الي وزنهم ١٠٠ يدخلون .. ابنزل ٤٠ كيلو .. اللي تبي تجي تحمسني واحمسها !!

حابه اقولكم فكرة للرجيم بما اننا مانحب التقيد بالنظام ويجيبلنا كأأأأأآآآآآآآبه

فيه شخص معاي بالعمل كان وزنه ١٥٧ من يومه على قولته دب
المهم مالكم بالطويلة هالشخص والله على ما اقول شهيد خلال ١٨ شهر صار وزنه ٨٠
هالشخص كان زايد عني ٥٧ كيلو وصار اليوم انحف مني ب ٢٠ كيلو
والله حتى شكله صار شباب اكثر صرت احس اني انا اكبر منه مع اني اصغر منه بسنين

خلونا نحسبها نقص ٧٧ كيلو ما شاء الله الله لا يضره ادكروا الله ياجماعة الخير
خلال ١٨ شهر يعني ان قسمناها بيكون منقص بالشهر ٤.٢ كيلو ( ٤ كيلو و ٢ جرام )
يعني بمعدل كيلو واحد بالاسبوع
ترا والله حاجه سهله بس احنا نستكثر الموضوع ونستصغر العدد الي منقصينه بالاسبوع
انا كنت زيكم .. الين شفت هالادمي وقلت سبحان مغير الاحوال من حال الى حال
من وزن ١٥٧ الى ٨٠ كيلو

قالي بيوم .. نظامه ( قال انا اكره التقيد ولا شيء يقيدني باكلي نصحني واحد امريكي يقول كان قدي بالجسم ونحف وماصدقته .. قالي اتبع هالنظام ونتقابل وتشوف بنفسك كيف بتنحف .. قالي اكل كل شيء وحاول تقلل فيه
واتجنب نهائياً لا يدخل فمك اببببببداً

# اي شي يحتوي سكر
# اي شي يحتوي دهن
# اي نشويات رز..الخ

ان جعت اكل بروتين مشوي اول مسلوق بدون دهن .. طبق سلطه

قلتله اجل وش تاكل .. قال فواكه خضار لحم سمك دجاج بس نشويات وسكر ودهون ماكلها

ومشي مممممممشييييي لازم تمشين عالاقل ٦٠ دقيقه يعني ساعه باليوم

قال انا حسيت صحتي صارت احسن نومي صار افضل ثقتي بنفسي زادت صرت احس بسعادة

والله يابنات ان الناس الي زمان عنه يشوفونه مايصدقون انه هو هداك الادمي ينصدموووووووون

يابنات والله اني اقولكم هالسالفه صادقه فيها وانا يوم فكرت بنفسي واقول لا صعب لا ملل
اشوف كيف نزل هالادمي هالوزن الله لا يضره .. واقول بداخلي انا وش ناقصني عشان مانزل

الي ودها معي يد بيد نحمس بعض وكل ماقل عزمنا نذكر هالادمي ونقول الي نزله هالوزن يخلينا نقدر ننزل وزن





النظام سهل نوقف النشويات والدهون والسكريات من اكلنا نهاااائيا
ومشي كل يوم ٦٠ دقيقه .. يعني ساعه
جسمنا مليان دهون مخزنه من الزيوت الي ناكلها والنشويات الي تخزنت فيه على شكل دهون لازم يحرقها

الي بتبدا تسجل حضورها معنا ونكتب هنا يومياتنا و نحمس بعض ونكون لبعض عون
ولو سمحتوا نبي احد يحمس مو يحطم
نبي احد يكون لنا عون مو فرعون

ترا والله السمنه تجيب ضيقة الخلق والواحد تكفية ضيقته من هالوزن مو ناقص
نبي نفرح بنزولنا للاوزان

وبعون الله نبدا من هنا نشد عزمنا وقوتنا
ونقول لا لا لا للتهاون والكسل والخمول .. زي ماطلعنا هالوزن نقدر ننزله
صح ولا لا يابنات ..؟؟!!!

الحين كل هالمشاهدات ولا رد واحد

طييييييييييييب .. ماعندكم مشكلة

حتى لو ماحد رد قطعت وعد على نفسي ما اتحطم
اليوم قررت انه يكون اول يوم
بما اني صاحية من امس بفطر واجلس شوي ثم انام
بفطر علبه صغيره تونه بصفيها من الزيت واشرب كوب شاي اخضر خالي من السكر وكاسة موية
لانه لازم نشرب موية كثير عشان يصفى جسمنا وينظف

والغدا بسوي سلطة خضار وافك عليهم علبة تونه ويمكن مو اكيد حبه فاكهه
والعصر شاي اخضر

وبعد المغرب بروح الممشى امشي ساعه .. والعشى بتعشى علبه زبادي خالية الدسم مع ورق زعتر وبيضتين مسلوقه

هدا جدولي لليوم كل وحده تاكل الي خاطرها فيه لاكن من دون زيوت ولا سكر ولا نشويات

وان شاء الله ربي يحقق مرادي وانزل ال ٤٠ كيلو

كل يوم بدخل واكتب يومياتي ايش اكلت واكتب ايش حسيت من تغييرات
وان شاء الله اني هالمرة اكون صاحبة عزيمة واصرار واقهر سمنتي الي احبطتني كثير
وخلت كل الناس حولي ينحفون الا انا .. وجلست اردد داخلي كثير كلهم كان وزنهم اكبر مني وصاروا انحف مني
انا بعد لازم يكون عندي عزيمة زيهم واصرار واقدر انزل وزني
اليوم اكتب كلامي .. وان شاء الله يجي يوم وانا منزلة ٤٠ كيلو وارجع اقراة
واكون قدها وقدود

حبيبتي الحمد لله انا وزني ما كان ١٠٠ بس كان ٩٩,٩ هههه و الحمد لله الآن ٩٢ . و أتمنى أصير بالستينات . انا مع الأخت نونوا . اتبعت نفس. النظام من سنين ونقصت كثير و صار جسمي منكان بس جيت أمريكا و صرت مثل الطاحونة ما أعي شو اكل. و بس ان شاء الله خلاص راح اشد العزم إذا عندك واس اب دزي ليك رقمك عل الخاص

وأنا معكم بعد الولادة القيصرية زاد وزني وثبت للأسف كان ٩٠ الآن ١٠٠ولاهو راضي ينزل بالعكس يصير أحيان ١٠٢ويرجع ١٠٠ومحلك سر ماااااينزل أبد تعبت نفسيتي وأحس ماذا استمتعت بشبابي ومعي دوالي في الساق مؤلمة ومع زيادة الوزن تظهر لها عروق بنفسجية شكلها مزعج أنا مهملة لصفحتي ووزني حمسوني نبدأ صفحة جديدة مبهجة نكسر بها ثبات وزيادة الوزن لأبرز الجمال الموجود في داخلنااااااااا

احم احمممم ..
منورين حبيايبي الي ردوا .. والي بس يشاهدون ويمشون مايكلفون نفسهم يحمسونا عالاقل بكلمة

المهم نمت وصحيت حسيت نفسي جوعانه .. واكلت سلطة مكونه من ( حبه خيار حبة طماطم ورقتين او ثلاث خس وجزر مبشور .. حطيت عليها جبنه حلوم دايت مشوية ) وكوب صغير عصير خالي من السكر

بصراحة احس اني شبعت الحمدلله ..

شعوري اليوم .. الحمدلله احس ماحرمت نفسي ولا قيدت نفسي اكلت وشبعت بس ماحس بتخمه
وداك الشعور الي كنا نحس الاكل غام على قلبنا