بتنقصين معاي 15 كيلو ... تعالي نشجع بعض .. (سيغلق الموضوع مع بداية المسابقة)

السلام عليكم والرحمة ..
شخباركن خواتي ... ؟

اتمنى الكل يكون بصحة وعافيه .. انا كنت اشارك فالمنتدى الصيف اللي طاف بس وقفت سنه كامله لظروف الدراسه والسكن ..

السنة اللي طافت .. فالصيف نقصت 15 كيلو .. بس عشان ضغوطات الدراسه والامتحانات متنت 3 او 4 من هالكيلوات اللي نقصتهم ..

المختصر ..

انا كان وزني 94 وصار 79 ..

خلصت الدراسه وصار 83 .. ماعليه .. كل شي لجل الدراسه يهون

المهم الحين عندي اجازه من 16 - 6 لين اخر شهر 8 .. تقريبن شهرين ونص

شهرين ونص .. ناوية نيه انقص من 15 - 20 كيلو

يعني اتمنى بس اوصل للستينات .. ان شاء الله ..

so .. انا ارادتي قويه والحمدلله لاني سويتها السنة اللي طافت وهالسنه راح اسويها انشالله .. لاني اليوم بعد اشتركت فنادي رياضي بروح العب 5 - 6 مرات فالاسبوع وفاليوم بلعب من 3 - 5 ساعات انشالله

لمدة شهرين ومع تخفيف الاكل واكل الفواكه والريجيم اكيد راح انقص الوزن اللي اباه ..

واللي تبا تتحداني او ع الاقل نشجع بعض حياها الله .. والله ما راح تخسرون شي .. بس احفظو عنوان هالموضوع وكل اسبوع ندش نقول كم نقصنا ... :)

وبالتالي ننقص كلنا انشالله ..

يالله خواتي شدو الحيل .. مافي احلى من الرشااقه ..

شهرين ونص اتعب وارتاح طول عمرري ..

نصيحة .. ابتعدو عن الريجيم الكيميائي والاعشاب وكل شي مب زين ..

اراده + رياضه + تخفيف اكل + فواكه + خضروات .. = رشاقه



اختكم .. مجهولة ..