مثلك اموت بالتراث بس للاسف ماعندي جدود توفو من زمان وجدتي قبل من نسالها عن شيء تقرل لنا عيب الله يرحمها
انا من جيل الثمانينات حتى قبل حياتنا لها طعم غير
امي تقول قبل في بيوتهم لازم كل بيت في حوش للحيوانات عزش الله بقر وغنم وحماره هذي للمواصلات وحوش ثاني للطيور والحمام
واذكر بعد واحنا صغار لزان الجو مثل عالرقت نشيل فراشنا وننام بالسطح ذكريات جميله ننام تحت النجوم كنت صغيره بس اذكر هالايام الحلوه
وفعلا رمضان غير والاعياد
قبل العيد بيوم لازم تنظيف شامل للبيت كلنا نشتغل حتى الصغار نتساعد والعيد من الفجر نقوم ونلبس ونتجهز ونروح ندور على بيوت الاهل نعايد وكانت الشوارع مليانه بالبسطات وكل واحد يبيع شيء العاب ناريه بلالين لعبة الحظ وغيرها
وناس تبيع ماكولات يعني الشارع مليان من الناس والعيد له طعم ثاني
ودي باختراع يرجعني اشوف حياة البساطه صح تعب وفقر بس ودي احرب من غير كهرب ولا تكنلوجيا
اي صح والحمامات اكرمش الله تقول جدتي الله يرحمه ما مان عندهم مجاري وتصريف في سنداس يسمونه اللي اهو جذوع نخل يحطونهم وبينهم فتحه لتحت عشان الفضلات ويخطون عليه رماد وفحم عشان ماتطلع روايح لمتلى يشبلون الفضلات بنفسهم يودونهم مادري فين نسيت
والسباحه يروحون المزارع يسمونهم البرابر ويستحمون
والملابس يشترون قماش ويخيطون بنفسهم واللي ماعنده مهاره خياطه يوصي من اللي يعرفون يخيطون له وبعضهم يستخدمون ماكينات خيتطه بعضهم بايدهم
موضوعك روعه اعشق اعشق الماضي

اااااه بس
الحمدلله على كل حال
والله جدتي كانت راااااويه كبيره بس م أحد حفظ لها الا الشي القليل الله يرحمها ويسكنها فسيح جناته كان عندها قوه في الطرح وتصنع لك الخيال يوم تقول قصصهم كأنك تشوفينهم قدامك توصف كل شي بأسلوب مبهر رحمة الله عليها






من ماضيهم ..تدور على الحريم تدور رقعه لثوبها لين تلاقي واحده عندها قطعه مخبيتها لليوم اللي تحتاجها فيه الله يرحم حالهم
وكان كل الكرف على الحريم عندنا الرجال مالهم ولاشغله فتصحى على النجوم ولاتنام الا بالليل وماترجع للبيت الا تطبخ وتأكل بقرتها كل شغلها برا تجمع حطب وتسقي مويه وتزرع وتحصد ومايخلون جبل مايدورون فيه لعود الحشيش والله يابنات انها جباااال شاااااهقه ويطلعونها على رجولهم ومن قريه للثانيه يدورون حطب ومويه
وكان عندهم اذا بيروحون يزورون قريب ياخذون بن حق الدله اللي بيسوونها لهم علشان مايكلفون يسمونه حق الطبخه
هذا اللي تذكرته اذا تذكرت شي رجعت

الا ليت الزمن يرجع ورى
عشت بعض من ايام البساطه من مواليد ٩٠

فكرة رائعة جيدا
على ما أذكر من ما كانت تحكي لي جدتي الله يرحمها ويسكنها فسيح جناته
كان زمان يقمون بستقبال الضيف في أي وقت حتى بعد منتصف اليل ...
و تقوم جدتي بتجهيز طعام تقليدي أي تطحن القمح بستخدام طحانة يدوية و تحضر طعام فوق الحطب الذي هي من تقوم بجلبه من الغابة
أيضا كانت تعصر زيت الزيتون.....


كان جدي الله يرحمو فاتح بيته للمسافر من أجل المبيت كازاوية الله يرحمهم

شوفو هذي وحده من قصصههم




يوميات بنت الديره

• اول ايام العيد 1/10/1405هـ.؛؛؛بعد ماتغدوا المعايدين بعضهم راح والاغلب موجود .. ؛؛قيلنا في الخيمه سوالف وضحك ونشحن طاقه لليل😂 طبعاً ابوي جا للعيد بدون زوجته😒..في العصر جهزوا عماني القهاوي وعماتي بعد واستعدن الحريم يفرشون الزل خارج الخيمه بيصير رقص ونشيد وقصيمي💃😍.؛؛الريجيل عندهم رمي وشعار ولعب زين😍.؛؛العيد الليله عماني الكبار اللي بيعشونا عمي سالم وسعد وجاهم جارنا وقال بشاركم بعيدي لانه ماعنده اهل ومتعود يعيد معنا هو وعياله ،طبعا جدتي قبل المغرب تروح لغنمها مايشغلها شي عنها😂؛؛بس هالمره نادتني اساعدها في ترضيع الصخال 😢 واشوا ماغيرت لبسي 😅بعد ماخلصناا من العقوبه هذي رحت اغير لبسي والبس فستان الصدرفيه ترتر اصفر ويقلب اخضر كنه اشاره مرور😂 ومن تحت ساتان سكري مع شيفون منفوش امتحني كل شوي ناشب في شي😂،؛؛المهم اننا في الليل بعد صلاة المغرب جونا ناس ثانين يعايدون ومسكوهم للعشا وبعد صلاة العشا بدا اللعب والنشيد وصفن الحريم للقصيمي كلن تقول اللي عندها من ابيات بتلحين واغلبها لحنها مجرور وحنا نرقص شي بالطرحه وشي بدون واستانسنا .. نسمع صوت الرمي عند الرجال وقصيدهم ونروح حنا وبنات عمي نتفرج من بعيد نخاف عماني يشفونا ويهاوشونا ويطردونا🌚.؛؛استمر هذا الحال مره عند الحريم ناخذلنا شوط رقص 😂وبعدها شوط عند الرجال فرجه من بعيد😅 طبعا عماني بعضهم مقابل العشا يطبخونه ويجهزونه ومدو السفر وتعشينا والضيوف كلن شكر ومشى وبقي عندنا عماني وعيالهم وواحد من خوال ابوي هو وعياله متحاسبين معنا بالعيد وعيدهم بكره بيكون غدا وبيستمر عيدنا لمده سته ايام غدا وعشا ذبايح ونعايم وجمعات وناس تسر الخاطر😍

تجننن يابنات تعيشين معهم جوووو😍هي طويله وكل يوم تنزل شي جديد