مااااااااااااااا شاااااء الله ، وااااااااااااااااااايد حمستيني
وإن شاء الله ببدى فيهن ، ومشكوره فديتج ماتقصرين
وإنتي اكتبيلنا شو اليديد وياج ويوفقج إن شاء الله

عزيزتي شموخ هذا اقتباس من صاحبة الموضوع:



انا نسخت الجملة وبحثت عنها في قوقل وعلى طوووول طلع الجدول احفظيه ع جهازك
او اذا عندك طابعة اطبعيه واشطبي على كل يوم بتمارينه بالقلم
وإذا احتجتيه ثانية ارجعي اطبعيه ثانيه وهكذا.. بسوي كذا إن شاءالله متى ماربي كتب ابدا في التمارين.

موفقين

جزاك الله خير اختي زوجه ادم خلاص طلعلي

البرنامج اكثر من رائع
انا باديه فيه وصلت الاسبوع الثالث اليوم 19
وإن شاء الله مستمره لين اخلص ال60 يوم

وعليكم السلام اختي fwateen
ما قدرت ارد على الخاص لان مشاركاتي قليله
اول اسبوع كان اصعب اسبوع كل يوم العب اقول خلاص هذا اخر يوم
بس لم اخلص احس بانجاز وترتفع معنوياتي
اصعب شي هو الم العضلات كنت ماقدر اركع واسجد الم شديد حتي الدرج اصعده كاني سلحفاء من الالم بس الاسبوع الثاني خف وتحسنت لياقتي البرنامج مايفع تسوين اي رياضه ثانيه وياه لانه برنامج شديد
اكثر شي تغير في جسمي هو الساق انشدت والاكتاف انرسمت والكرشه خفت ونزلت تحت و شكل السلليوليت تحسن شويه وإن شاء الله مستمره لين اوصل لهدفي
نصيحتي لج اذا هذا اول برنامج رياضي لج العبي يوم وارتاحي يوم لين تخلصين الاسبوع الاول بعده العبي كل يوم والله يسهل عليج البرنامج إن شاء الله