بنااات تكفون كل وحده تسوي شوربه شوفان ويمدحونها بشوربتها تكتبها لي/ قديم

السلام عليكم وكل عام وانتي بخير والكل بخير

عندي طريقه سهله جدا تعلمتها من امي الله يحفظها ويطمن قلبها

هي تحطين شوربة الشوفان في الماء يعني على حسب الكميه الي بتسوينها وتخلينها منقوعه عشان ما تتكتل وقت الطبخ


وتقطعين بصل وطماطم وثوم وتقلينه وتحطين عليه صلصة الطماطم يعني نعجون و فوقه لحم مقطع مكعبات يعني مسلوق مع وضع البهارات الي تحبينها من قبل وبعدها تضيفين الشوفان بالماء الي فيه


وتضيفين عليه ملح حسب الرغبه وتخلينها مع التقليب حتى يفور



وبعدين


بالهنا والشفا واااااااااااايد احب شوربة الوالده الله يحفظها من كل سؤ ويطمن قلبها

تقومين يالغاليه وتطحنين بصل وطماطم وثوم بخلاط الطماط وحاولي تكثرين الطماط علشان تصير الذ وتحطينه بالقدر مع قطع اللحم أو الدجاج مع ماء مغليوتضيفين شويه فلفل وكركم وبهارات مشكله وليمون أسود صحيح وأعواد قرفه وشوربه كويكر وتحركين وتخلينه مع الدجاج تقريبا ساعه إلا ربع وبالنسبه للكميات على حسب الكميه الي تبغين وعلى حسب رغبتك تحبينها ثقيله أو خفيفه ,على العموم لو لقيتيها خفيفه زيديها شوي شوفان وإنشاء الله تضبط معاك.

الطريقة لشخصين:
ثوم
1-بصل
1-طماط او 2 ملعقة صلصة
3 ملاعق شوفان
ماء
ماجي
احمسي شوي ثوم بعدين اضيفي شوي بصل مفروم او مقطع ناعم وبعده ملعقتين صلصة او طماطة مفرومة وحبة ماجي.. احمسيهم زين وممكن بهالمرحله تضيفين دجاج مقطع صغير او بدون.. واضيفي كاسين مويه وخليها تطبخ.. جيبي كاس وحطي نصه مويه وحطي 3 ملاعق شوفان وافضل نوع هو كويكر او الهناء واخلطيهم بعدين حطيهم على الشوربة وغطي القدر وخليه على نار هادية.
اذا تحبين العدس.. اسلقي ملعقتين عدس مع كاس ماء ثم اضيفيه للشوربة في المرحلة الاخيرة او اخلطيه بالخلاط الكاس ثم اضيفية للشوربة.

اقتراح للتقديم: اذا غرفتي الشوربة بالحافظة اضيفي فوقها 3 عروق شبت وسكري غطاء الحافظة.. تعطي نكهة رووووعة
اذا تبين الكمية لأكثر من شخصين.. ضاعفي الكمية

طريقتي انا اموووووووووت عليها

طبعا اخذتها من امي الله يجزاها الجنه
ويحفظها ويخليها لنا ويثبتها على دينه ويتقبل منها صالح الاعمال

اول شيء حطي في القدر ماء
وحطي لحم مقطع مكعبات صغيره

وخليه يغلي
وبعدها طبعا تكونين حاطه الشوفان في ماء
نفس كمية الشوفان او اكثر شوي
اذا ماتبينها تكون ثخينه

وبعدها حطي الملح والكمون والفلفل الاسود وصلصة الطماطم

ووجيبي قدر حطي فيه ماء وبصل مقطع مكعبات

وخليه يغلي الين يتغير لون الماء للأصفر الفاتح

بعدها جيبي المنخل وكبي موية البصل على الشوربه

وخليها لمدة ساعتين

وبالعاااااااافيه على قلوبكم
وصحتين وهنا

طريقتي سهلة وسريعة
اهرسي خمس فصوص ثوم واكشنيها في شوي زيت واضيفي لها علبة معجون طماطم
وقلبيها واضيفي لها موية مغلية وحركي بعدين حطي عليها غلاف شوربة ماجي بالشعيرية
وشوي ملح وبهار وكمون وفلفل اسود وحركي وفي الأخير اضيفي شوفان كويكر على حسب الكثافة اللي تحبيها ..وبعد ما تفور خليها تطبخ على نار هادية
على فكره لما اعمل الشوربة البسيطه هاذي في اجتماع عائلي يكون الاقبال الأكبر عليها اكثر من غيرها...