انا متلكم بدي انحف بس رح افيدكم باللي استفدت منه

السلام عليكم يا بنات
انا وحدة متلكم بدي انحف و بحاول انحف دائما و بنحف و برجع بسمن.. طبعا الحمدلله مشكلتي مو صحية.. مشكلتي متل كتيييير منكم هي الشهية المفتوحة عالآخر 😃
طبعا باكل الوجبة و بعدها لازم التحلاية و بعد التحلاية بكتشف اني مليت و بدي اكل كمان.. و هيك اكل فوق بعضه و الوزن كيلو كيلو فوق بعضه..
طبعا بعمل ريجيم و بنحف و بقرر ابقى نحيفة على طووول و برجع باكل و بتسلى بالاكل كأنه هو صديقي الوحيد بالحياة.. عنجدددد كتييير بحبه و بتسللللى عنجد وقت باكل يعني هو قمة المتعة بالنسبة الي..
و من اسبوع وصلت لوزن من 3 خانات لأول مرة بحياتي.. و انصدمت و اندهشت و خفت و ارتعبت..
و قررت..
طبعا قراري غير كل مرة.. بالعادة بفتح النت بلاقي ريجيم اللي بتاكلي بيضة واحدة باليوم او زبادة او ما بعرف شو.. يعني عذااااب و بعدها يرجع الوزن و معاه هدية كم كيلو..
ف الخلاصة رحت الى مركز حمية و اخدت نظام ريجيم من عندهم.. ف بعد اسبوع حسيت انه معدتي صغرت و اختفى الجوع النفسي..
ف قررت ادخل افيد فيه اللي متلي بدهم ينحفوا و ما عم يعرفوا شو يعملوا..
المهم الدايت عبارة عن شيء اسمه حصص و في كمية تعادل حصة واحدة لكل صنف من الطعام يعني مثال:
1 توست بر = 1 حصة
نصف صمن برغر بر = 1 حصة
و هكذا.. و رح اكتب لكم كل القائمة اذا كنتم مهتمين بالموضوع

المهم البرنامج هو كالتالي:

الفطور:
2 حصة من النشويات
2 حصة من البروتينات
شرائح من الطماطم و الخيار

وجبة خفيفة (١)
حصة من الفاكهة
كوب من الحليب او اللبن او الزبادي قليل او منزوع الدسم

الغداء:
2 حصة من النشويات
2 حصة من البروتينات
ملعقة زيت نباتي للاستخدام في الطبخ (ملعقة واحدة مسموحة ف إما بالسلطة او بالطبخ)
نصف كوب من الخضار المطبوخة (ممكن تكون طبخة المنزل فاصولية او بامية او هيك شغلات)
كوب سلطة خضراء

وجبة خفيفة (٢)
حصة من الفاكهة
كوب من الحليب او اللبن او الزبادي قليل او منزوع الدسم

العشاء:
2 حصة من النشويات
2 حصة من البروتينات
شرائح من الطماطم و الخيار


و مسموح اكل الخس و الفجل بأي وقت
مسموح البهارات و الخردل و الخل و الليمون بأي كمية
وجبة واحدة مفتوحة في نهاية الاسبوع



ف بصراحة حبيت كتير الريجيم
لأنه ممكن تنوعي بالاكل كل يوم اكلة مختلفة
و لأنه ما فيه حلويات
ف بعد 3 او 4 ايام بتكتشفي انه الحلويات هي اللي كانت تعمل لنا الادمان على الاكل و تفتح لنا شهيتنا


الحمدلله و ما شاء الله و لا قوة الا بالله..

اسألوني شو ما بدكم و اعطوني رأيكم بالموضوع و بالاكل و اذا شي ما فهمتوه علي قولولي بترجملكم ههههههه

المهم اللي بدهم يدخلوا يسبوني ما بعرف شو السبب لا يدخلوا و اللي بدهم يقولولي تعملي دعاية و تكسبي فلوس لا يدخلوا.. لأنه عنجد صرت افكر 100 مرة قبل ما اكتب موضوع