انا بعملها ومش حتم سبوع بتم شهور بعد بس من تبي تكون معي ونشج بعض

اخت زوجس سوتها ونحفت 5كيلو بالشهر علما انها ماعندها زياده كبيره بالوزن

بنات انا عم أجرب هالطريقة لكن على الفطور ..ولي صار أسوبعين ونص ونزلت 3 كيلو

الوزن راح ينزل بس بشكل بطيء ، وأعتقد إن مقدار النقصان يختلف من وحدة لوحدة وحسب وهاااااي نقطة مهــــمة : مفهوم الوجبة المشبعة عندك

يعني أنا ممكن آكل صحن كامل رز وأكون وصلت للوجبة المشبعة وغيري ياكل 3 صحون ويوقف

هون طبعا راح يختلف الوزن ، بالإضافة لطبيعة الوجبة وهاي مهمة ، أنا آكل أكل مشوي وغيري وجبته كلها دهون ودسم !!!!!!


بالنسبة لي بدأت عادي ، وجبة وحدة مشبعة على الآخر :) ، ممكن تبدأو بهالطريقة عشان تشجعوا حالكم ، وبعد أكم من يوم لما تتعودي على الشعور بالجوع والتحكم برغبتك بتناول الطعام والسيطرة ، ممكن تبدأو زيي هاد الأسبوع اللي هو :

بدأت أخفف من مقدار هاي الوجبة الوحدة..خلاص أصلا بطلت تفرق معي الأكل ، أحس نفسي ماتت خاصة عن الحلو اللي ما كنت أقدر أقاومة الحين لما حسيت بالسيطرة على نفسي صرت أقدر أقول لأ قداااام أتخن لوح شوكلاته مااارس :) .. يعني آكل ع الفطور ولما أحس إني سديت جوعي أوقف ، مش ضروري أوصل للتخمة ، فاهمين علي ؟؟ وإذا كنت لسة حاسة إني لسة بدي آكل كمان ، أروح أكمل بالفواكه أو الخضرا ( تفاح أو خيار ) بـــعدين شاااااي أخضر أكثر من 3 مرات اشربه ( جدا مفيد ) وأضفت التمارين الرياضية هاد الأسبوع كمان 30 مرة تمرين البطن والمشي ولو حسيت بعدين بالجوع أشرب حليب العين ( عادي كامل الدسم )..وصدقوني ما رح تحسوا بالجوع أو إنكم عاملين ريجيم بالمررررره . وإن شاءالله أنا حاسة إني راح أنزل أكتر بهالطريقة إذا مشيت عليها

للتوضيح : الفطور اللي هو عند الإفطار وقت المغرب مش الصبح :)

أنا ضاربة عصفورين بحجر ، أصوم عشان أقضي الأيام اللي علي واللي هي 24 يوم ( ولدت في رمضان ) وكملت صيام وقلت منه ثواب ومنه ريجيم ..خاصة إن ربنا ذكر الصيام وقال عنه في الحديث القدسي ( إلا الصوم إنه لي وأنا أجزي به )

تخيلو : في الدنيا نقصان وزن وفي الآخرة إن شاءالله رصيد عند ربنا وثوااااب عظيم ..وشو الواحد يتمنى أكتر من هيك :26:

انا جربتها كنت طول اليوم مااكل بس اتعشا خفيف واشرب شاهي الاعشاب الصينيه قبل النوم ونزلت 5كيلو في ثلاثه اسابيع