االواحة :
كنا نفرح بالعيد. ..وكان اليوم طويل وكنا نسير مع امي عند الحريم وكنا نفرح بالعزايم. .ويزين الحنا في اليدين وكانت 10 ريال عندنا مثل 1000 ريال. .ويزين فطور رمضان اول له طعمكنا نفرح بالعيد. ..وكان اليوم طويل وكنا نسير مع امي عند الحريم وكنا نفرح بالعزايم. .ويزين الحنا...
اي والله لو ريال نفرح فيهاي والله لو ريال نفرح فيه
جوجاتي :
ايام ماتنسى ريحة الحليب والاجواءالحلوه وجدك وجدتك حولك وسوالفهم الحلوه وانتي تحت الكتبل وخواتك كل وحده تطالع في الثانيه وتضحك وامك في المطبخ وعماتك معاهاالكل يتساعدحتى الجيران معاكم على الحلوه والمره والحين الكل نفسي نفسي والله لويخيروني بين الماضي والحاضربااختارالماضي ببساطته وقلوب نظيفه خاليه من النفاق والحقدوجيران بناتهم خوات لك وجعتي قلبيايام ماتنسى ريحة الحليب والاجواءالحلوه وجدك وجدتك حولك وسوالفهم الحلوه وانتي تحت الكتبل وخواتك كل...
؛
؛
؛
صحينا قبل الفجر والحماس الف .. طبعاً بعض عماني بات عندنا وبعضهم سرى لاهله ،
اخذتنا جدتي تجهز لنا الماء عشان نتروش ونتنظف زين .. بعد ماخلصنا رحنا للخيمه وجبت بقشة ملابسي حقت العيد عندي 8فساتين وكلها من عماني وجدتي واحترت وش البس🌚اختي جميله تطالعني وتقول ياحظك فساتينك كثيره انا بس عندي ثلاثه ، اثنين من ابوي وواحد من جدتي ولاهو عاجبها بعد😒 المهم قلتلها البسي ازينها لانه اليوم بيجونا ناس كثير .. جهزناها وطبعاًمافي لامكوى ولاشي بعضها متعرفطه لكن نفردها ونفرد فوقها مراكي كود انها تمدد شوي وتعدل🌚.
؛
؛
جدتي راحت لغنمها تضرمها واشوى اعتقتني منها ف هاليوم 😂
وبعدها حلبت الغنم عشان الحليب نسخنه ونصبه على المرقوق:
:
راحوا عماني وجدي لصلاه العيد وجوا يعايدونا وبعضهم راح يجيب اهله ؛
؛
جابت جدتي اكبر القدور وحطت الماء فيه وشبوا عليه عماني عشان يفور وبعدها يبثون الدقيق بشوي ماء(يبلون اليد بالماء وياخذون الدقيق ويفركونه بين يدينهم وينزلونه ف القدر بعد مايغلي الماء) طبعا المرقوق لازم ثنين يسوونه واحد يبث والثاني يسوط(يحرك بالملعقه كبيييره) وبعد مايثقل شوي يضيفون له بهار والملح ويخلونه من نص ساعه الى ساعه على النار مع التحريك كل شوي..؛
؛
اول المعايدين عمي سالم بعياله متكشخين بالبشوت والبنات لابسات ازين الفساتين وبعدها بدا سيل من المعايدين ناس اعرفهم وناس انشد جدتي عنهم .. الرجال يروحون لصيوان والحريم يقلطون في الخيمه مع ان جدتي وسعت فيها بس الحريم كثار وتوزعن الحريم الكبار ف بيت الشعر والباقين ف الخيمه ..؛
حنا يالصغار داجين وبس نلعب شوي ف الخيمه ويطردونا وشوي في البطاحي ونتاسبق ونسيت لاقولكم بعد جابوا حلاوه مكنتوش ووحده ثانيه صفرا نسيت اسمها وحمبص ولوز ويوزعونه مع القهوه 😍.
؛
؛
جهز المرقوق وجابو الصحون وزعوا فيها المرقوق وصبوا عليه السمن والحليب والسكر وفرشوا السفر شي عند الرجال وشي عند الحريم وقلطوا المعايدين وافطروا وخلاص اللي يفطر مايروح الا بعد الغدا ..؛
؛
اول يوم عيد معروف جدي وجدتي هم اللي يعيدون يذبحون خروفين او ثلاث ..
بعد مافطروا راحوا عماني يذبحون الذبايح ويجهزون الغدا .. العرب واجد مابين عيال عم وخال واقارب والخامس كله تقريبا كان موجود (فرع من القبيله)
طبعاً حنا يالبنات كلن تقول الزين عندي ونسال عن فساتين بعض وهذي تقول فستانك زين وهذي تقول لا انا ازين وشوي الا مشكله بينهن😂؛
؛
؛
نصير عصابات كل حزب بما لديهم يفرحون😂:
؛
؛
ونتضارب شوي ونترضا بعدها وكنت انا طبعا اللي اهددهم اني اطردهم ويرضخون بسرعه>>>مجرمه🌚؛
؛