انا جربت نفاس الغربه والحمدلله تسهلت الامور خصوصاً انه اول بيبي من تجربتي بقولك ايش كنت اسوي

اول شي تقدر تسوي شاي اعشاب زي ما تحبي وتحطيه بترمس حافظ للحراره وتشربي منه طول اليوم ممكن تسوي حلبه او حليب بالفلفل الاسود والزنجبيل اوقرفه وكله حليه بالعسل الاصلي .

سوي فطير الصاج بالدقيق الاسمر وطريقته سهله تخلطي الدقيق بالمويه والملح وتصبيه على الصاج مره ماياخذ وقت ومفيد طبعا تقدريه تاكليه بالعسل او مع مرق لحم او دجاج المرق مره مهم والافضل يكون عندك قدر ضغط لأختصار الوقت .
قبل الولاده سويلك كميه تمر بدخن او بدقيق وحطيه بعلب , وتقدري تاكلي توست بر او خبز بر .
هذا الي يخطر ببالي الحين اهم شي ربي يقومك يالسلامه وتتسهل ان شاء الله

اااااااااااااااااااااااااااااااااااااااااااااااااااااه

يالغاليه حطيتي ايدك على الجرح :icon33:

انا توني بالشهر السابع وعقلي راح ينفجر من التفكير :09:

لكن من هالحين حاطه ببالي شغلات يرسلونها لي اهلي ((( اغراض النفاس طبعا))


بالنسبه للاكل مثل ماقالت اختي ناويه افرزن عجينة للمطازيز

ومصابيب اجهزها

واجهز الكشنه

واجهز الحم بحيث اكون مقطعته قطع صغيره

بالنسبه لشرب الصراحه ماكنت اشرب شي ببنتي الاولى

اتذكر امي الله يحفظها تسويلي دارسين (( القرفه )) وعساي اشربه

عموما لاتذكرت شي راح ارجع لك ياقلبي

وادعي ربي يرزقني ويرزقك وجميع الاخوات جاره مثل اختي mam lam

الله يسعدها ويجزاها الف خير :)

.............................

تصدقين وحده من زميلاتي ولدة هنا ولا علمت اهلها الموضوع انها ماكانت مجهزه شي ابد ولا عندها اغراض النفاس نهائيا" ولا كانت على كلامها تاكل حلب ولا شي

بس كانت تهتم بشي وحيد انها ماتحس بالجوع

تأكل اي شي

وماشاء الله تبارك الله تقول ماجاني الا العافيه

ادري طلعت عن الموضوع

:):):):)

اهم شي صلحيلك حنيني وكيسيه اربعين كيس كل يوم الصبح مع قهوه اوحليب واذا قدرو اهلك يرسلولك حلبه ورشا وكمون ومحلب ولاشيا هذي
وصلحيلك مراصيع او مصابيب اشتري اله المراصبع فيه شي يشبها هنا علي ا لكهرب وانتي عند التلفزيون صلحيلك وكيسي وبالفريزر
احتياط عشان لو ماكان عندك وقت تاكلينها مع حليب وعسل او تاكلينها مع دجاج او لحم جاهز من اي مطعم

mam lam
ماشاء الله عليك مثلك اليوم نادر
تجهزين لها كأنك تجهزين لاختك
الله يكتب اجرك ويدفع بهذا العمل عنك السوء يارب
يابختك بالاجر ويابخت جارتك بك
اااااااااااااااااااه لوعندي جاره زيك يكفيني طيبتها من غير ما تسوي لي شي
الله يعطيك العافيه

والله اني استفدت منك ومن كل البنات
الله يعطي صاحبة الموضوع الاجروالعافيه ويقومها بالسلامه

الله يبارك فيك اختي mam iam
الله يكتبلك الاجر ويرفع قدرك يالطيبة
احتسبي تعبك وربي مايضيعلك تعب بحق لا اله الا الله