قولوا ياارب كلنا نصير نحيفات

صباح الخير يا بنات .......كيف الدايت والنظام معاكم؟؟؟؟ وبشروا عسى الارادة حديد؟؟؟؟

شدوا حيلكم وتذكروا اذا في اراده في طريقة

وانا ولله الحمد حاسه اني مرتاحه وماشيه على النظام وراح اكمل على هالوضع

فطور الملوك.....غداء الامراء.....عشاء الفقراء

وبعدالساعه 6 مايدخل فمي الا المويه

والميزان رميته بالزباله

وراح اعتمد على الملابس

والوزن كل شهر

وانا صار لي الحين 6 ايام بس حاسه بفرق بجسمي وخفه في النوم بشششششششكل مو طبيعي

وان شاء الله ربي يمدنا بالعزيمه والاراده وينولنا اللي ببالنا

قولوا ياررررررررررررررررررررررررررررررررررررررررررررررررررررب

من جد حمستووووني على الرجيم

اجبني هذا الكلام ونقلتها لكم

احب اشاركم بهذي النصيحه لي ولكم,,,,,,,,, تعرفون ايش مشكلتنا يالحريم ؟
ننسا انفسنا وقت الاكل ننسا انو نحن اناث لازم نكون رشيقين واجسامنا حلوه,, اذا شفنا الاكل وخصوصا اذا جوعانين تلاقينا هم هم هم بدون حساب هذي كبسه وهذا حلا وووووووووو وهلم جره.. المفروض يكون في عنيايه في اكلنا وجلستنا واهم شئ التسميه وقت الاكل والجلسه الصحيحه للطعام.يعني بيني وبينكم اهم شئ المحافظه من البدايه والعنايه مو اذا طاح الفاس بالراس قمنا نولول ونطلب النجده
لذالك انصح اخواتي الرشيقات الي مابعد تخنوا وطلعت لهم كروش انتبهوا لانفسكم.
والله ينحف الي تبي النحف .وسلامتكم

هذي اضافه للفايدة

ادعـــــــــــــــــــــــــــــــــــــولي

و الله أنا من رايي نتبع رياضة البطن
بطريقة البدوية
قولو كيف ؟؟؟؟
أنا أقولكم
عقب كل صلاه مفروضة
كل وحدة تسوي رياضة البطن 10 ضغطات
وطبعاً تظربينها في خمسة (( الخمس صلوات المفروضة ))
تستوي 50 ضغطة في اليوم
وشوفو النتيجة
وخبروني
:24:
العضوة ((albedweia)))
--------------------------------
تقليل الوزن (التخسيس) :
إن تناول العسل مع مسحوق القرفة مغلية في كأس من الماء كل صباح يومياً بنصف ساعة قبل الإفطار والمعدة فارغة وفي الليل قبل النوم بانتظام يقلل الوزن على نحو كبير حتى هؤلأ الأشخاص ذو الجسم البدين . وأيضاً بتناول هذا الخليط بانتظام فإنه يمنع الدهون من التركم في الجسم حتى ولو كان الشخص يأكل وجبه بها سعرات حرارية عالية ...


منقول من (( عضوة دنيا تامر))
---------------------------------
حبيبتي انا اعرف وحده عندها ست عيال ماشاءالله وبطنها لااااازق بظهرها والله

مع العلم ان ثلاثة من عيالها جايبتهم بعملية ... وانتوا تعرفون اضرار العمليات ووشلون تسوي بالبطن ...

المهم كان ودي اعرف هي شمسوية بعمرها وبطنها صايرة كذا ماكأنها متزوجة وجايبة عيال بعد ..!!!

وعرفت طريقتها ...

تقول اخلط ميرمية وزعتر وقرفة مطحونه وزنجبيل مطحون واكليل الجبل مطحون وقشر رمان مطحون

وتخلطها مع بعض وتاخذ منها ملعقة وتحطها في كوب ماء مغلي وتتركها عشر دقايق وبعدين تشربه

ومستمرة على هالطريقة

وصديقتي كان بطنها وش كبرة لان كل عيالها جايبتهم بعملية الله يكفينا ويكفيكم الشر .. واذا شفتيها تقولين حامل

واستخدمت هالطريقة مالها الا اسبوع وماشاءالله والله احس ان فيه فرق واااضح

وبعد فيه دكتورة تقول سوي تمرين الشفط باستمرار وانتي جالسة على التليفزيون او تكلمين بالتليفون او تسوين شغلك عادي

وبعد شهر من الاستمرار راح تلاحظين الفرق ان شاءالله

شوفي حبيبتي

تاخذين من كل نوع نسبة متساوية مع الباقين .. يعني مثلاً كاس من القرفة وكاس من الزنجبيل وكاس من الزعتر ..... وهكذااا .. الى اخره

وتحطينهم في برطمان وتخلطينهم زين زين

وبعدين تاخذين ملعقة وحدة بس وتحطينها في كوب ماء مغلي وتغطينه لمدة عشر دقايق وبعدين اشربيه

على فكرة هالطريقة تنظف يعني تطلع منك افرازات اول يوم تستخدمينها فيه



وسلااامتكم

(( عضوة بنت الجبيل))

-----------------------------------------
حبيت اضيف لكن معلومه من الحريم الكبار وهي ربط بطن عند وقت الدوره الشهريه
وان تبعدن عن ماء البارد واي شيء بارد
وخاصه اذا انت في الاربعين (بعد الولاده )

((عضوة خمـــ2008ــــائل ))
---------------------
مرحبا الحمد الله انا عندي 3 الولاد وعمري 26 سنة ومالي كرش واللي يشوفني يقول هذي ماعنده اولاد
لان اذا جتني الدوره ماشرب المشروبات الغازيه والماء البارد واللبن واي شئ حامض واشر الادويه
الشعبيه والحمدالله .

(( عضوة الحلوة مرة))
---------------------------
يابنات انا شوفت وحده عنده 8 ماشاء الله واكبر عيالها با الجامعه وامي
تقول ان ها الحرمه هذي هذاء شكله من تزوجت ولا تغير فيها شي
كانه لسى عروس
سالتها خالتي لانها تصير حمات خالتي
قالت
ادهني بطنك با الفكس وحطي عليه الكيس البلاستك حق التغليف
وامشي لمده نصف ساعه يومياً وراح تشوفين النتيجه في اسبوع

بس والله ما استخدمته لاني من النوع الكسلان
بس انشا الله راح اشري سير واسوي طريقتها

وفيه عشبه عند العطار انا من زمان جربتها تنزل الوزن والكرش رهيبه اسمها رجل الاسد
اذكرتها لي وحده سوريه صرحه نتائجه ملحوظه ولا تظر لان اتوقع بنت النيل اتكلمت عنها

شوفي حبيبتي
الفكس حطيه واني تبين تمشينوحطي عليه كيس اوتقليف بلاستك
وانتي تمشين اشفطي بطنك راح تحسين شحم البطن يتاكل
رجل الاسد ومرميه وزعتر بري اخلطيهم واطبخيهم مثل الشاي
واشربي كوب كل يوم على الريق



يا بنات انا مره متفاجئه
اول مره يصير معي كذاء والله والله والله والله
يابنات بس من الثلاثا الي فات نقصت اربع كيلو
وكل الي نقص من بطني بس يعني الخلفيه والصدر ما تقيرو
لاني ركزت على بطني بس

تدرون وش سويت
سويت رجيم فلسطينيه
واحط فكس واربط بطني ببلاستك وامشي لمدة نصف ساعه با الحوش
واشرب عسل وقرفه

والله يا بنات عندي قميص ساتان حلو مره ومن زمان نفسي البسه بس كنت يوم البسه
اتحطم وامس صارت المفاجئه يوم لبسته مرهههههههههههههههههه
وسيع من جهت البطن وزوجي لما دخل البيت قاعد يعرك عيونه يقول لا يكون غلطان
هذاء بيتنى انتي مين والله يا بنات كسر خاطري وتراه كل ها السنين صابر وساكت
وكنت لما اساله تبيني انحف يقول كيفك


والله يابنات من فرحتي ما اقدر اعبر عن شعوري بس يا بنات خلونا نتكاتف ونسوي حزب العمال
قصدي حزب الثخان السمينات
وكل وحده شافت نتيجه لا تتاخر علينى خلوها تكتب النتائج علشان نتحمس
وجزاء الله كاتبت الموضوع كللللللللللللللللللللل الخير والله ينولها الي بي با لها انشا الله ولا يحرمها ويعطيها من خيره يارب


عضوة ((am melaf))
-------------------------------------------
الســـــــــــــــــــــــــــ ـــــــــــــلام

بنات مالكم الا الربط انتو ما تشوفون الاجنبيات بطنهم لاصق فى ظهرهم من الجنز شوفو الوحده بعد الولاده كل يلبسون بناطيل جينز وحنا طبعاً مانقدر نلبس الا بالبيت لذلك المشد بذاتبعد اللاده وايد مهم

نحن بذات الخليجيات بعد الولاده الوحده تاخذ راحتها فى الجلابيات الواسعه بدون مشدات
انا اختى مشاء الله عليها ربطت بطنها من ثانى اسبوع من الولاده والحين ماشاء الله عليها بطنها لاصق بظهرها
حاولو تلبسون مشدات عشان ما تعطين البطن راحته يكبر ، ورياضه البطن حاولو دائماً اتسونها وايد تنفع
وسلامتكم

يا بنات انا صار لى اسبوعين امخففه من اكلى + انى اشرب ميرميه 3 او 4 مرات فى اليوم ما تصدقون كيف ان بطنى اتغير لا ونزلت 4 كيلو

الميرميه وايد زينه للكرش ما تتخيلون اشربوها يوميا بس بدون ما تفورونها عشان الزيزت اللى فيها ما تتبخر وشوفو الفرق بس حطوها فى كوب ماء ساخن لمده ربع ساعه بعدين اشربوها بعد الوجبات والله ما بتصدقون النتيجه انا كنت البس .... مقاس 14 الحين البس 12
وجزاها الله خير اللى كتبت فائده الميرميه فى المنتدي صدق انا نحن كنا غافلين عنها
عاد انا قلت لازم اخبر صديقات المنتدي عنها
واى سؤال انا حاضره

عضوة بنت ابوها))
---------------------
ابقولكم عن تجربه استعملت خلطة ام سلطان شاهي اخضر مرمريه واكليل الجيل وبابونج مثل الشاهي الطريقه وقبل لا تستعملي الخلطه قيسي بطنك قبل وبعد وتعرفين الفرق
وايضا شرب ماء دافئ على الريق ويفضل زمزم مع النيه انه تروح الكرشه
وايضا دهن السر بالفكس وقت الدوره وربط البطن

وحذاري من المشدات لا نه بتشد البطن موقت ولما تتركينه بينزل البطن وكانه مكبوت وترى هالكلام عن تجربه
لكن المشكله عندنا عدم المداومه والاستمرار..........بصراحه ودنا نمشي بس مافيه اماكن مخصصه للنساء وتكون آمنه
سلامي!!!!!!!!!!!@@@@
(( عضوة وردة ولا كل الورود))

-----------------------------
حبيباتي من تجربه بسيطه خفت كرشي اللى صارلي سنين وانا اعاني منها وهذا بفضل الله ثم بفضل مجهوداتكم بعد ماقريت نصايحكم اتبعت بعضها وصدقوووووووووووني صدقووووووووووني خفت الكرش بشكل كبير على الرغم اني سمينه وام لطفلين ماعليكم غير تسمعون وش راح انصحكم به من تجربه لى سويتها وانفعت خلو عنكم الريجيمات اللى اهلكتكم ورهلت اجسامكم متحمسين هههههههه خلاص بقولكم بس لا تزعلون 1\كلي كل مالذ وطاب بس انتبهي لا تحسين بالشبع وخففي الاكل على قد ماتقدرين حتى حاولى تشغلين نفسك بشي وقت الاكل يعني اذاكنتي بعزيمه وفالتها روحي لدوره المياه وانتي بكرامه وطالعي شكلك بالمرايه وشوفي الكرش اللى ناط مترين علشان تتجدد العزيمه والاراد عندك وكلمي نفسك واجبريها قولى يكفي سمنه يكفي اكل 2\ امشي ياحبيبتي كل يوم وحاولي كل يوم حتى لو ماكنتي سمينه المشي صحه ولا تتهاونين ابد مهما كانت الظروف 3\ اشربي وش وراك اشربي ماء بكميات كثيره يقضي الماء على الدهون بالبطن 4\اشربي على الريق ماء وعليه نصف ليمونه وملعقه عسل ويكون ماء دافي حبيبتي 5\ عودي نفسك في البيت اوفي غرفتك طالعي نفسك بالمرايه وشوفي التضاريس اللى طالعه فيك واهم شي الكرشه هذا يخليك تحاربين الاكل 6\ حاولي ماتلبسين في البيت ملابس فضفاضه مرررررررررررره ماتحسسك بالسمنه والكرش على العكس حاولي تكون مقاسك بالضبط على جسمك حتى تتعقدين شوي وتنحفين بنات صدقوني انا من اربع ايام بس مشيت على هذي النقاط والله خفت كرشي بصوره كبيره وزني نزل اللى عجزت انزله بالريجيمات الكثيره وسلامتكم واسفه على الاطاله بس والله ابي لكم الزين والنحف والبطون اللى لاصقه بالظهر هههههههههههههههههههههههههههه ودمتم

(( عضوة باغية خير)))
------------------------

الله يعينا على هالكرشه..

أنا جالسه اجرب الان البقدونس أشربه على الرق مع مسح بطني بالخل...

شوفو بنات في اشياء كثير نسويها وماندري انها ضاره........مثل..

1- أذا بغيتي تشربين مويا اغلبنا يشربها واهو واقف وهذا خطأ يجب اتباع الرسول وشربها وانتي جالسه لان أذا كنت واقفه هذا سبب لبروز الكرش..

2- تنامين على الجهه اليمين ولاتنامين على بطنك لان النوم على البطن من مسببات الكرش..
أذا نمت على اليمين يتهضم الأكل في ساعتين واذا نمت على اليسار بخمس ساعات..
ناموا مثل ماأمر الرسول..
3- أذا بغيت تأكلين وجبك صح في اللي يجلس على الطاوله واللي يجلس على الارض..اللي يجلس على الأرض اغلبهم يتربعون وهذا خطأ ..أجلسوا مثل جلسه الرسول اللي يثني رجل ويصفط رجل تكون تحت الرجل الاولى على العموم جلسه الرسول معروفه..والجلسه هاذي تمنعك من انك تملين بطنك وتخليك تحسين بالشبع لان المعدوه ماتكون متمدده..
واذا جلست متربعه تكون المعده اخذه راحتها..وتاكلين اليما تقولين بسسس..

وشكرا هذي نصائح بسيطه عسى الله ينفع بها..وكلها أشياء سهله ومقدور عليها..

((( عضوة جناااااااااااان))
----------------------------
انا برضه بشرب مرمرية وبابونج واكليل الجبل وساعات احط قرفة وأصب ماء مغلى وانقع واغطيه ربع ساعة مرة على الريق والعصر وقبل النوم وكان مقاس بطنى 88 سم من اسبوع دلوقتى 83 سم وان شاء الله بكمل وبفكر اضيف زنجبيل

لكن مشكلتى ان الجلد نفسه مكرمش عامل زى الهدوم وهى طالعة من الغسالة هههههه حد جرب حزام البطن اللى يعمل ذبذبات ونبضات لصقل العضلات هل ينفع؟؟؟
(( عضوة حنونه 1996))
------------------------
مرحبا بنات ماشاءالله عليكم الردود كثيره وماني عارفه الاعشاب للي بكتبها موجوده في الموضوع ويلا لا على العموم ان شاءالله ماهي موجوده مع ان المنتديات مايتكلمون يلا فيه يعني تعرفونها بس ابكتبها وهي

اكيل الجبل

مراميه

بابونج

هذي اعشاب عند اللعطارين
تطحنين كل نوع الوحده وبعدين تاخذين ملعقه صغيره من كل نوع وتضعين على كاس ماء وتغلينه وبعدين تصفينها وتشربين منها على الريق وبعد الغداء وبعد العشاء
وصدقوني مجربه تشيل الكرشه وتشدها وتنحف الجسم كمان ...........على فكره ماهو المقادير اللي كتبتها بس يعني تقسمين الكاس على اليوم لا حبيبتي في اليوم 3كاسات الله يعينكم

(( عضوة سمر2005))
----------------------------------
اخيراً وصلت صفحه 23 والله موضوع فخم بالمره ومفيد
المهم انا كان مقاسي 36وصار26 يعني 10سم من وسطي شي رهيب الحمدلله رب العالمين
وايش القصه؟
انا اقول لكم طلع سر الكرشه بروزها وانعدامها في ايام الدوره
يعني انت في ايام الدوره سوي لك نظام للكرشه وانت تشوفين كيف تختفي
بالنسبه لي انا اشرب ايام الدوره مويه حاره وسبحان الله كيف التاثير
يعني اي واحده تشرب اي شي حار ايام الدوره راح تستفيد
واليك اهم هذه الاعشاب
مره كنت اشرب حب الكمون
ومره كنت اشرب المويه الحاره
ومره اعشاب مخلطه
وانتيجه فوريه يعني انت في الدوره يجيك انتفاخ وتحسين انك متضايقه بس مع هذي الوصفه تحسين براحه وعدم انتفاخ جربوها وقولوا لي
واي سؤال انا حاضره والله يتمم تعاونا على مانحب ونرضى
(( سراب الليل )))
---------------------------

من موضوع جمال البطن البطن