مرحباااااااااااااا بنات

dalida_palace

هل فادج اوربت تراك في التخلص من الزنود لاني افكر حاليا آخذه خاصه اذا له دور فعال في القضاء على الزنود

اتريا ردج حبوبه

مرحباااااااااااااااا

اختي ام زهور انا اسويت رجيم البروتينات وحاليا اعيده ثاني اسبوع .. بس وايد فرق في زنودي .. والتمارين بحاول اشرحلج وان شاء الله تفهمين عليه ..

التمرين الأول .. تمدين ايدينج على مستو الكتف مثل حرف T بعدين بنفس الوضع تحاولين ترجعينها على ورا 16 مره مع محاولة شد الظهر والصدر والمحافضة على الوضع T .. هذا الحركة بتشد عضلة الزند ..

التمرين الثاني .. نفس التمرين بس هالمره ايدينج على فوق وترجعينهم على ورا 16 مره ..

التمرين الثالث .. توقفين في وضعية T ثم اثني يدج اليمين باتجاه الكتف واليد اليسار ممدوده ثم ارجعي اليمين وضعها السابق وفي نفس اللحظة اثني اليسار يعني بتوالي ..

التمرين الرابع .. مدي ايدينج الثنتين امامج وارفع اليمين ونزلي اليسار وبالتوالي مره اليمين فوق ومره اليسار فوق ..

التمرين الخامس .. وقفي في وضعية T وبحركة مستدير باتجاه عقارب الساعه لفي يدج اليمين وفي نفس الوقت لفي اليسار بعكس عقارب الساعة وما تسوين دائرة كبيرة سوي دائرة صغيره .. وبادلي بعدين اليمين عكس عقارب الساعه واليسار باتجاه عقارب الساعه .. وبعدين الثنتين نفس الإتجاه .. كرري التمرين 16 مره ..

التمرين السادس .. وقفي في وضع T وحاولي تعملين بحركة مستديره دائرة كبيرة اليمين باتجاه عقارب الساعه واليسار العكس وبادلي بعدين بينهم وثم سويهم كلهم نفس الإنجاه كرري التمرين 16 مره ..

ملاحظة ..
* في البداية سوي التمارين بدون اثقال واذا حسيت نفسج صرتي تسوين التمارين بسهوله جربي تشيلين ثقل خفيف او غراش ماي صغيره ..
* اذا حسيتي بألم وقفي التمرين على طول وروحي للتمرين الثاني ..
* اثناء التمارين حاولي تشفطين بطنج على داخل .. وتشدين صدرج وتحافظين على ظهر مستقيم خصوصا الظهر المستقيم ضروري جداً ..

وبالتوفيج للجميع ولو في اي سؤال انا حاضرة حبوبة ..

اعاني نفس مشكلتكم

بس مع الرجيم خفت شوي
وحاليا امارس رياضة التصفيق لوراء لشد الصدر والزنود
وهذا الموقع فيه تمارين للزنود
وحده من الاخوات جزاها الله كل الخير
مسجله لبنات حواء فيه باسم عالم حواء
ورقم سري 12345
http://www.ayoubdiet.com/default.asp

نفس مشكلتكم
نزلت من 89 الى 67
وصار ترهل شدييييد بالزنود
وكل شي حاولت اسويه رفعا اثقال
تجديف القارب
مانفع
قبل امس وانا اتفرج على ذا سوان استغرب من سمنه الامريكيات
يعنى ماتلاحظون اذا سمنو مايترهل فيهم الا شي بسيط ؟؟
ويوم قال الدكتور انه فيه حالات ماينفع معها الا جراحه ايقنت ان زندي يبغالها استئصال
واجتثاث من الجذووووور عشان يتزبط شكله

انا طبقت التمارين الي ذكرتها اختي قمر وبصراحه زنودي انكمشت شووي وانشدت وبان عليها الحمد لله .. تقريبا صار لي شهر اسويها يوميا
طبعا مب كلها ...

هذا التمرين ومفيد جدا جدا
التمرين الأول .. تمدين ايدينج على مستو الكتف مثل حرف T بعدين بنفس الوضع تحاولين ترجعينها على ورا 16 مره مع محاولة شد الظهر والصدر والمحافضة على الوضع T .. هذا الحركة بتشد عضلة الزند ..