بنات .. أظن عرفت سبب ثبات الوزن عندنا!!!

هلا وغلا بكل الحلواات الي دخلو موضوعي المتواضع :27:

من فتره وانا اسمع شكاوي البنات من انه وزنهم ثابت _ وانا معاكم والله_ فقعدت افكر ليش يا ترى الوزن ثابت وما يتحرك مع اننا نمشي على ريجيم ناكل فيه اقل من نصف الاكل الي كنا ناكله قبل؟؟؟

و اظن عرفت سبب ثبات الوزن عندنا.. وهذا طبعا استنتاج شخصي.. ويحتمل الصح والخطا..

انا لاحظت انه معظمنا _ اذا مب كلنا_ مصرين انه وزنا ينزل.. يعني مركزين على فكره انه لااااازم نضعف.. وحاطين هذي الفكره في بالنا و عايشين في قلق انه الوزن ما ينزل..

من تجربتي المتواضعه مع الريجيم.. اكتشفت انه اول ريجيم سويته ما كنت مركزه على فكره انه وزني ينزل.. بس كنت ابي اغير من طريقه اكلي والحمد الله نزلت عشره كيلو في شهر.. وحتى الريجيمات الي بعده كنت اسويهم وانا ريلاكس .. بس من وصل وزني 84 وانا حس انه لااااازم لااازم ينزل وزني.. وحاطه هذه الفكره في بالي ليل نهاار.. كل ما اكل شي اقول لاااا اخاف وزني يزيد.. يعني صارت الفكره مسيطره علي تماما.. صرت في توتر انه لما اوزن اخر الاسبوع وزني ما يكون نازل..

خذوها نصيحه مني يا بنات.. وانا ان شالله راح اسوي مثلكم.. خليكم ريلاااااكس.. لا تفكرون في الريجيم وايد.. اعتبرو الاكل الي قاعدين تاكلونه في الريجيم هذا اكلكم العادي وانكم تبون تغيرون نظام حياتكم .. جذي راح يكون جسمج اقل توتر و يبدى يحرق الدهون.. ترى التوتر يخلي الجسم يحبس الماي و يوقف الحرق عشان الجسم يحس انه في حاله طوارئ ولازم يخزن الطاقه حق وقت يحتاجه..


خلونا نكون بعيدين عن التوتر.. نشرب ماي وايد.. ناخذ الحياه ببساطه.. والريجيم مب حرب احنا داخلينها مع جسمنا وادري انه وايد فينا يعتبره جذي .. هو مجرد طريقه لنكون اصحاء و نتمتع بجسم اجمل ( شفتو؟؟ ما قلت جميل.. لو قلت جميل يعني الحين اجسامنا قبيحه.. بس قلت اجمل.. يعني هو الحين حلو بس تبينه يصير احلى) ..

خلي تفكيرج دووم ايجابي عن نفسج وجسمج.. مهما كان وزنج.. التفكير الاجابي بحد ذاته يساعد الجسم على الاسترخاء وبالتالي التخلص من الفضلات و السموم..

تدرون شلون؟؟ الغو كلمه ريجيم من قاموسج اليومي.. قولي حق نفسج.. انا ابي نظام حياه صحي .. فقط.. لا تستخدمين كلمه ريجيم.. ترى من كثر ما سوينا ريجيم صارت الكلمه من احد يقولها او حتى لو انتي قلتيها بينج وبين نفسج تييب لج التوتر وتذكرج بالحرمان واليوع و البعد عن كل الاكل الي تحبينه..

يدا بيد ان شالله راح نوصل للوزن الي نبيه باتباع نظام صحي لحياتنا و مره ثانيه اقولكم.. خلونا ريلااااااااااااااااااااكس :D

السموحه على الاطاله واتمنى اشوف تفاعلكم مع الموضوع..

مع حبي..

درب الوله :27: