القهوه


أهم شي نوعيتها وتكون حمستها زينه

على العموم فيه شي لازم تعرفينه ..

الناس في القهوه أذواق ..

يعني ومن دون تقليل بالأخوات اللي ردوا قبلي ..

لكن أنا متأكده إن كل وحده فيهم قهوتها غير عن الثانيه ..

وياكثر اللي تجي تمدح لي قهوتها وآخر شي أشوفها ماهنا ذاك الزود ..

يعني أنتي شوفي زوجك وش القهوه اللي يحبها ..

لو يحب مثلا قهوة أمه أو وحده من خواته ..

شوفي وش نوعية قهوتهم وهل هي حمسة ثقيلة أو وسط ,,

مقدار القهوه ما أحد يقدر يقول حطي كذا مقدار لأنه يختلف على حسب الحمسه ..

بعد هذا كله لازم تنتبهين الاشياء تقلل من جودة القهوه وهي :

1. الإبريق اللي تصلحين فيه القهوه يكون قليل الإستخدام أو مثل مايسمونه الناس مهجور بالتالي طعم القهوه فيه ماراح يكون مره مضبوط لازم الإبريق يكون فيه ريحة قهوه ,,

2. القهوه ممكن تكون من نوعية ممتازه ولكن لها فتره طويله مطحونه ومو في الفيرز بالتالي تفقد نكهتها ..

3. الهيل ممكن له مدة طويله مطحون بالتالي ماراح يكون له طعم مع القهوه ..

4. القهوه لازم شوي تطبخ بس مو مدة طويله مره عشان ماتقلب سوداء ..

محسنات القهوه والخلطات أنا أحس وظيفتها تعطي للقهوه لون حلو مو نكهه حلوه .. لأن القهوه بصراحه عندي لون قبل تكون طعم لأن لونها هو اللي يفتح نفسك لها..


والناس أذواق

فيهم اللي يحب يحط مع القهوه شوي حليب وفيه اللي مستحيل يشرب قهوه محطوط معها شوي حليب (وحده من خالاتي كذا )

وفي ناس جودة القهوه إنك تحطين مسمار أو قرنفل وناس مايحبونه ابد مع القهوه ..

وناس يعشقون الحمسه الثقيله وناس لايمكن يشربونها لو حمستها ثقيله ..


أصلا القهوه وش هي

قهوه نوعيتها زينه بالنسبه لك + هيل + مسمار أو قرنفل (وكثير مايحبونه يفضلون بس الهيل بس تراه عند الرجاجيل مهم يعني شوفي زوجك يبيها بمسمار أو لا ) + زعفران ولو هو أصلي بيكون لقهوتك ريحة تجنن وكثير هالحين يستغنون عن الزعفران ويحطون محسنات القهوه ..


على فكره أنا المسمار أستخدمه مطحون ولا أحط منه إلا أقل من ملعقة شاهي بالأخير لأني ما أحبه يطبخ كثير أحسه يسوود القهوه ..

والهيل برضو أحطه بالاخير ولا أحب يطبخ كثير مع القهوه لأن أحيانا أخاف يعطي مراره لو طبخ مع القهوه كثير ..

أنا أقيس بالفنجال بصراحة
بس ماأقدرأقول للأخت فنجال ليش؟؟؟
لأنه الفناجين تختلف أحجامها موب مثل بعض يعني أنا عندي كذا حجم وحاطة حجم معين مخصوص للقهوة والسكر وضابطة القياس على أساس حجمهن
لكن الملاعق حقت الأكل تقريباً كلها نفس الحجم

صحيح عشان كذا الوحدة وهي تسوي قهوتها لازم تدقق في الأشياء اللي تستخدمها
وتنتبه لحمسة القهوة أنا أفضل الوسط أسهل في التعامل وخير الأمور أوسطها
برضه المسمار إذا مطحون يأثر على لون القهوة وطعمها يصير فيه حرارة
لكن لو مومطحون يعطي ريحة حلوة من غير مايخرب الطعم بس لاتحطين أكثر من 5حبات

القهوة باللذات تبي لها مخ مفتح وبال طويل
ماينفع معها شغل البربسة والعجلة

اهم شي نوعيه القهوه تكون حمستها زينه
طبعا تحطين مويه في اللقمه ع حسب ترمسك
اذا المويه نص او فوق النص شوي تحطين فنجال ونص قهوه او فنجالين طبعا ماتحطينها لين تبدا تغلي المويه بعدين اذا غلت وحطيتي القهوه قصري عليها وخليها تطبخ على راحتها تقريبا ربع ساعه وحطي واهي تطبخ ملعقه ونص هيل وشوي عويدي وخلطة القهوه خليهم يطبخون مع القهوه بعدين سكريها اذا طبخت ربع ساعه وزليها في الزمزميه
اذا ضبطتي طريقتي بتشوفيييين وشلون المدح من ابو الشباب>> واثقه خخخخ
دعواتك لي اهم شي الله يسهل لك

اختاري البن الممتاز وجربي لانه كل ناس تحب نوع معين من البن ومع تجربتك يمكن ترتاحي لنوع معين
اما بالنسبه لي انا احب الهرري