بدايه... انا سمعت يقولون لازم تخلي شوي شحم على اللحمه تطريها او بامكانك تضيفين مع التتبيله زيت زيتون ..

تتبيلة الدجاج المشوي وهي عندنا معتمدة بالعيلة اول شي نختار الدجاج وزنه 700 او600 لانه كل ماكان صغار كل مايستوي بسرعة اما الكبار حتفحم عالنار وهي من جواها خشنة وماستوت
التتبيلة : كتشب ومايونيز وسفن اب ( وهو الي يطري الدجاج ) ملح فلفل اسود وببريكا وخل نتفه اما بالنسبة للمقادير للأسف انا احط بالنظر يعني مالي مقادير معينة وفي كل الاحوال هي ظابطة
تمسكي الدجاج المقطع ارباع وتشخطي عليه بالسكين تشخيط بسيط وتخليه في التتبيلة اقل شي ساعتين او اكثر وبعدين اشويه ومن نفس التتبيلة ندهن العيش ونحمره في النار يطلع لذيذ وعليكم بالعافية

أن أذاشويت دجاج أشققه في السكين مو أقطعه وأكثر التشقيق عشان يدخله الطعم ويستوي بسرعه
أو أسلقه قبل أذا كنت مستعجله
وأكثر ثوم لأنه يزين الشوي وأحط زبادي ليمون والبهارات
ويطلع روعه
وأسوي سلطت الفته مهمه عندي مع الشوي

قبل فتره طلعنا للبر مع اقاربنا وكانت علي عدة الشوي بس يابنات ماتوقعت راي الرجال كذا انهبببببببببببلوا على التتبيله وكل واحد يسأل وش حاطين فيها طبعا باختصار حطي في الخلاط كلا من: علبة زبادي وجميع البهارات اللي عندك من فلفل - كمون -كاري -بهارات مشكله - خل -6فصوص ثوم -صلصة صويا -ملح -عصير ليمون -بصله متوسطه - فلفل حار حسب الرغبه -الحيييييييييييين نجي لاهم شي وهو ((الكزبره الخضرا)) اخلطي جميع المقدير بعدين صبيها على الدجاج < بس لازم تتبلين الدجاج قبل بيوم وتحطينه بالثلاجه > مع التحريك بين فتره والثانيه
عندي بعد طريقه تغميس لشوي جديده وغريبه اذا بغيتوها انا حاضره :cook:

يا حلو المشاوي و ياحلو طرياها أنا للأسف ما قد شويت إلا في البيت بالشواية الكهربا وأحس ماله طعم مو مثل اللي على الفحم
فيه طريقة يخليك تظبطينها ولا لا تكفون عطوني

حماتي بتحبني
ياليت تحطين طريقة التغميس