القانون التجاري وحياة البراري .. آآآآويلي على حالي

عذبــــــــة الروح :

هذا كبتشينو الفجريه .. يخزي العين ماأطعموو.. يطق لـستار بوكس باصبع هع باللهي مااغراكم المنظر مع قطع الشوكلاته الذايبه !! والا عاد زوليه الخيمه ..ترانا كشخه حتى زوالينا تايقر >> ترى تلعب عليكم المخيم مستأجرينه موب لهم وهنا في موضع اخر .. كبتشينو الظهر>> مشكله الي مايشربون قهوه مسوين بعد تركش كوفي وقهوه بالتوفي وشئ بالمدري وشو .. عدي واغلطي ماشاء الله هذا غير الحليب والزنجبيل ووووو .. قلت لكم بطونا ماترتاح ماشاء الله الله لا يضرنا قولوا ماشاء الله لا تنظلونا >> وش عليه تكفين ! العصريه عاد يكون لنا موعد مع الشعر النبطي >> انحششششش ابد الله يسلمكم نفرش لنا حنا يالبنات ونقعد في وسط التراب ونسوي زي المحاوره بالشعر .. عاد وانا هناك وصلني خبر ان خلف بن هذال بكبره يوم سمعنا قرر يعتزل.. بس عاد ماهان علي ابو هذال يترك الجنادريه .. من بيتحمس علينا لين حول مايطق به عرق غيره ذا الاجودي ..! عاد اقولكم اشوى رحت وحاتسيته وابد كنه اقتنع ان الناس قدرات وابشركم قدرت اقنعه ان الناس قدرات وان مافيه اي اشكاليه ان صرنا حنا ازين منه ومن شعره والحمد لله الرجال هدى وشال فكره الاعتزال من راسه >> قولي قسم تكفين! ومن بعد المغرب عاد تبدا الدبابات تدهر ..هي من اصلا الصبح شغاله >> لا تخافون منب قايله شغاله والا سواق اقولكم عاد هناك ماااش ربعنا البنات موب راعين دبابات .. مسوين نعموه وخايفين يااااي .. للحظه بغيت اتهور واقلط عند الرجال بس الحمد لله رجعت الى جاده الصواب هع اقولكم تهورت وركبت البانشي ذاك الي كبر قريح .. ياكبره بعد لا جيب باركبه حسيت اني بانمصع .. بس والله انه يوسع الصدر خصوصا ان مخيمنا فيه طعوس وحركتات >> باللهي متأكده انتس بنت؟ بس الصراحه طاح وجهي الله يهديني اثري وجه بن فهره .. مريت من مجموعه حريم ومعهم وحده علاقتي فيها جدن رسميه وماتتعدى السلام عليكم وكيف الحال ... المهم ذا الحرمه ماسلمت عليها وشكلها استنكرت اصلا ذا الخبله الي داعسه ومرت من قدامها .. المهم شافتني من بعيد وسلمت .. جيت انا ومن طفاقتي قلت هلا هلا لاحقين عالسلام واشخط من قدامها ... قسم عقب يوم استوعبت حسيت طلع من اذاني شئ حار .. لا والاردى مني ذا الدبشه الي جالسه وراي وساكته >> شهوود كيف الحال؟! المهم يوم مريت مره ثانيه وتناديني مير استحي على وجي وامد يدي اسلم وامطخ عالسريع .. قالت فلانه بكم الساعه؟؟ اثر ام الشباب تنادينا من الصبح تبي تركب عقبنا ايه هذولي الحريم الي يوسعن الصدر بس شوفوا ترى البر ازود من ثلاث ايام ماينفع بقرش.. يعني يكفي تروحون الاربعاء وتجون الجمعه بالليل.. لانكم اصلا اخر شئ بتقفل معكم تحسون ودكم تذبحون عماركم من القرف والنوم والتعب ووو انا عني اول شي سويته يوم وصلت تروشت وقعدت اتمقل في سريري ساعه حول مااجغفه من الفرحه .. ياناس نومه الارض وبالبر بعد تجيب المررر خلاص قضيت طسو فرشوا واخمدوا وراكم تراااسه ترى ماعندي سالفه من الصبح بس متعنيه اكتب الموضوع وانزله هالحزه عشان اقهركم اني سهرانه وماوراي شئ بكرا ياحقين المدارس خخخخخخخخخخخخخ لحظه!! ادري بعضكم ان ماكان كلكم يقول وش دخل العنوان بالموضوع .. بس ودي اعلمكم اني افتكيت منه ذا الاشهب .. وبعدين وش دخلكم اصلا موضوعي وانا حره >> مستبزره ترى هالايام:22: وفي النهايه لا يسعني الا ان اتقدم بالشكر الجزيل لجوليا بعد تسبدي .. بغثرتها بتحميل الصور وهي وراها دوام الضعيفه .. بس ياله هي كريمه وانا استاهل >> مهيب طالعه الا بفلقه:42: فوتوكو بعافيه ...

هذا كبتشينو الفجريه .. يخزي العين ماأطعموو.. يطق لـستار بوكس باصبع هع باللهي مااغراكم المنظر مع...