حبيبتي يمديك في 3 شهور تنحفي 30 كيلو ممكن اكثر يعني كأنك ناقصه بني ادم نحيف!!!
ولو كملتي 6 شهور ممكن توصلي للستينات ولو كملتي سنه ممكن تصيري مضرب مثل !!!
اهم شي تبدأي رجيم صحي وما تحرمي نفسك وتجوعي انتي في مراهقه
اقولك افطري قبل ما تروحي المدرسه تفاحه او اي فاكهه خفيفه برتقال كيوي ومعاها حليب قليل الدسم
وفي الفسحه كلي سندويش خبز بر او توست اسمر مع جبن خفيف يعني جبن قليل الدسم او قريش او اي شي خفيف خلي داخل السندويش وتفنني قطعي فيها خيار وطماطم او خس وابعدي عن الببسي والشوكلاته
وعلى الغدا اخذي من الطبخه بروتين يعني صدر دجاج بس شيلي لجلد قطعة لحم من الطبيخ بدون دهن او سمك يعني اكبر من كف يدك بشوي واكلي معاها سلطه او خضار مطبوخه من غير زيت او ماجي او خس او خيار ولو حبيتي اكلي ملعقتين او ثلاث رز واهم شي تاكلي شوي شوي مو بلع شوي شوي على اقل من مهلك
العصر لين جعتي اكلي فواكهه بسكوت مملح ساده من غير زبده واشربي شاي لو تحبي بدون سكر او سكر دايت
العشا خففي قدر ما تقدري كلي لبن خيار وابعدي عن النشويات بالليل لانها تتخزن يعني فواكهه سلطه حتى لو طلعتو مطعم اطلبي سيزر سلط هذي دجاج مشوي مع خس حتى في الماكدونالدز موجوده وحاولي تتعشي بدري يعني على 7 او 8
وجيبي عصير اناناس غير محلى يعني ندى او كي دي دي وحطي معاه حبه او حبتين كيوي في الخلاط واشربيه انا اشربو وما اتعشى احسو يشبعني مره اشربي قبل ما تنامي بساعه او ساعتين تراه ينحف مره
وصدقيني اقل شي بتنحفي في الشهر من 5 الى 10 كيلو اقل شي حاولي تمشي وتساعدي امك في البيت ولو قدرتي تشتركي في نادي خير وبركه لو مو كل يوم خلي 3 ايام في الاسبوع لو ما قدرتي مو مهم المهم تعملي رجيم وتبدأي وصدقيني لما تغيري مقاسك راح تفرحي مره انا في اسبوعين غيرت مقاسي من 20 الى 18 تخيلي بس اسبوعين انتي شدي الهمه وما تقولي بكرا لا اليوم يلا ابدأي ومتابعينك حبيبتي واي شي تحتاجيلو انا حاظره بس ما تعقدي نفسك لسا الحياة قدامك
صدقيني بيجي يوم يخطبك فيه واحد علشان حلاوة روحك مو علشان جسمك وجسمك بينحف علشانك انتي علشان لما تتطلعي في المرايه تقولي انا حلوه مره
ياقلبي كنت زيك ولان اسوي رجيم مع اخصائي قاسي علي لما اجيه وما انزل كبلوللللللجزار بجده مستوصف اسلام
صدقيني باالاراده والعزيمه والتفاؤل كل شي يصير لاتتحطمي ولاتسمحي لااحد يحطمك انتي شدي حيلك واصبري وحتشوفي النيجه بعينك:icon28:
الصفحة الأخيرة
كلنا نعاني والله .. بس اهم شي لا توقفين لاي سبب كان .. تخيلي خمس شهور من التخفيف نقصت كيلوين وشويه يالله لك الحمد وباقي كثثثثثثثثثثثير و اوصل للي ابيه لاكن ما اقول الا الحمد لله ع كل حال عندي ثقه ان ربي ماراح يخيب املي فيه وانحف ..