
_ لا ماعليك يا مهند مروان رجال وفاهم مايغلط
_ بس خايف والله كان ودي اروح لأبوه واحكي له بس خفت اسوي له مشكله
_ لا تقول لأبوه شي انا الحين اتصل عليه واشوف وش صار عليه
_ طيب اتصل وطمني عليه
اتصل خالد علي مروان لكنه مارد عليه اتصل مره ثانيه لكنه اعطاه مشغول قلقت وخفت يكون حصل له شي
_ ايش رئك يخالد تروح له البيت
_ طيب بس اخاف يكون ماراح البيت ونقلق ابوه
_ طيب نسوي انا رايحين نزوره مراح نقول لأبوه شي
انا وخالد وصالح وزياد كلنا نعامل مروان مثل اخونا الصغير كلنا اصبحنا اخوان وكل واحد يعامل الثاني مثل اخوه ونخاف علي بعض ونشارك بعضنا بأسرارنا ومشاكلنا
ذهبنا لمنزل مروان والد مروان رجل معروف بالحي الذي يسكن به الكل يعرفونه ولذا بابه مفتوح دائما بابه لا يغلق الا باليل لذا كان الباب مفتوح طرقت طرق خفيف
_ تفضل ياخوي حياك
ومنذ ان شاهدنا امامه بادرنا قائلا
_ اذا جايين تسألون عن مروان شوفوه هناك متلقح بالغرفه الله ياخذه ****الله
قال خالد مازحا...... _ ليش ياعمي حرام عليك هذا ولدك الصغنون
_ الضغنون لا ياشيخ هذا آفه الله ياخذه سود وجهي قدام الخلق
انا وخالد لم نتكلم لم نجد كلام نقوله لأننا لم نكن نعرف ماذا حدث ولماذا هو هكذا غاضب من مروان
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
هنااااااااااك خلف الضباب اتراها هنااااااااااااك
توجد الحياة الجديده التي تنتظرها
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
الصفحة الأخيرة