لون الغيم ولايهمك ياقلبي انشاء الله بتنحفين عليه بس اهم شي قوي ارادتك ولاتهتمين للبنات الي يحاولون يجيبولك الاحباط بالتوفيق حبيبتي قبل ماانسى زميلتي تتكلم عن واحده تعرفها تقول ولله العظيم كان وزنها 90 وخلال 3 اشهر صار 50 تقول تغيرت بشكل جذري عشان كذا انا متشجعه وفيه بعض البنات هنا نزلوا عليه الي 20 والي 11 والي 8 وعلى حسب نوعيه جسمك واهم شي الرياضه عالاقل 30 دقيقه خليها مشي او ارقصي ههههههههههههههه وش فيها انجنت

رازان ماشاء الله عليك 23 كيلوا شي خيال كنتي تسوين رياضه وماصار لك اي عوارض ياليت تفيدينا وكم كان وزنك وبالتوفيق ياقلبي وانشاء الله اول ماتولدين ترجعين وزنك احلى واحلى

عوارض لا لكن كان يجيني صدا ع اول يومين لكن قالولي هذا عشان تركت الشاي والقهوه وبعدين انتهى00معلش اكثركم مايحب الرياضه لكن انا كنت امشي ساعه يوميا00وانتبهوا يوميا حتى لانه قالوا المشي يطلع كل السموم ولايتركك تتاثرين بكثرة اللحوم في الكيميائي00انا مسويته من 3سنين وولدت لكن حملت مره ثانيه بعد ماكمل ولدي سنه ونص وانا استنى بس بنتي الحين تكمل سنه واسوي الكيميائي لاني ارضع 0 كان وزني 106بس لاتعيبون ترى انا طولي 165 وصار بعد الرجيم وبشهر ونص83 وكان نفسي اواصل لانه روعه00

رازان مشكوره حبيبتي والله كلامك يفرح القلب ندوووووو حبيبتي انتي الف شكر لك وكلك ذوق يالغاليه بس لاتقطعون فيني انا ببتدي انشاء الله السبت الجاي وابي تشجيعكم المتواصل والله يعطيكم العافيه

انا كتبت قصتي ابهالمنتدى مليون مره

لكن لعيونكم اخليها مليون و واحد

انا قبل 5 سنوات و كنت وقتها حامل بالشهر التاسع و وزني واصل 120 ... كنت في قمة الاحباط و يائسه نهائيا اني اضعف ... ولا افكر اصلا اني اسوي ريجيم .. يعني اخر درجات اليأس

و في يوم من الايام شفت زول اختي معطيتني ظهرها بس ماعرفتها ( والله و بدون مبالغه )
متغيره و ضااااااااااعفه ... قلت لها شمسويه قالت ريجيم كيميائي و نازله للحين 11 كيلو و ماخلصت الشهر

انا كنت اول مره بحياتي اسمع عن هالريجيم .. قلت دام نتيجته جذي تكفين صوريلي هالريجيم اول ما اولد بسويه

و فعلا .. ولدت ولاده قيصريه و يوم صار عمر بنتي 11 يوم بديت بالريجيم الكيميائي .. و انزل بالهبل .. ما اصدق ميزان البيت و اروح اتأكد بالصيدليه او بأي ميزان اشوفه بطريقي... طلعت من النفاس وزني 98

النتيجه كانت مشجعه.. كررت الريجيم مره ثانيه و كررته مره ثالثه وصل وزني 82 ...و كررته المره الرابعه بالاسبوع الثاني وصل وزني 78 و كسرت الريجيم علشان امي ... خافت علي و ماقامت تنام الليل من الخوف علي .. لان جسمي صار حديث الموسم و الحريم قاموا يخرعونها من الكيميائي و يقولون لها انه يموت ... ههههه اكسرت خاطري و كسرته لعيونها

حافظت على جسمي تقريبا سنتين ,... و بعدين مليت من التقيد و الخوف من الاكل و وزني ثابت على 82 .. فقلت خلاص الوزن ثابت و خذيت راحتي و مصختها بالاكل .. لا بصراحه انتقمت من الحرمان و الريجيمات .. و زاد وزني شوي شوي خلال 3 سنوات 10 كيلوات ... قاعده احاول انزلهم ..

لكن ياتني عين عالكيميائي كل ما ابدي فيه اخربه بنفس اليوم ... فقاعده احاول انزل وزني و مره تصيب و مره تخيب