حبيبتي .. ماني خبيرة حتى أقدر أحكم على كلامه لكن تعلمت من كثر ماأقرأو أطلع انه مو كل كلمة يقولها أي أحد حتى لو كان خبير تكون صحيحة مية في المية .. و المدربين اللي يقدموا للناس استشارات عالفيس و الانستغرام في الغالب خبراتهم و معلوماتهم متستفة نظريا .. يعني هو يقرأ معلومة من كتاب مثلا و يبني عليها و يرد على استفسارات الناس .. أنا قبل كذا كانت عندي مشكلة في ترهل الثدي و سألت دكتور يتكلم في هالموضوع و عنده تفاصيل يخليك تحسي انه من جد خبير .. لما سألته عن المساج و رأيه فيه نزل مقطع فيديو فيه ان أجهزة المساج و حتى المساج اليدوي ماله تأثير حقيقي على الثدي .. و هالكلام مو صحيح لأنني الحمد لله قبل ماأسأله بفترة كنت جربت المساج و شفت تأثيره .. يعني لو ماكنت جربت المساج و شفت نتيجته كنت تحطمت زي ماأنت تحطمت من كلام المدرب و ماكنت كملت و الحمد لله ان هالشي ماصار .
و بعدين أنت لو فكرت فيها بالعقل الدهون كيف يصرفها الجسم ؟
لما تستخدمي الدراجة مثلا .. كيف تحرق الدهون ؟ تحرق باستخدام العضلات لها .. ماتحترق لحالها .. تحرق بالعضلات اللي تستخدمها عشان تمد جسمك بالطاقة اللازمة لأداء الحركات اللي تلعبيها عالدراجة .. يعني الموضوع كله معتمد عالعضلات .. فكيف ماتنشد بالله .. إذا هي اللي تتحرك من بداية التمرين لأخره ؟!!
ثم لاحظي انه قال ان الاوربتراك يشد الجسم من 30 ل 40 بالمية .. طيب يمكن هذا اللي يحتاجه جسمك .. يمكن مو شرط حتى يكون جسمك جميل و مثل ماتحبي انه ينشد ميه بالمية ..
فكملي .. و لا تخلي شي يحطمك .. و اسألي أكثر من مدرب .. تعدد الاراء ممكن يساعدك تحكمي صح .

جزاك الله خير حبيبتي وباذن الله استمر

اختي رؤيه كلامك من جد يحمس واقنعني
جزاك الله خير حبيبتي ماقصرتي يالغلا