حبيبتي القهوة مزااااج كل بيت له طبعه وطريقته

حنا بس هيل وزعفران من دون مبيض ولا اي بهارات ثانيه كذا نحبها شوفي انتي وش تفضلين

بنات الله يسعدكم وشي خلطة القصيم كيف اعرف الاصلية من التقليد ؟؟؟

انا احط الهيل معى القهوة اخليه يقلب قلبتين واطفي بعدين اصفيها بالصفايه عشان مايصير فيها قطه هيل

كيف تحطون الهيل بالترمس من دون مايطلع قطع معكم ؟؟؟

من وين تجيبون الزعفران الاصلي ؟؟

اعتذر من صاحبة الموضوع

شوفي عيني انا والحمد لله قهوتي الكل يمدح فيها

اول شي انا استخدم بن هرري وخلطة القصيم

وطريقتي : احط تقريبا لترين مويه واتركها تغلي على النار لمن اشوف المويه سخنت وغلت كويس اضيف عليها اربع ملاعق بن ( قهوه) فقط بدون اي اضافات ...

في الترمس احط ملعقة كبيره هيل + ملعقه صغيره خلطة القصيم - واحيان اضيف قطعة زنجبيل اخضر على سبيل التغيير وحسب مزاجي ... جربي وادعي لي

ملحوظه :

الهيل لمن تخليه يغلي مع القهوه يسير طعم القهوه مر بزياده

وبعدين اللي تسأل كيف نحط الهيل بالترمس ومايطلع قطع ( خصصي مطحنه خاصه للهيل بس انا مسويه كده ) واطحنيه ناعم وعلى فكره انا احب اطحن كل اسبوع تقريبا للاستخدام الاسبوعي ولو مو

الكسل كان خليته يومي عشان طعم الهيل لايطير

اشتري قهوه خولاني اليمنيه..
احمسيها بالفرن على نار هااااااااديه لمدة 5 ساعات....وبالخمس دقايق الاخيره حطي المستكه ولاتكثرين عشان ماتطلع فيها مراره ...
خلي الحمسه غامقه شوي مهب فاتحه. بعدين طلعيها وحطيها بتبسي عشان تبرد...لاتخلينها بنفس الصينيه .

واطحني منها كل اسبوعين ...والباقي سواء محموس والا لا حطيه بعلبه قزاز...
عشان مايطلع نكهه البلاستيك..لان القهوه حساسه.

واذا جيتي تسوينها اضبطي المقدار لاتكون خفيفه ولا ثقيله.
خليها على نار هاديه 40 دقيقه لانها يمنيه افضل تطول ...اما لو كانت هرري يكفي 20 دقيقه.
حطي بالترمس زعفران اصلي+هيل وصبي القهوه وبالعافيه.
الهيل اطحني قليل (كل 5 ايام) عشان النكهه..وبرضو احفظيه بقزاز.

ونصيحه ترى اي شي يأثر على طعمها ..عشان كذا اهتمي بنوعية القهوه والهيل والزعفران واشتري الغالي.
وخصصي للقهوه ترامس خاصه...وبرضو ابريق اللي تسوينه فيها يكون خاص..عشان ماتمسك نكة شي .

انا الاحظ الرجال ما يحبون كثرة البهارات فى القهوه

انتى جربى يوم سويها ببهارات ويوم بس قرنفل شوى لا تكثرين طبعا مع بن والهيل فى الثلاجه

دايما اسمى هذى القهوه قهوة الزواجات مررره روعه

اتوقع كاستين مويه مررره قليل صح
ما تعبى الثلاجه وغير كذا بتطبخ وتتبخر

ياقمر عليك بشراءالبن الخولاني مرة حلو والقهوة القصيمية والهيل الهندي وجربيها وشوفي النتيجة روووووعة