النط على الحبل...

انا كنت امارسها وسمعت انها ضارة بالرحم بس ما سمعت انها تقلبه ؟؟؟؟؟؟؟؟؟

بس اختي ممكن تفيدينا لاني قبل ممارستها سمعت انها تخفف من الاذرع الممتلئة بس انا الحمد لله نحيفة اذرعي بس الجوانب اللي من تحت مو الارداف اللي من الجنبين عند الحوض قوليلي ايش غيرتلك هذه الرياضة في جسمك؟؟؟؟؟؟؟؟؟؟؟
وانا صراحة بعد ما احمل المرة الاخيرة واولد راح ارجعلها ان شاء الله

هلا روينة..:)
والله هي رياضة (على حسب ما أسمع) ممتااااازة بمعنى الكلمة...و حسيت أنها شدت لي جسمي و تحرك كل عضلة في جسمك ذراعك على عضلات البطن (العليا و السفلة) على منطقة الفخوذ و السيقان...يعني هي مثل الجري و أحسن....أنا مشتركة في نادي..و قالوا لي أنه أفضل طريقة لنقص الوزن و شد الجسم و تحسين معدل التنفس و ضربات القلب هي النط على الحبل..!!!!!!!!!! و داااااايم أشوف حريمهم اللي هنا بلندن في النادي ينطنطون عليها..!!! و الأجسام بدع ..!!!! أنا لي مدة عليها و أحس أني أرتاح بعدها و جسمي ينشد و أعرق بطريقة كبيرة (لزومه شرب الماء بكثرة) و أحس بنشااااط و حيوية كبيرة.... بس في البداية حسيت و ما زلت للآن أحس شوي ألم في منطقة الرحم..و بالصدفة وحدة من صديقاتي قالت لي أنه يقلب الرحم..!!!!!! فحبيت أتأكد....مع أني سألت كثيير عنها و الكل يقول (أطباء على مشرفين النادي و المدربات فيه) أنه صحي و ما به شي...بالعكس يوصون به..!!!!!أهم شي تكونين ساحبة (شافطة) بطنك للداخل و ركبك شووووووووي مثنية عشان ظهرك...و لا ترهقين نفسك..و طبعا لا تنزلين بقوة على الأرض..!!! هذي معلوماتي...بس الألم ما زلت أشعر به كل ما أمارس الرياضة..!!!! فحبيت اللي عندها خبرة تقول (زيادة في الاحتياط)..!!!

حبيبتي ترجعي مع الاستمرار تتعودي ويزول الالم ولاتنسي ان الطب عندهم جدا متقدم
وادعيلك بالتوفيق بس لاحظتي تغيير في جسمك خلال كم اسبوع ؟؟؟؟؟؟؟؟؟؟

رجاء تردي وماتتاخري علي واتمنى الاخوات يفيدوكي في سالفة قلب الرحم زي ماتقولي000000000000
واخيرا كم نطة في اليوم تنطي او كم من الوقت يعني نصف ساعة او ربع ساعة او ساعة بينها وقت للراحة ؟؟؟؟؟؟

وممكن تراجعي طبيبة وتساليها عن سبب الالم يمكن يكون عندك مشكلة لا قدر الله وقوليلها انك تمارسي هذه الرياضة يمكن عضلاتك ما تتحمل ويمكن عشان الرياضة جديدة عليكي

هلا روينة...الله يعطيكي العافية..:)

هو فعلا لاحظت اني كل ما أزيد في ممارستها كل ما خف الألم و الحين رااااح تماما..:)
و التغيير يبدأ بعد أسبوعين تحسين بأنه جسمك مشدود و وزنك بدا ينقص... و هو يركز أكثر شي على الذراعين و الفخوذ....و أنا صراحة بديت ب30 نطة آخذ استراحة بعد كل 10 نطات لشرب الماء و التنفس بعمق...(الرياضة شوي متعبة و لزومه تشربين ما) بس ما تشربين كثير عشان ما تثقلين و لا تطولين الراحة عشان العضلات ما تبرد و تتكاسلين..و الآن الحمدلله صارت 50 نطة استراحة بين كل 25 نطة..و هذفي باذن الله 150 نطة..:)

طبعا أنا أسويها بعد 45 دقيقة من الرياضات المختلفة(لأنها متعبة)فأخليها آخر شي...


و لا تنسين أنه أفضل لك عشان ما تحسين بألم شد العضلات أنك تحمي نفسك على الدراجة أو مشي سريع شوي 5-10 دقايق...ثم تعملي شد للعضلات عشان تليينها....هذي شوي صعبة أشرحها..!!!!!!!!!! ثم تنطين و ركبك شوووووي مثنية و بطنك جوة....و بعد ما تنتهي بعد شدي عضلاتك....انشاء الله أنزل موضوع عن شد العضلات قبل و بعد الرياضة لأهميتها الكبيرة....

شكرا عيوني على تواصلك معي..:):):)