بالنسبه لي اشوف ان اهم عنصر في القهوه هو البن لازم يكون نظيف مغسول ومحمص زييييين يعني بصراحه ما احبه يكون اشقر لا اخليه اغمق درجه مع اشوي شيبه ومستكه ولا تخافين ما راح تكون القهوه غامقه بعد الطبخ لانك اول شي بتطبخينها على نار متوسطه لمده15 دقيقه (لا تكثرين من القهوه يعني ان كنتي تحطين من الشقراء 3 ملاعق حطي بس ملعقتين علشان ما تكون غامقه ولا مره ) وبتجهزين في الترمس الهيل والزعفران وشوي حليب والاضافات الي الي تبغي بس انا ما احب الاضافات علشان كذا اكتفي بالسابق وطبعا ان حطيتي القهوه بالدله بتعطيك طعم غييييييير ياسلام على الدله تكون القهوه كيييييييف صحيح جربي طريقتي وان شاء الله تعجبك وتبيض وجه زوجك عند الضيوف وادعيلي

اهم شي نوع القهوة واحمسيها انتي احسن من الي جاهزة
لاطعم ولاريحة ؟
ولاتكثرين الي يكفيك اسبوع واحرصي تكون بعيدة عن البهارات ومسكرتها زين
صبي الماء على قد ترمسك وحطي فنجان ونص اذا كبيرة
وخليها تطبخ واضيفي نص ملعقة عويدي 10 دقايق وبعدة طفي النار وخليها تركد
وبالترمس 2 ملعقة هيل وشوي زعفران وصبي القهوة ؟
لبغيتي تسوين قهوة لايكون تكشنين ولافيه ريحة بصل اوقلي
القهوة حساسة بسرعة تمسك الريحة ويتغير الطعم ؟ انتبهي

نصيحة اطحني القهوة مع الهيل وادعيلي بس مايكون كثير الهيل شوية اطبخيها واصفيها واستمتعي باحلا قهوة

رفع

شوفي ياقلبي أهم شي الرغوه اللي تتكون فوق لاتروح
يعني وطي النار عليها مره لو خرجت قهوتك مالها طعم
دائما غطيها لا تطبخ من دون ماتغطيها
دائما خلي البن ملعقتين ونصف حطي 6 حبات قرنفل وإذا كان مطحون شوي على رأس الملعقه وحطي زعفران أبو شيبه الخيوط حطي 4 خيوط وحطي النخوة (النانخة- النونخه) ملعقه صغيره
قبل ماتطفينها حطي ملعقه هيل مطحون وعلى طول طفيها
خليها خمس دقائق بعد ماطفيتيها
جهزي الترمس وحطي ملعقه صغيره هيل خذي مصفى صغير وصبي القهوة بالترمس
هذي نصايح أمي الله يحفظها الكل يمدح قهوتهاوترجع فاضيه وإذا تجمعوا الرجال طلبوا قهوتها
إستخدمي البكرج حق القهوه أفضل من البراد